| e-texts navigator |
| Wylie |
172b1 སོ་སོ་ལས། །བདུད་རྩི་བྲལ་བ་མེད་པར་གནས། །འབྱུང་ལྔ་དབང་པོ་གཟུགས་སོགས་བཅས། །ཐབས་ལྡན་སྦྱོར་བའི་བྱིན་བརླབས་ཀྱིས། །བདེ་ཆེན་ལྷན་ཅིག་སྐྱེས་པར་ཤེས། །ཉི་ཟླ་རླུང་གིས་ཟིན་པ་ཡི། །མཚན་མ་བྲལ་བ་ངོ་བོ
172b2 ལས། །ཞེན་པ་མེད་པའི་ཐབས་ཆེན་པོས། །ལྷན་ཅིག་སྐྱེས་པའི་རང་བཞིན་ལས། །ཡེ་ཤེས་ལྔ་ཡི་རོས་གང་བས། །མ་ལུས་རྒྱལ་བ་ལྔ་རུ་གྲུབ། །འདི་ནི་ཕྱི་ནང་གསང་བ་ཡི། །རང་བཞིན་དམ་ཚིག་ཆེན་པོ་ཡིན། །
172b3 དམ་ཚིག་རྣམ་པ་མཐའ་ཡས་པ། །ཤིན་ཏུ་བསྡུས་པ་རྣམ་པ་གཉིས། །འབྲིང་དུ་རྩ་བ་ལྔ་ཉིད་དང་། །ཡན་ལག་བཅུ་རུ་ཤེས་པར་བྱ། །ཤིན་ཏུ་རྒྱས་པའི་དམ་ཚིག་ནི། །སྤྱིར་ནི་སུམ་བརྒྱ་དྲུག་ཅུ་སྟེ། །རང་བཞིན་འོད་གསལ་བ་ཉིད
172b4 དང་། །ཉིད་ཀྱི་དཀྱིལ་འཁོར་སྣང་བ་དང་། །དུས་བཞི་རྒྱལ་མཆོག་ཉིད་དང་ནི། །བསྒྲུབ་མེད་མཉམ་པར་རྫོགས་པ་ཉིད། །ལྷུན་གྲུབ་བདེ་གནས་དམ་ཚིག་དང་། །རྣམ་དག་བྱང་ཆུབ་གཟུང་འཛིན་བྲལ། །རྟོགས་ནས་དོན་འཛིན་དམ་ཚིག
172b5 དང་། །སེམས་ལ་གནས་བཅས་དམ་ཚིག་དང་། །ཡེ་ནས་མ་བཅོས་དམ་ཚིག་དང་། །འདུས་བྱས་རྣམ་དག་དམ་ཚིག་དང་། །ཆོས་རྣམས་དབྱེར་མེད་དམ་ཚིག་དང་། །ཐམས་ཅད་འཇིགས་མེད་དམ་ཚིག་དང་། །གཡུང་དྲུང་ཚེ་འཕེལ་དམ་ཚིག
172b6 དང་། །ཐམས་ཅད་བསྲུང་དུ་མེད་པ་སྟེ། །འདི་དག་ལྟ་བའི་དམ་ཚིག་ཡིན། །ཐམས་ཅད་སྦྱོར་བའི་དམ་ཚིག་དང་། །མ་ལུས་བསྒྲལ་བའི་དམ་ཚིག་དང་། །མ་བྱིན་ལེན་པའི་དམ་ཚིག་དང་། །བརྫུན་དུ་སྨྲ་བའི་དམ་ཚིག་དང་། །ཐམས་ཅད་སྤྱོད་པའི
172b7 དམ་ཚིག་དང་། །དམ་རྫས་སྤྱོད་པའི་དམ་ཚིག་སྟེ། །འདི་དག་སྤྱོད་པའི་དམ་ཚིག་ཡིན། །བསྒྲུབ་པའི་དམ་ཚིག་རྣམ་གསུམ་ནི། །རྡོ་རྗེ་སྐྱེ་གནས་དམ་ཚིག་དང་། །འདྲེན་བྱེད་གནས་སྟོབས་དམ་ཚིག་དང་། །ལམ་ལ་སྟོན་བྱེད་དམ
172b8 ཚིག་དང་། །རབ་ཏུ་རྟོགས་བྱེད་དམ་ཚིག་དང་། །སྒྱུར་བྱེད་བྱང་ཆུབ་དམ་ཚིག་དང་། །ཐམས་ཅད་དབང་སྒྱུར་དམ་ཚིག་དང་། །རིག་འཛིན་གནས་སྟོབས་དམ་ཚིག་དང་། །བསྒྲུབ་བྱ་རྟོགས་པའི་དམ་ཚིག་ཡིན། །ཡུམ་གྱུར་དབྱིངས་ཕྱུག་དམ་ཚིག་དང་། །
iiif viewer powered by OpenSeadragon
