| e-texts navigator |
| Wylie |
163b1 དང་རྟོགས་པ་དང་། །བསམས་དང་དམིགས་དང་གོམས་པ་ཡི། །སྐུ་གསུང་ཐུགས་ཀྱི་མཚན་མ་དང་། །ལྷ་དང་ལྷ་མིན་གསང་བ་དང་། །ཤ་ཟ་འབྱུང་པོ་མི་འམ་ཅི། །གྲུལ་བུམ་ཡི་དགས་ཀླུ་རྣམས་དང་། །རྒྱུ་བའི་སྲོགས་ཆགས་མ་ལུས
163b2 དང་། །རྩི་ཤིང་གེལ་པ་འབྲས་བུ་དང་། །ཕུན་སུམ་ཚོགས་པ་མ་ལུས་པ། །མ་བཅོས་དོན་གྱི་ལྷ་ཉིད་དེ། །བྱང་ཆུབ་སེམས་སུ་ཁྱད་པར་མེད། །ལྷ་ཞེས་གཞན་དུ་བསྟན་པ་ཡང་། །ཚིག་གི་ཐ་སྙད་ཙམ་དུ་ཟད། །བྱང་ཆུབ་སེམས
163b3 ལ་གཉིས་མེད་པར། །རྟོགས་པའི་དོན་ལ་གཅིག་ཏུ་བསྟན། །སྙིང་རྗེ་ཆེན་པོའི་རང་བཞིན་གང་། །གནས་པའི་དོན་དང་མ་ཕྲད་པས། །མ་ལུས་སྙིང་རྗེའི་གནས་གྱུར་པ། །སྙིང་རྗེ་བྱང་ཆུབ་སེམས་ཡིན་ཏེ། །མི་འགལ་དོན་དུ་རབ་སྦྱོར་བ། །
163b4 ཀུན་རྫོབ་བྱང་ཆུབ་སེམས་སུ་བརྗོད། །ཇི་སྙེད་རྣམ་པར་བཅས་པའི་ཆོས། །མ་ལུས་མཐའ་ཡས་བསྟན་པ་ཀུན། །བྱང་ཆུབ་སེམས་ཀྱི་རྣམ་འཕྲུལ་ཏེ། །ནམ་མཁའི་ཆོ་འཕྲུལ་ཇི་བཞིན་དུ། །སྣ་ཚོགས་སྣང་བཞིན་དངོས་པོ་མེད། །
163b5 དེ་དག་ཇི་ལྟར་གནས་ཀྱང་རུང་། །བྱང་ཆུབ་སེམས་ལས་གཞན་མིན་ཡང་། །ཐུན་མོང་ཡུལ་ཕྱིར་ཕྱི་རུ་བཤད། །རང་ལུས་ཕྱག་རྒྱའི་དཀྱིལ་འཁོར་ལ། །རང་བྱུང་འཁོར་ལོ་དྲུག་གནས་པ། །གཡོ་བ་ཡ~ཾ་གིས་བསྐྱོད་བྱེད་པ། །
163b6 འགྲོ་བ་ཀུན་གྱི་ལུས་ལ་གནས། །འཕེན་དང་སྡུད་པའི་རང་བཞིན་ཅན། །སྙིགས་མའི་དུས་སུ་འང་བདེ་བ་འཆར། །སྨིན་པ་གྲུ་གསུམ་སྨད་ན་གནས། །རྣམ་ཐར་སྐུ་གསུམ་རྩ་མདུད་ཅན། །འབར་ཞིང་ཐིག་ལེ་འབེབས་དང་གནས། །
163b7 རང་ལུས་བདེ་ཆེན་སྨིན་བྱེད་པ། །དེ་ལ་གང་རྟེན་བདེ་བའི་གནས། །སངས་རྒྱས་རིན་ཆེན་གབ་ཙེ་ལ། །ཐུང་ངུ་ཨ་སྙིང་ལྟེ་བར་གནས། །འཁྲུལ་ཞིང་འཛག་དང་གནས་པའི་རྩ། །རྡོ་རྗེ་དབུ་མའི་ལམ་དང་འབྲེལ། །ཁྱབ་ཅིང་རྒྱས་པའི་སྙིང་པོ་ཅན། །
163b8 སུམ་ཅུ་གཉིས་གཉིས་རྩ་ཡིག་ལྡན། །དྷརྨ་ཙཀྲ་སྙིང་པོའི་གནས། །རྩ་བཞི་ཡན་ལག་བརྒྱད་ཀྱི་དངོས། །དངས་སྙིགས་ཤེས་པ་བརྒྱད་ཀྱི་རྟེན། །རྒྱུ་བ་བཞི་ཡིས་ཤེས་པར་བྱ། །དངས་མ་འདུས་པའི་ཐིག་ལེ་ཉིད། ། ལ
iiif viewer powered by OpenSeadragon
