| e-texts navigator |
| Wylie |
173b1 དམ་ཚིག་དང་། །བརྗོད་མེད་སྤྲོས་མེད་དམ་ཚིག་དང་། །ཕྱོགས་དུས་གཉིས་མེད་དམ་ཚིག་དང་། །གཉིས་མེད་བྱང་ཆུབ་སེམས་དམ་ཚིག་།འདུས་མ་བྱས་པའི་དམ་ཚིག་དང་། །ཐམས་ཅད་རྒྱས་འདེབས་དམ་ཚིག་དང་། །ཐམས་ཅད
173b2 མི་འགོག་དམ་ཚིག་སྟེ། །ངོ་བོ་ཏིང་འཛིན་དམ་ཚིག་ཡིན། །གྲུབ་པར་བྱ་བ་ལྔ་བསྟན་པ། །ཆོས་ཀྱི་འཁོར་ལོའི་དམ་ཚིག་དང་། །རིན་ཆེན་འབྱུང་བའི་དམ་ཚིག་དང་། །པད་མ་ཆགས་མེད་དམ་ཚིག་དང་། །དོན་རྣམས་གྲུབ་པའི་དམ
173b3 ཚིག་དང་། །འཇིགས་བྱེད་རྡོ་རྗེ་དམ་ཚིག་དང་། །དེ་བཞིན་སྐུ་ཉིད་དམ་ཚིག་དང་། །ཐམས་ཅད་འབྱོར་ལྡན་དམ་ཚིག་སྟེ། །སྐུ་ཡི་དམ་ཚིག་བདུན་དུ་བཤད། །ཡང་དག་དོན་སྟོན་ལ་སོགས་པ། །གསུང་གི་དམ་ཚིག་བརྒྱད་པོ་ཉིད། །རང་ལ
173b4 རྫོགས་པར་ཤེས་བྱ་སྟེ། །འབྲས་བུའི་བསྲུང་བས་བསྒྲུབ་བྱ་ཡིན། །རང་རིག་དབང་སྒྱུར་དམ་ཚིག་དང་། །ཚེ་མཆོག་རྣམ་དག་དམ་ཚིག་དང་། །རང་བཞིན་འོད་གསལ་དམ་ཚིག་དང་། །བྱང་ཆུབ་སྡོམ་བྱེད་དམ་ཚིག་དང་། །ཐམས་ཅད་དབང་སྒྱུར
173b5 དམ་ཚིག་དྲུག་། ཐུགས་ཀྱི་དམ་ཚིག་ཉིད་དུ་བཤད། །བྱང་ཆུབ་ཞིང་བཀོད་དམ་ཚིག་དང་། །ཡེ་ཤེས་བཞུགས་གནས་དམ་ཚིག་དང་། །གཞལ་ཡས་ཁང་བསྟན་དམ་ཚིག་དང་། །སྣ་ཚོགས་ཀུན་སྒྱུར་དམ་ཚིག་དང་། །ཟད་མེད་གཏེར་ལྡན་དམ
173b6 ཚིག་དང་། །བསྒྲུབ་པ་ཟད་མེད་དམ་ཚིག་དང་། །ཟད་མེད་གཏེར་ཆེན་དམ་ཚིག་ནི། །ཡོན་ཏན་དམ་ཚིག་བདུན་དུ་བཤད། །ཐམས་ཅད་བྱིན་རློབ་དམ་ཚིག་དང་། །བདུད་སྡེ་ཚར་གཅོད་དམ་ཚིག་དང་། །སེམས་ཅན་དོན་བྱེད་དམ་ཚིག་ནི། །འཕྲིན་ལས་དམ་ཚིག་གསུམ
173b7 དུ་བཤད། །སྤོང་བ་རྡོ་རྗེ་དམ་ཚིག་དང་། །ཆགས་པའི་ཡེ་ཤེས་དམ་ཚིག་དང་། །གཏི་མུག་ཆེན་པོའི་དམ་ཚིག་དང་། །ཕྲག་དོག་ཆེན་པོའི་དམ་ཚིག་དང་། །ང་རྒྱལ་བདེ་མཆོག་དམ་ཚིག་དང་། །ཉོན་མོངས་ལྔ་ཡི་དམ་ཚིག་སྟེ། །
173b8 མི་སྤང་བ་ཡི་དམ་ཚིག་ཡིན། །གཏན་དུ་མ་ཡེངས་བསྲུང་བ་ནི། །མཉམ་པ་ལྔ་ཡི་དམ་ཚིག་དང་། །བདེན་པ་དབྱེར་མེད་དམ་ཚིག་དང་། །སྐུ་གསུང་ཐུགས་སྦྱོར་དམ་ཚིག་དང་། །ལམ་ལྔ་རྫོགས
iiif viewer powered by OpenSeadragon
