| e-texts navigator |
| Wylie |
180a1 རིགས་ངན་ཐ་མལ་ཞེན་ཆགས་དང་། །དྲན་རྟོག་མ་ལུས་ཕམ་བྱས་སྟེ། །ཕྱི་ནད་སྣོད་བཅུད་མ་ལུས་པ། །ལྷན་ཅིག་སྐྱེས་པའི་རང་བཞིན་དུ། །མ་ལུས་དཔུང་བཙུགས་རྒྱལ་བར་མཛད། །རྡོ་རྗེ་པད་མའི་སྙིང
180a2 པོ་ལ། །དགའ་བའི་རོལ་པའི་བདག་ཉིད་ཀྱིས། །ཐབས་དང་ཤེས་རབ་གསང་བའི་རོ། །ཕྱོགས་བཅུའི་རྒྱལ་བ་འདུས་པའི་ཚེ། །ཟག་མེད་ཡོན་ཏན་གཏེར་ཆེན་དེ། །གསང་བ་ཐབས་ཀྱི་སྟོབས་ལས་གྲུབ། །བདེ་ཆེན
180a3 སྙིང་པོ་ཐིག་ལེའི་རོ། །དབབ་དང་གཟུང་བཟློག་འབྱོངས་པ་ཡིས། །རྩ་གསུམ་གང་ཞིག་ཐིམ་པའི་ཚེ། །བར་ཆད་མེད་པའི་བདེ་བ་དང་། །ཐམས་ཅད་མཁྱེན་པའི་མངོན་ཤེས་དང་། །སྐྱེ་ཤི་མེད་པའི་ཚེ་ཐོབ་ཅིང་། །
180a4 མི་འགྱུར་ཆོས་སྐུ་ཐིག་ལེ་ལ། །རྒྱུ་བ་སྤངས་པའི་ཚུལ་གྱིས་གནས། །བདེ་ཆེན་ཆོ་འཕྲུལ་དཔག་མེད་པས། །གསང་བའི་ཞིང་ཁམས་དག་བྱེད་ཅིང་། །གསང་བ་ཆོས་ཀྱི་འཁོར་ལོ་བསྐོར། །བདེ་ཆེན་ཉམས་དང་དགའ
180a5 བའི་གར། །ཆགས་པའི་སྒྲ་ནི་སྣ་ཚོགས་པས། །ཇི་སྲིད་ནམ་མཁའི་མཐར་ཐུག་པར། །གླུ་ནི་སྣ་ཚོགས་ལེན་བྱེད་ཅིང་། །མཛེས་དང་ངོ་ཚ་སྤངས་པའི་ཚུལ། །མདོག་དམར་རླན་དང་ལྡན་པ་ཡིས། །རོལ་པའི་ཚུལ་ནི་སྣ
180a6 ཚོགས་ཀྱིས། །རྡོ་རྗེ་བཅུད་ཆེན་ཟླར་བཅས་པས། །ཉི་མ་ཆགས་པ་དང་བཅས་པའི། །པད་མའི་སྙིང་པོའི་སྤོངས་མཛད་ཅིང་། །དགའ་བའི་འོད་དང་འཁྱུད་པའི་གར། །རླུང་གི་སྙིང་པོ་རྗོད་བྱེད་ཅིང་། །སྲིད་པའི་མྱུ་གུ་འགོག
180a7 པར་མཛད། ། །།རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བའི་མེ་ལོང་གི་རྒྱུད་ཆེན་པོ་ལས། བསྒྲུབ་པ་མ་ལུས་པ་བཤད་པའི་ལེའུ་སྟེ་དགུ་པའོ།། །། དེ་ནས་གཞན་ཡང་བཤད་བྱ་བ། །རྟོག་པའི་རྒྱལ་པོ་མ་ལུས་པ། །
180a8 བྱ་བ་ལས་ཀྱི་རིམ་པ་དག་།བཞིར་ནི་གསལ་བར་གསུངས་པ་ཡིན། །དང་པོར་ཞི་བའི་རང་བཞིན་ཏེ། །དེ་འོག་རྒྱས་པས་རྒྱས་ཕྱིར་རོ། །རྒྱས་པས་དབང་དུ་བྱ་བ་དང་། །དབང་མི་འདུ་བ་བསྒྲལ་ཕྱིར་ཏེ། །ཐུན་མོང
iiif viewer powered by OpenSeadragon
