| e-texts navigator |
| Wylie |
178a1 དབུལ་པོ་གཏེར་དང་ཕྲད་འདོད་ན། །བདག་ཉིད་ལས་ལ་གོམས་པ་ཡིས། །རིགས་ལྔ་ལྷག་པའི་ལྷ་གསལ་ནས། །སོ་སོའི་ཕྱག་མཚན་ཡུངས་འབྲུ་ཙམ། །དབང་པོར་མཐོང་གི་བར་དུ་ནི། །བསམ་ཞིང་སྔགས
178a2 བཟླས་བདེན་པ་བདར། །མཚན་མ་བརྟན་པོ་གསལ་བ་ན། །གང་ན་ཡོད་པའི་ཕྱོགས་དེར་དོང་། །བདེན་པ་ཏིང་འཛིན་སྔགས་བཅས་མཐུས། །འདུག་གམ་སྨྲ་འམ་མཐོང་བ་འམ། །ཕྲ་མོ་དེར་ནི་ལྟུང་བར་འགྱུར། །
178a3 དེ་ནས་གཏེར་དང་ཕྲད་གྱུར་ནས། །དབུལ་བ་ཀུན་ལས་ཐར་བར་འགྱུར། །དེ་ནས་རྡོ་རྗེ་རྣལ་འབྱོར་པས། །མངོན་ཤེས་མིག་དང་ལྡན་འདོད་ན། །བདག་ཉིད་ལྷ་ཡི་རྣལ་འབྱོར་པ། །རབ་ཏུ་དབེན་པའི་ས་ཕྱོགས་སུ། །
178a4 མིག་སྣ་ལྔ་དང་བདུན་པའི་ཞག་།དེ་ཡི་ཞུན་མར་དུད་པར་བཅས། །འཕྲུལ་གྱི་འོ་མ་དག་གིས་སྦྱར། །རྡོ་རྗེ་པྲ་ཡིས་ཞག་བདུན་བསྒྲུབ། །ཉམས་དང་དྲོད་རྟགས་ཐོབ་པ་ན། །མིག་ལ་ལེགས་པར་སྔགས་ཀྱིས་བྱུག་།སྐད་ཅིག་སྟོང
178a5 གསུམ་བཅས་པ་ཡི། །ཕྱོགས་བཅུ་མངོན་པར་ཤེས་པས་མཐོང་། །གང་ཟག་རྒྱུན་ནི་བརྟག་པ་དང་། །སྡུག་བསྔལ་དྲག་པོས་ཞེན་བཟློག་ཅིང་། །སོ་སོ་དག་པའི་ཞིང་ཁམས་ཀྱིས། །ཡིད་བདེ་གྲུབ་པར་བྱ་བའི་ཕྱིར། །
178a6 མངོན་ཤེས་མཚན་མས་ལེགས་པར་བསྒྲུབ། །རྐང་མགྱོགས་ཐོབ་པར་འདོད་པ་ཡིས། །བདག་ཉིད་ལྷག་པའི་ལྷར་བསྒོམས་ནས། །བརྟན་ཞིང་བར་ཆད་མེད་ཐོབ་ནས། །ཟླ་བའི་དཀྱིལ་འཁོར་ལ་འདུག་སྟེ། །ཡ~ཾ་ལས་རླུང་གི
178a7 དཀྱིལ་འཁོར་སྟེ། །སྐད་ཅིག་དཔག་ཚད་བརྒྱར་འགྲོ་བ། །དེ་ལ་གནས་བསམ་མ་ཡེངས་པས། །རླུང་གིས་ཁྱབ་པ་ཇི་ལྟ་བར། །དཔག་ཚད་བརྒྱ་ཕྲག་དུ་མ་ཡང་། །སྐད་ཅིག་ཙམ་གྱིས་བགྲོད་པར་འགྱུར། །གལ་ཏེ
178a8 རྫུ་འཕྲུལ་བཞི་དག་གིས། །རིག་འཛིན་གོ་འཕང་འགྲོ་འདོད་ན། །སྔོན་དུ་དག་པའི་དོན་ཐོབ་ནས། །ཕྱག་རྒྱ་གསལ་བར་གྱུར་པའི་ཚེ། །ནམ་མཁའི་ལིང་ག་ཟླ་བ་ལ། །ཧཱུ~ཾ་ལས་རྡོ་རྗེ་ཆོ་ག་གསུམ། །རིམ་པར
iiif viewer powered by OpenSeadragon
