| e-texts navigator |
| Wylie |
168a1 བྱིན་བརླབས་རིག་མ་ལྷ་མོར་བྱས། ། ཆགས་པ་བསྐྱེད་པའི་ཐབས་རྣམས་ཉིད། །བློ་དང་ལྡན་པས་མངོན་སུམ་བྱ། །དེ་ནས་ཆོ་ག་ཀུན་རྫོགས་ནས། །བླ་མས་གཉིས་མེད་གཏད་བྱའི་ཕྱིར། །བྱིན་བརླབས་སྦྱོར་བ་བྱས་ནས་ཡང་། །
168a2 གཉིས་ཀའི་སྲིན་ལག་བཟུང་ནས་ནི། །སློབ་མ་འདི་ལ་ལེགས་གཏད་ལ། །གསང་བའི་གནང་བ་སྦྱིན་པར་བྱ། །སྐྱེས་བུ་འདི་བཟུང་བཟང་བ་ཡིན། །དེ་རིང་ཕན་ཆད་བུ་མཆོག་ཁྱོད། །སྒོ་གསུམ་ལྷ་རུ་མཉམ་སྦྱོར་བས། །
168a3 ཐ་མལ་དམན་པའི་ལྟ་བ་སྤངས། །བདེ་བ་ཆེན་པོ་ཉམས་མྱོང་བས། །དཀའ་ཐུབ་ཐེག་པའི་ལྟ་བ་སྤངས། །ཐབས་དང་ཤེས་རབ་གཉིས་མེད་པས། །བདེ་བའི་ཉམས་མྱོང་བརྟན་པར་བྱོས། །བརྟན་པ་བར་ཆད་མེད་བསྒོམས་པས། །
168a4 རྡོ་རྗེ་འཆང་གི་ས་ལ་འགྲོ། །དེ་བས་སྐལ་ལྡན་རིགས་བཟངས་ཀྱེ། །གཏན་དུ་འབྲལ་བར་མ་བྱེད་ཅིག་།སྦྱོར་བའི་ཐབས་དང་ཏིང་འཛིན་དང་། །རྒྱུ་བའི་རླུང་ལ་དབང་ཐོབ་པས། །ཐིག་ལེའི་ལས་ལ་ཐོགས་པ་མེད། །རྒྱལ་བའི
168a5 དཀྱིལ་འཁོར་རྡུལ་ཕྲན་སྙེད། །མ་ལུས་འདུས་པའི་ཐིག་ལེ་ཉིད། །ས་ཡང་བཅུ་གསུམ་གཉིས་ལྡན་པ། །ཉམས་མྱོང་བརྟེན་ཅིང་གཉིས་མེད་སྦྱར། །རླུང་གིས་བརྟེན་པའི་ཐིག་ལེ་ཉིད། །རོ་གཅིག་དུས་མཉམ་ཚུལ་བྱུང་བ། །
168a6 དྲག་པ་མ་ཡིན་དལ་བ་མིན། །དགོངས་པ་ཉམས་དང་ཞེན་ཆགས་མིན། །ཱ་ལི་ཀཱ་ལི་ཞུ་བའི་སེམས། །སངས་རྒྱས་ཕྲེང་བ་གཉིས་སུ་མེད། །རྡོ་རྗེ་པད་མ་རབ་བསྐྱོད་ཅིང་། །འཁྱུད་པ་གར་གྱི་ཕྱག་རྒྱ་ལས། །ཉི་ཟླ་རྩེ་ཕྲད་འབྱོར
168a7 པ་ན། །བྱེད་པ་རླུང་གི་ཐིག་ལེ་བཟུང་། །རྒྱུ་བ་བཅད་ཅིང་ཐིག་ལེ་མནན། །ཤེས་པ་ནམ་མཁའི་ངང་ལ་གཏད། །དབང་པོ་ཤེས་རབ་ཆེ་ཆུང་གིས། །ལན་གསུམ་བརྟན་པར་གྱུར་པ་འམ། །མ་ཐོབ་བར་དུ་སྦྱིན་པར་བྱ། །རྡོ་རྗེ་ཟླ་འོད
168a8 མཛེས་ལྡན་མ། །དམན་དང་རིགས་ངན་རྣམ་པར་སྤངས། །རྡོ་རྗེ་དབང་པོས་མ་ཕོག་ཅིང་། །གཞན་དབང་ལོངས་སྤྱོད་མ་བྱས་པ། །བཅུ་གཉིས་བཅུ་བཞི་བཅཝ་ལྔ་འང་རུང་། །ཐབས་དང་ཟས་དང་སྤྱོད་ལམ་གྱིས། །བསྙེན་པའི་ཆོ་ག་གཞུང
iiif viewer powered by OpenSeadragon
