| e-texts navigator |
| Wylie |
175b1 བ་ཉིད། །རང་རང་རྟོག་པ་ཇི་བཞིན་དུ། །ཐ་མལ་བ་དང་ལེ་ལོ་དང་། །ཐེ་ཙོམ་དད་པའི་སྟོབས་ཀྱིས་ཏེ། །གལ་ཏེ་དེ་དག་མི་ལྡན་ན། །ས་ཐོབ་ཀྱིས་ཀྱང་མ་ཡིན་ན། །གང་ཟག་སྐྱེ་བོས་སྨོས་ཅི་དགོས། །གལ་ཏེ་དགུག
175b2 པའི་ལས་བྱ་ན། །བདག་ཉིད་དབང་དྲག་ཁྲོ་བོའི་སྟེ། །དམར་ཐག་དུད་ཀའི་མདོག་འདྲ་བའི། །གང་ལྟར་གནས་པའི་འཕྲོ་འདུ་ནི། །ཞགས་པ་ལྕགས་ཀྱུ་ཤ་སྟག་སྟེ། །དམིགས་པ་བརྟན་ཅིང་རྟགས་ཐོབ་ནས། །མངོན་དུ་གྱུར
175b3 གྱི་བར་དུ་ནི། །རང་སྔགས་བརྗོད་པ་དེ་ཡི་མཐར། །ཆེ་གེ་མོ་ཞིག་ཛཿ་ཧཱུ~ཾ་ཞེས། །དགྲ་དང་བགེགས་དང་ལྷ་དང་གཟུངས། །མཐུ་དང་རྫུ་འཕྲུལ་ལྡན་ཡང་རུང་། །ཐ་མལ་དབང་མེད་བཞིན་དུ་དགུག་།གལ་ཏེ་དེ་ཡི་དགོས་པ་དག་།
175b4 མྱུར་དུ་གྲུབ་པར་མ་གྱུར་ན། །དེ་དག་ལེགས་པར་གྲུབ་ཀྱི་བར། །གང་ཡིན་མཁས་པས་བཅིང་བར་བྱ། །དག་དང་ཐབས་དང་ཏིང་འཛིན་གྱིས། །འགྲུབ་པར་འགྱུར་པར་གདོན་མི་ཟ། །བདག་ཉིད་དབང་དྲག་གསལ་བ་ཡི། །ལྕེ་ལ་དབང་གི
175b5 འཁོར་ལོ་བསམ། །ཡི་གེ་གསུམ་ལྡན་དགུ་བཀོད་ནས། །འོད་ཀྱིས་ནམ་མཁའི་ཁམས་བཀང་ཞིང་། །པད་མ་རཱ་ག་ཞུ་འདྲ་བས། །གང་ཐིམ་བདག་གི་དབང་འགྱུར་ཞིང་། །བདེན་པ་བདར་ཞིང་ངག་གིས་བཅིང་། །ཡང་ན་གང་ལ་གང
175b6 ཆགས་པའི། །རྫས་ལ་རིང་དུ་འདོད་པ་ལྟར། །འདོད་པ་གྲུབ་ན་དམ་བཅས་ཞིང་། །ཡིད་འོང་འདུལ་བའི་ཏིང་འཛིན་གྱིས། །དགའ་བའི་ཐབས་ཀྱིས་བསྟེན་བྱས་ན། །གལ་ཏེ་འགྲོ་ཞིང་འཕྲོ་འདོད་ན། །དབང་དྲག་ཕྱག་རྒྱས་བསྡིགས
175b7 བཅིང་གཟིར། །དགའ་བའི་ཐབས་ཀྱིས་ཡིད་འཕྲོགས་ནས། །རོལ་མོ་སྒྱུ་མཁན་དག་དེ་ཡིས། །འདུས་པའི་གང་ཟག་ཆགས་པ་ཅན། །བྱ་བ་ཐབས་ཀྱིས་བྲལ་བ་ལྟར། །བྲལ་བ་མེད་པར་གནས་པར་འགྱུར། །ཏིང་འཛིན
175b8 བརྟན་པའི་ནུས་པ་ཡིས། །གང་ཡང་རུང་བའི་སེམས་ཅན་དེ། །སྣ་ཚོགས་ཁྲོ་བོ་ཁྲོ་མོ་ཡིས། །འོད་དང་ཕྱག་རྒྱ་འབར་བ་ཡིས། །བཅིངས་ནས་མདུན་དུ་གནས་པར་བལྟ། །དགའ་དང་བསྡིགས་པ་རྫས་ཀྱི་མཐའ། །
iiif viewer powered by OpenSeadragon
