| e-texts navigator |
| Wylie |
174b1 བསྔལ་མྱོང་ནས་ནི། །ཇི་སྲིད་ནམ་མཁའ་གནས་པའི་བར། །མཚོན་ཆའི་འཁོར་ལོ་བཞིན་དུ་འཁོར། །ཡན་ལག་དམ་ཚིག་ཉམས་གྱུར་ན། །ཟླ་བ་བདུན་དུ་སྨྲ་བཅད་བྱ། །སྦྱིན་བསྲེག་སྟོང་རྩ་བརྒྱད་དུ་བྱ། །བཟླས་པ་བྱེ་བ་ཚད་འབུམ་གཅིག་།
174b2 གཏོར་མ་ཁྲི་ཕྲག་གཅིག་ཏུ་གཏང་། །དེ་ནས་སླར་ཡང་བླང་བ་དང་། །དག་དང་ཚངས་པར་བསྒྲགས་པར་བྱ། །དག་པའི་སྣོད་དང་མི་ལྡན་པར། །གསང་བ་སྟོན་ཅིང་འཆད་པ་དང་། །དབང་མ་ཐོབ་པར་བཀའ་འགོམ་དང་། །བདེར་གཤེགས་བཀའ་ལས
174b3 འདས་པ་དང་། །ཚད་དང་ལྡན་པའི་སྣོད་མིན་ལ། །གསང་བ་ཚད་དུ་སྒྲོགས་པ་དང་། །གསང་བ་ཉམས་སུ་མི་ལེན་པར། །འཕྱར་བས་ཀུན་ལ་སྤེལ་བ་ནི། །ཚད་ལས་འདས་པའི་གང་ཟག་སྟེ། །སངས་རྒྱས་ཀུན་ལ་བརྙས་བྱེད་པས། །དུས་གསུམ
174b4 སངས་རྒྱས་ཁྲོས་པ་ཡིན། །བདུན་རྒྱུད་ཚུན་ཆད་བརླག་པར་མཛད། །བླ་མ་དང་ནི་གྲོགས་རྣམས་དང་། །ཕ་མ་གཉེན་བཤེས་རྒྱལ་བློན་དང་། །རྒྱལ་འབངས་ཉེས་མེད་སྡང་བ་ནི། །དམ་ཚིག་ཉམས་པའི་རྟགས་སུ་བཤད། །ཟབ་མོ
174b5 དག་ལ་གེགས་འབྱུང་དང་། །བསྒྲུབས་པས་འདོད་པ་མི་འབྱུང་ཞིང་། །བསྲུང་བའི་ལྷ་རྣམས་གཡེལ་བ་དང་། །མ་ཉེས་ཡ་ཁ་འབྱུང་བ་དག་།དམ་ཚིག་ཉམས་པའི་རྟགས་སུ་བཤད། །དང་པོར་བླ་མའི་ལུང་ཐོབ་ནས། །རང་གིས
174b6 ཉམས་པ་མ་ཚོར་ཞིང་། །བདེ་ལེགས་བསམ་པ་འགྲུབ་འགྱུར་ཞིང་། །བདག་གཞན་བསམ་པའི་ཁྱད་པར་དག་།སྔོན་དུ་ཡིད་བཞིན་ནོར་བུ་བཞིན། །འགྲུབ་ཅིང་བསྔགས་པས་ཐོབ་པ་ནི། །མ་ཉམས་དོན་དང་ལྡན་པའི་རྟགས། །
174b7 རྣལ་འབྱོར་དབང་ཕྱུག་རྒྱལ་པོ་ཡིན། །གལ་ཏེ་མ་ཉམས་རྟགས་བྱུང་ན། །བཀང་གསོའི་ཆོ་ག་མྱུར་དུ་བརྩམ། །གལ་ཏེ་ཉམས་ལ་རྟགས་མེད་ཅིང་། །ལེགས་པར་སྣང་ན་མི་རུང་སྟེ། །བདག་གི་ས་བོན་ཚིག་པ་སྟེ། །བདེ་བ་ཟད
174b8 བྱས་གཏན་དུ་སྡུག་། མ་ཉམས་རྟགས་བྱུང་མྱུར་བཀངས་ན། །སྔོན་གྱི་བག་ཆགས་ཟད་པར་འགྱུར།། །།
iiif viewer powered by OpenSeadragon
