| e-texts navigator |
| Wylie |
171b1 ཡིད་བཞིན་ནོར་བུ་ལྟ་བུར་གྱུར། །དུས་གསུམ་རྒྱལ་བ་ཐམས་ཅད་ཀྱི། །སྐུ་གསུང་ཐུགས་དང་ཡན་ལག་གི། བསྲུང་བྱ་དཀའ་ཐུབ་དམ་པ་འདི། །ཀུན་གྱིས་འདའ་བ་མ་ཡིན་ཞིང་། །གནས་པ་དམ་པ་ཉིད་ཡིན་ཏེ། །ལས་དང
171b2 སྐལ་པ་དམན་པ་དང་། །རིགས་དམན་ལེ་ལོ་ཆེ་བ་དང་། །རང་བཞིན་ངན་པའི་གང་ཟག་གིས། །བླུན་པོ་གང་ཞིག་འདའ་བྱེད་ཅིང་། །དངོས་གྲུབ་གཉིས་ལ་རྒྱབ་ཕྱོགས་ནས། །དམ་པ་རྣམས་ལ་དམོད་བྱེད་པ། །སངས
171b3 རྒྱས་ཀུན་ལ་ཉེས་བྱས་པས། །རྡོ་རྗེ་འཛིན་རྒྱལ་ཁྲོས་ནས་ནི། །བདུན་རྒྱུད་ཚུན་ཆད་བརླག་པར་མཛད། །མཁའ་འགྲོ་མ་དང་རིག་འཛིན་དང་། ཁ་འབར་གཏུམ་འཁྲུག་རྔམ་པའི་ཚོགས། །དེ་མ་ཐག་ཏུ་སྲོག་བཅད་ནས། །
171b4 དམྱལ་བའི་གནས་སུ་སྐྱེ་བར་འགྱུར། །གལ་ཏེ་འཇིག་པར་གྱུར་ན་ནི། །འཇིག་རྟེན་གང་དུ་སྐྱེ་འགྱུར་ཞིང་། །ཇི་སྲིད་ནམ་མཁའ་འཇིག་པ་འམ། །ཕྱི་ཡི་རྒྱ་མཚོ་ཟད་པའི་ཚེ། །ཐར་ཏེ་གཞན་དུ་ནམ་ཡང་མིན། །དམ
171b5 པའི་བླ་མ་སྤོང་བ་དང་། །རྡོ་རྗེ་མཆེད་ལ་འཁུ་བ་དང་། །བྱང་ཆུབ་སེམས་ཉིད་མི་དྲན་ཞིང་། །སྔགས་དང་ཕྱག་རྒྱ་ཡལ་བ་དང་། །སྣོད་མིན་གསང་བ་བཤད་པ་དང་། །གསང་བའི་དོན་ལ་སྐུར་བ་ནི། །འདིར་ཡང་སྡུག
171b6 བསྔལ་མྱོང་འགྱུར་ཞིང་། །སྐད་ཅིག་འགགས་པས་དེ་མ་ཐག་།བར་མའི་ལུས་དང་བྲལ་གྱུར་པའི། །རྡོ་རྗེ་དམྱལ་བར་སྐྱེ་བར་འགྱུར། །གང་དུ་རྩ་བ་ཡན་ལག་བཅས། །བསྲུང་དང་དབོག་པར་བྱ་བའི་ཆོས། །ཐུན
171b7 མོང་དབང་དང་འབྲེལ་བཅས་པའི། །ཐུན་མོང་སྤྱི་ཡི་ཡུལ་གྱུར་པ། །དེ་ནི་ཐུན་མོང་བསྲུང་བྱ་སྟེ། །འདི་ནི་ཕྱི་ཡི་དམ་ཚིག་གོ། ཐབས་དང་ཤེས་རབ་སྦྱར་བའི་སེམས། །ཐིག་ལེའི་སེམས་ལྔའི་ལམ་གྱི་རིམ། །
171b8 རིག་པ་མ་ལུས་གསལ་བའི་ཚེ། །ཐིག་ལེ་གཉིས་མེད་ཉམས་སུ་བྱུང་། །བདེ་བའི་ཐིག་ལེའི་བཅུད་བསྒྱུར་བས། །ཚོགས་དྲུག་རང་སྣང་ཐིག་ལེའི་གྲོགས། །མ་ལུས་ཐིག་ལེས་བྱིན་བརླབས་པས། །ཐམས་ཅད
iiif viewer powered by OpenSeadragon
