| e-texts navigator |
| Wylie |
170b1 མཐའ་དབུས་འགྲོ་འོང་ལས་གྲོལ་བ། །གཞི་རྩ་མེད་པའི་སེམས་ཉིད་དེ། །གང་གིས་དོན་རྟོགས་གནས་གྱུར་པ། །དོན་དམ་བྱང་ཆུབ་སེམས་སུ་བརྗོད། །མ་སྐྱེས་བྱང་ཆུབ་སེམས་ཉིད་ནི། །སྐྱེ་བའི་རང་བཞིན་ཉིད་སྣང་བ། །
170b2 རང་ལུས་རྒྱལ་བའི་ཕྱག་རྒྱ་སྟེ། །མ་ལུས་དེར་སྣང་ངོ་བོ་གཅིག་།རང་ལྷར་སྒོ་གསུམ་གསལ་རྟོགས་པ། །ཀུན་རྫོབ་བྱང་ཆུབ་སེམས་སུ་བཤད། །གསང་བ་བཤད་དང་དབང་བསྐུར་དང་། །མན་ངག་ལུང་དང་ཉམས་ཆག་སྐོང་། །
170b3 མཆོག་དང་ཐུན་མོང་ལ་སོགས་པ། །དངོས་གྲུབ་སྟེར་ཞིང་གྲོལ་བྱེད་པ། །འདི་ནི་སངས་རྒྱས་མཉམ་པའི་ཕྱིར། །སྐད་ཅིག་གདུང་བ་ཉམས་མི་བྱ། །རང་གི་ལྷ་དང་གཉིས་མེད་ནས། །ཕྱག་རྒྱ་བཞིར་གསལ་རྣལ་འབྱོར
170b4 པས། །རང་གི་སྒོ་གསུམ་མ་ཉམས་པར། །ཆུ་བོ་ལྟ་བུར་བར་ཆད་མེད། །སངས་རྒྱས་ཀུན་གྱི་གསང་བ་ནི། །ཐེག་ཆེན་གསང་བ་ཉིད་ཡིན་པས། །སྣོད་མེད་དམན་སོགས་ལོག་པ་ལ། །གསང་བཅུ་ལ་སོགས་བརྗོད་མི་བྱ། །
170b5 དང་པོར་གསང་བར་སྲོག་གཅིག་པས། །བྱང་ཆུབ་སྙིང་པོར་མི་འབྲལ་བས། །རང་སྲོག་རང་གིས་གཅོད་ཀྱང་སླ། །བརྩེ་གདུང་དམ་ཚིག་བྲལ་མི་བྱ། །ལམ་དང་བསྒྲུབ་པའི་རྩ་བ་དང་། །དངོས་གྲུབ་ཀུན་གྱི་རྩ་བ་དང་། །
170b6 འདི་དག་ཉམས་ན་ཀུན་ཉམས་པས། །རྩ་བ་ཞེས་སུ་བསྟན་པ་ཡིན། །ཡན་ལག་ཐུན་མོང་དམ་ཚིག་དང་། །ཐུན་མོང་མིན་པར་བཤད་པར་བྱ། །དང་པོར་གསང་བའི་ལུང་ཐོབ་ནས། །ནུས་པ་མངོན་དུ་སྣང་བར་དུ། །བདག་དང
170b7 གཞན་གྱིར་ཐུན་མོང་གི། འགལ་དང་སྒྲོ་སྐུར་ཀུན་འདས་ཤིང་། །ཀུན་དང་བསམ་པ་དགའ་བྱེད་པ། །ཐུན་མོང་དམ་ལས་མི་འགལ་བ། །ཐུན་མོང་དམ་ཚིག་ཡིན་པར་བཤད། །ཐུན་མོང་མ་ཡིན་གང་ཟག་གིས། །ཐབས་ཆེན་ཐུན་མོང་མ་ཡིན་པ། །ཉོན་མོངས
170b8 ལྔ་དང་སྤྱད་པ་ལྔ། །བདུད་རྩི་ལྔ་དང་ཤེས་པ་ལྔ། །གྲུབ་པ་ལྔ་ཡི་ཆོས་རྣམས་ཉིད། །སྐྱེས་བུ་རིགས་ཕྱེད་སྤྱོད་ཡུལ་ཏེ། །ཐུན་མོང་རྣལ་འབྱོར་ཡུལ་མིན་པས། །ཐུན་མོང་མ་ཡིན་ཞེས་སུ་བཤད། །དང་པོ་ནས་བཟུང
iiif viewer powered by OpenSeadragon
