| e-texts navigator |
| Wylie |
176b1 སྟེ། །དྲི་ཞིམ་འོད་ཆགས་གཉིས་པ་ཡིན། །དགའ་བའི་སྒྲ་སྒྲོགས་གསུམ་པ་ཡིན། །བཀྲག་དང་གཟི་མདངས་ཉམས་སོད་ཡིན། །ཞིང་ཆེན་ཁ་ནས་ཧྲི་བྱུང་ན། །ཏིང་འཛིན་རྡོ་རྗེ་སོ་ཡིས་བཅད། །རོ་ལངས་བརྡབས་ན
176b2 གསེར་དུ་འགྱུར། །ལྕེ་ཡི་རལ་གྲིས་དེ་བཅད་ན། །ཅིས་ཀྱང་མི་ཚུགས་གོ་མཚོན་ཏེ། །ལྷ་མིན་གཡུལ་ཡང་ཕམ་བྱེད་ན། །དཔའ་བོ་སྟོབས་ལྡན་སྨོས་ཅི་དགོས། །དེ་ཡི་དབང་པོ་ལྔ་དག་ལ། །མངོན་ཤེས་ལྔ
176b3 ཡི་དངོས་གྲུབ་ཡོད། །རང་གི་རྟོག་པ་ཇི་བཞིན་དུ། །མཁས་པས་བསྒྲུབས་ན་འགྲུབ་པར་འགྱུར། །གལ་ཏེ་བཅུ་བདུན་བཅཝ་བརྒྱད་མའི། །ཞིང་མཛེས་བཀྲུ་ཞིང་བྱུགས་བྱས་ཏེ། །རྒྱན་དང་གོས་ཀྱིས་ལེགས་པར་གདགས། །
176b4 དྲི་ཞིམ་དབང་པོ་དག་པ་ལ། །བདག་ཉིད་དབང་དྲག་རྣལ་འབྱོར་གྱིས། །ཡེ་ཤེས་འཇིག་རྟེན་གང་རུང་པའི། །ལྷ་མོ་ཡིད་འོང་འོད་འབར་མ། །སྔགས་དང་ཕྱག་རྒྱས་བཀུག་བཅིངས་ནས། །རྟགས་བྱུང་བར་དུ་བསྟིམ་པར་བྱ། །
176b5 དྲི་དང་སྒྲ་དང་འོད་དག་དང་། །འདར་དང་འགུལ་དང་དགོད་པ་དག་།དང་པོའི་རྟགས་ནི་ཡིན་པར་བཤད། །ལྷ་དང་གཏམ་དང་གཉིས་པ་སྟེ། །དངོས་སུ་ལངས་པ་ཚད་ཡིན་པས། །དམ་བདར་མནས་བསྒག་དབང་དུ་བསྡུ། །
176b6 གལ་ཏེ་སྦྱར་དུ་སད་པ་ན། །ཆོ་འཕྲུལ་ཆེན་ཞིང་ལོག་སྟོན་ན། །དབང་དྲག་ང་རྒྱལ་ཆེན་པོ་ཡིས། །དབང་དུ་བསྡུ་དང་ཟིལ་གྱིས་མནན། །དེ་དག་ཆགས་པས་རོལ་སྤྱད་ན། །སྐད་ཅིག་ཆོ་འཕྲུལ་བཞི་ཐོབ་སྟེ། །
176b7 སྐྱེ་ཤི་མེད་པར་གནས་པ་དང་། །མ་ལུས་བདེ་ཆེན་འབར་བ་དང་། །ཞིང་ཁམས་ཀུན་ཏུ་བགྲོད་པ་དག་།ཐོགས་པ་མེད་པར་འགྲུབ་པར་འགྱུར། །གཙང་མ་བྱིས་པ་རྨ་མེད་པ། །ཡིད་འོང་ལེགས་པ་བཙལ་བླངས་ནས། །
176b8 དག་ཅིང་བདུད་རྩིས་དྲི་བྱུགས་ལ། །འདའ་ཧཱུ་མ་ཏས་ལེགས་བྱུགས་ལ། ཁ་དོག་ལྔ་ཡི་གཟུངས་ཀྱིས་གདགས། །ཚངས་པ་དང་ནི་བརྒྱ་བྱིན་དང་། །ལྷ་མོ་གང་རུང་སྙིང་པོས་དགུག་།རྟག་ཏུ་ཕྱག་རྒྱ་བཞིས་བསྟིམ་ཞིང་། །
iiif viewer powered by OpenSeadragon
