| e-texts navigator |
| Wylie |
167a1 ཙན་དན་དྲི་བསུང་ལྡན་པའི་རི། །བདག་དབང་བར་ཆད་མེད་པའི་གནས། །ཕྱི་དང་ནང་དང་གསང་བ་ཡི། །རི་བོ་དགོན་པ་ཡོན་ཏན་གནས། །མ་ལུས་འདུས་པའི་དགོན་པ་དེར། །རྙེད་དང་དེར་ནི་གནས་པར་བྱ། །ས་བཅུ
167a2 མཐར་ཕྱིན་གང་ཟག་ལ། །ཞིང་ཁམས་མཐའ་ཐུག་མེད་གནས་སུ། །རྒྱལ་བ་རྡོ་རྗེ་འཆང་ཆེན་པོས། །ཡེ་ཤེས་ལྷ་མོ་ལ་བརྟེན་ཏེ། །སྐད་ཅིག་ཡེ་ཤེས་དབང་བསྐུར་བས། །བཅཝ་བརྒྱད་ཡོན་ཏན་ལྷུན་གྲུབ་པ། །སྐད་ཅིག
167a3 ཉིད་ལ་ལྷུན་རྫོགས་ཏེ། །པད་མ་སྤྱན་གྱི་ས་ལ་གནས། །ཡི་གེ་འཁོར་ལོ་ས་ལ་སྨིན། །བདག་གཞན་འབྱེད་པ་མེད་པ་ཡི། །བདེ་ཆེན་ཕྱོགས་རིས་མེད་པར་དགོངས། །འཕེལ་འགྲིབ་མེད་པའི་རང་བཞིན་པས། །གཞན་དོན
167a4 ཡིད་བཞིན་ནོར་བུ་བཞིན། །ས་ཐོབ་གོམས་བརྟན་སྐྱེས་བུ་ལ། །ཏིང་འཛིན་རིག་པའི་ཕོ་བྲང་དུ། །རྒྱལ་ཚབ་སྐྱེས་བུ་མཐའ་དག་གིས། །རིག་པའི་ལྷ་མོ་ན་སོ་མེད། །རིགས་བྲལ་ཏིང་འཛིན་སྟོབས་ལས་གྲུབ། །དེ་ལ
167a5 སློབ་མས་ངེས་བརྟེན་ནས། །ཇི་ལྟར་ཆུ་ལ་ཇི་བཞིན་དུ། །ཏིང་འཛིན་བྱིན་བརླབས་དབང་བསྐུར་བས། །རྣམ་པ་དང་བྲལ་དབང་རྣམས་ནི། །ཉམ་མྱོང་དབང་དུ་རང་ཤར་ཏེ། །ཐོབ་དང་བརྟན་དང་གོམས་པ་ཡིས། །འཇིག་རྟེན
167a6 བརྒྱ་དང་སྟོང་ཕྲག་བཅུ། །འབུམ་སོགས་བདག་གཞན་དོན་རྫོགས་ཏེ། །སྐད་ཅིག་ཉིད་ལ་རག་ལུས་པས། །རྒྱལ་ཚབ་ཆོས་ཀྱི་རྒྱལ་པོར་བཤད། །ལམ་ཞུགས་རིགས་ཕྱེད་རྟགས་ཐོབ་ལ། །སློབ་དཔོན་མཐར་ཉེ་ལམ
167a7 གནས་པས། །རྒྱང་གྲགས་དཔག་ཚད་ལ་སོགས་པར། །རྡོ་རྗེ་ཐིག་ཚད་སྦྱོར་བརྗོད་པའི། །ཕྱག་རྒྱ་དཀྱིལ་འཁོར་གསལ་ལྡང་པ། །སྣ་ཚོགས་དཀྱིལ་འཁོར་མཆོག་ཏུ་གསུངས། །སྣ་ཚོགས་རིག་པས་དབང་བསྒྱུར་བའི། །
167a8 སངས་རྒྱས་སྟོང་གི་དཀྱིལ་འཁོར་དུ། །སྟོབས་ལྡན་བུ་མོ་ལ་བརྟེན་ཏེ། །ཐབས་དང་ཏིང་འཛིན་དབང་བསྐུར་བས། །རྡོ་རྗེ་ཚེ་ལ་དབང་ཐོབ་ཅིང་། །ཆོ་འཕྲུལ་མངོན་ཤེས་ལྡན་པར་འགྱུར། །དང་པོ་ཡོན་ཏན་ཀུན་ལྡན་པའི། །རིགས་སུ
iiif viewer powered by OpenSeadragon
