| e-texts navigator |
| Wylie |
171a1 རྟགས་ཐོབ་བར། །རྩ་བ་ཡན་ལག་བཅས་པ་ཡི། །ལུས་སེམས་མ་ཡེངས་རྩེ་གཅིག་པས། །རྣམ་པ་དང་བཅས་དང་དུ་བླང་། །ས་ཐོབ་གོམས་དང་མཐར་ཕྱིན་པར། །ཏིང་འཛིན་དོན་ལ་གནས་པའི་ཚེ། །འགལ
171a2 བའི་སྒོ་གསུམ་མི་འབྱུང་བས། །ཏིང་འཛིན་རྒྱུན་གྱི་དམ་ཚིག་ལ། །རྣམ་པའི་དམ་ཚིག་མ་ལུས་འདུས། །དོན་ལས་ལངས་ཚེ་སྙིང་རྗེ་དང་། །རྩ་བ་ཡན་ལག་ཤུགས་ལྡན་ཡིན། །སངས་རྒྱས་ས་ལ་གནས་པ་ན། །འདའ་བ
171a3 མེད་པའི་དམ་ཚིག་སྟེ། །རྒྱ་མཚོ་རླན་བཞིན་ཐོབ་སྤངས་མེད། །བསྲུང་བྱེད་ཡེ་ཤེས་དམ་ཚིག་སྟེ། །དམ་ཚིག་འདི་ནི་རྨད་པོ་ཆེ། །བསྙེན་པ་རྟགས་དང་ལྡན་བར་དུ། །སྤྱི་ཡི་དམ་ཚིག་བསྲུང་བྱ་ཞིང་། །བསྒྲུབ་པ་གང་ཡིན་འགྲུབ་པ་ན། །
171a4 ཁྱད་པར་རང་རང་རྟོག་པ་ཡི། །དམ་ཚིག་མེད་པར་འགྲུབ་མི་འགྱུར། །གང་ཟག་གང་ལ་དགའ་བ་ལ། །དམ་ཚིག་དཀའ་ཐུབ་སྒོ་ནས་ནི། །གསང་བའི་དོན་ལ་དགོད་བྱའི་ཕྱིར། །དམ་ཚིག་རྣམ་པ་མཐའ་ཡས་བསྟན། །དང་པོ་ལས་ཅན་རྣལ་འབྱོར
171a5 ལ། །རྩ་བ་ཐུན་མོང་དམ་ཚིག་བསྟན། །བརྟན་ནས་ཉམས་ལྡན་གང་ཟག་ལ། །ཐུན་མོང་མིན་པའི་དམ་ཚིག་བསྟན། །རྟོགས་པའི་འཇིགས་མེད་གང་ཟག་ལ། །འདའ་ཉམས་མེད་པའི་དམ་ཚིག་བསྟན། །ས་ཐོབ་གོམས་མཐར་ཕྱིན་པ
171a6 ལ། །ཏིང་འཛིན་རྒྱུན་གྱི་དམ་ཚིག་བསྟན། །དངོས་གྲུབ་རྟོགས་པ་ཀུན་དང་འབྲེལ། །དམ་ཚིག་འདི་ནི་རྡོ་རྗེ་ཆེ། །སངས་རྒྱས་ཀུན་གྱིས་བྱིན་བརླབས་པའི། །རྩ་བ་ཡན་ལག་བཅས་པ་འདི། །ཐོབ་ནས་དམ་པར་གང་བསྲུངས
171a7 པ། །ཡོན་ཏན་ཆུང་ཡང་འགྲུབ་པར་བཤད། །མཆོག་དང་ཐུན་མོང་ལ་སོགས་པ། །དངོས་གྲུབ་རྟོག་པ་མ་ལུས་པ། །ཆོ་ག་གང་དང་ཏིང་འཛིན་གང་། །བསྒྲུབ་པ་གང་དང་གང་ཡང་རུང་། །མ་ཉམས་ཚུལ་དུ་རབ་བརྩོན
171a8 པས། །མྱུར་དུ་གྲུབ་པ་ཉིད་དུ་འགྱུར། །གལ་ཏེ་བྱིན་གྱིས་མ་བརླབས་ན། །རྡོ་རྗེ་འཆང་ཉིད་བརླག་པར་འགྱུར། །རྒྱལ་བ་ཀུན་གྱི་ཡོན་ཏན་ཉིད། །དམ་ཚིག་རྡོ་རྗེ་ལས་བྱུང་བས། །དམ་པ་འདི་ལ་གང་བརྟེན་པས། །
iiif viewer powered by OpenSeadragon
