| e-texts navigator |
| Wylie |
178b1 བསྟན་པའི་དབང་ཐོབ་ནས། །དངས་མའི་ཕྱག་རྒྱ་ལ་བརྟེན་པས། །རྡོ་རྗེ་ཟླར་བཅས་རླུང་བརྟེན་པས། །གང་འཐད་ཞིང་དུ་བསྐྱོད་པའི་ས། །རྡོ་རྗེ་རིག་པ་འཛིན་པ་ཡིས། །ཞིང་ཁམས་དག་པའི་བྱ་བ་འགྲུབ། །མདུན་གྱི་ནམ་མཁར
178b2 ཟླ་བ་ལ། །ོཾ་ལ་ཆོ་གའི་ཚུལ་གྱིས་བསྒྱུར། །བརྟན་པའི་འཁོར་ལོ་ཟླ་རླུང་གིས། །དངས་མའི་སྟོབས་ཀྱིས་ལུས་གནས་པས། །དེ་བཞིན་གཤེགས་པའི་རིག་འཛིན་པ། །ཞིང་ཁམས་སོ་སོར་བསྐྱོད་བྱས་ནས། །རང་གི
178b3 བསམ་པ་བསྒྲུབ་པར་བྱ། །ནམ་མཁའི་དབྱིངས་ཀྱི་ཟླ་བ་ལ། །ཏྲ~ཾ་ལས་སྐྱེས་པའི་ཆོ་ག་ཡིས། །རིན་ཆེན་རླུང་ཟླར་བཅས་པ་ཡིས། །ཏིང་འཛིན་དྲག་པོ་བསྐྱོད་པའི་ཤུགས། །དངས་མ་ལུས་ཡིད་བཅས་པ་ཡིས། །དག་པའི་ཞིང
178b4 ཁམས་ཀུན་བསྐྱོད་དེ། །ལྷག་པའི་བསམ་པ་འགྲུབ་པར་འགྱུར། །ནམ་མཁའི་དཀྱིལ་འཁོར་དབུས་གནས་པར། །པད་མར་བཅས་པའི་ཟླ་བ་བསྒོམ། །ཧྲཱིཿ་ལས་སྣ་ཚོགས་ཆོས་མཆོག་སེམས། །གསལ་བརྟན་རླུང་གིས
178b5 སྟོབས་བསྟན་པས། །དངས་མའི་ལུས་ཡིད་གང་ཡིན་པ། །ཞིང་བསྐྱོད་བསམ་པ་གྲུབ་པར་འགྱུར། །ནམ་མཁའི་དབྱིངས་ཀྱི་དབུས་གནས་པར། །གསལ་བྱེད་སྣ་ཚོགས་བཅས་པ་བསྒོམ། ། འམ་ཧ་ལས་རང་ཉིད་ཀྱི། །
178b6 ལས་ཀྱི་ཕྱག་རྒྱར་གོམས་པར་བྱ། །བརྟན་ནས་དངས་མ་རླུང་སྟོབས་ཀྱིས། །ཞིང་ཁམས་གང་དུ་མངོན་བསམས་པའི། །འདོད་པའི་བསམ་པ་འགྲུབ་པར་འགྱུར། །འདིས་ནི་འབྱུང་ཞིང་དབང་མེད་ཅིང་། །འཆི་མེད་རླུང་ལ
178b7 དབང་ཐོབ་ནས། །ཆོ་འཕྲུལ་བཞི་ཡིས་ཟིལ་མནན་ནས། །མངོན་ཤེས་གདུག་པ་འདུལ་བ་ཡིས། །ལས་རྣམས་མི་འགྲུབ་གཅིག་ཀྱང་མེད། །དེ་ནས་གཞན་ཡང་ཆགས་ལྡན་རིམ། །སྐལ་ལྡན་དམན་དང་སྦྱོར་བས་ཟད། །
178b8 བདེ་བའི་དོན་འདོད་དཀའ་ཐུབ་ཅན། །འདི་དག་དོན་ལ་ཐབས་ཀྱིས་དགོད། །ཐབས་ལྡན་ལུས་ཀྱི་གོང་བུ་ལ། །རང་རང་ཆོ་གའི་ཐབས་ལྡན་ན། །བདེ་ཆེན་གར་ཐབས་སྣ་ཚོགས་པ། །རྣམ་པར་འཕྲུལ་པའི་རོ་ཡིས་བྱེད། །
iiif viewer powered by OpenSeadragon
