| e-texts navigator |
| Wylie |
174a1 པའི་དམ་ཚིག་དང་། །ཐམས་ཅད་བདེ་སྦྱོར་དམ་ཚིག་དང་། །རྡོ་རྗེ་ལོག་འཇོམས་དམ་ཚིག་དང་། །འཁོར་བ་ཟིལ་གནོན་དམ་ཚིག་དང་། །མ་བཅོས་ལྷུན་གྲུབ་དམ་ཚིག་དང་། །ཐིག་ལེ་བདེ་སྦྱོར་དམ་ཚིག་ནི། །ལྟ་བ་རྒྱུན་བསྲུང
174a2 དམ་ཚིག་ཡིན། །ཏིང་འཛིན་རྒྱུན་བསྒོམ་དམ་ཚིག་དང་། །བཅིང་བ་ཕྱག་རྒྱའི་དམ་ཚིག་དང་། །བཟླས་པ་སྒྲ་སྙན་དམ་ཚིག་དང་། །སྒོ་གསུམ་མཉམ་པའི་དམ་ཚིག་དང་། །ཤེས་རབ་བདེ་སྦྱོར་དམ་ཚིག་ནི། །ཏིང་འཛིན་རྒྱུན་གྱི་དམ
174a3 ཚིག་ཡིན། །ཐ་སྙད་ཟིལ་གནོན་དམ་ཚིག་དང་། །སྤྱོད་ལམ་བདེ་འབྱོར་དམ་ཚིག་དང་། །རིག་པ་ཐོད་རྒལ་དམ་ཚིག་དང་། །མ་བཅོས་གནས་དག་དམ་ཚིག་དང་། །རང་འབྱུང་གནས་བྲལ་དམ་ཚིག་སྟེ། །གཅིག་ཅར་གནས་པའི་བསྲུང་ཐབས
174a4 ཡིན། །ཐམས་ཅད་སྐྱེད་བྱེད་དམ་ཚིག་དང་། །རྒྱུད་དྲུག་སྦྱོར་བྱེད་དམ་ཚིག་དང་། །རྟོགས་པས་ཚིམ་བྱེད་དམ་ཚིག་དང་། །ཁྱབ་པ་ནམ་མཁའི་དམ་ཚིག་དང་། །གཞན་དོན་ཤུགས་གྲུབ་དམ་ཚིག་ནི། །དམ་ཚིག་ཆེ་བ་བསྟན་པ་ཡིན། །
174a5 དམྱལ་ཆེན་དམྱལ་བ་ཕལ་པ་དང་། །ཡིད་དགས་བྱོལ་སོང་སྲིན་པོ་དང་། །གནོད་སྦྱིན་མངལ་སྲིན་ཁ་འབར་ལྕེ། །ལྷ་དང་ལྷ་མིན་རུ་དྲ་དང་། །རྩངས་པ་ལ་སོགས་འཁོར་བ་སྟེ། །ཆད་པའི་སྐྱེ་གནས་བསྟན་པ་ཡིན། །བསྲུང་བའི་དམ་ཚིག་ཆེན་པོ
174a6 ཡིན། །གལ་ཏེ་སྟོང་པའི་དོན་རྟོགས་ན། །བསྐང་དང་ཉམས་པའི་ཚུལ་མེད་དེ། །ཆད་པའི་ཡུལ་ལས་འདས་པ་ཡིན། །གང་ཟག་འགའ་ཞིག་སྤྱོད་ཡུལ་ཡིན། །གལ་ཏེ་རྩ་བའི་དམ་ཉམས་ན། །བླ་མ་གྲོགས་པོ་བརྒྱ་དག་ལ། །བཤགས་པ་སྟོང་ཕྲག་བརྒྱ་རུ་བྱ། །བཟླས
174a7 པ་བྱེ་བ་ཕྲག་བདུན་བྱ། །གཏོར་མ་འབུམ་ཕྲག་བདུན་དུ་བྱ། །སྦྱིན་བསྲེག་འབུམ་ཕྲག་བཅུ་གཅིག་བྱ། །དེ་ནས་སླར་ཡང་བླང་བ་འམ། །བླ་མས་གནང་ནས་གནས་པར་བྱ། །གལ་ཏེ་ཡུལ་དེ་མི་གནས་སམ། །ལོ་གསུམ་ཕན་ཆད་འདས་པ་འམ། །
174a8 གལ་ཏེ་བཤགས་པའི་ཚུལ་མཐོང་བས། །མ་དད་འདོད་པའི་སེམས་སྐྱེས་ནས། །བསྐང་བའི་ཚང་ལས་འདས་པ་སྟེ། །བསྐལ་པ་ཆེན་པོ་བརྒྱད་ཁྲིའི་བར། །བཤགས་ཀྱང་དག་པར་མི་འགྱུར་ཏེ། །རྡོ་རྗེ་དམྱལ་བ་ཞེས་བྱ་བར། །མི་བཟད་སྡུག
iiif viewer powered by OpenSeadragon
