| e-texts navigator |
| Wylie |
162a1 མཐོང་ཞུགས་བསོད་ནམས་གང་། །འདིར་ཞུགས་པ་ཉིད་དེ་བཞིན་ནོ། །གང་དུ་སྐུ་གསུང་ཐུགས་ལྡན་པ། །གང་དུ་མོས་པས་སྤྲོ་བསྐྱེད་ཕྱིར། །རྒྱལ་བ་ཀུན་ཀྱང་འཕྲུལ་མཛད་དེ། །སྒོ་གསུམ་བྱིན་གྱིས་རློབ་པར་མཛད། །རྣལ་འབྱོར་ཆོ་ག
162a2 རྫོགས་པས་ཀྱང་། །གདུལ་བྱ་ཞི་དང་ཁྲོ་བ་ལ། །སོ་སོའི་མཚན་མ་ཉིད་བསྟན་ཕྱིར། །སྐུ་གསུང་ཐུགས་ཀྱི་རྣམ་པ་དག་།བྲིས་དང་བརྡུངས་དང་བླུགས་པ་དག་།སོ་སོའི་གནས་སུ་ལེགས་པར་དགྲམ། །མ་ལུས་སྐུ་གསུང་ཐུགས་དཀྱིལ་འཁོར། །
162a3 འདི་ལས་མ་གཏོགས་ལྷ་གཞན་མེད། །གང་དུ་དབང་དང་འབྲེལ་བ་ནི། །བཅཝ་ལྔའི་རིམ་པས་བྱིན་བརླབ་ཕྱིར། །བཞི་དང་བརྒྱད་ཀྱི་དཀྱིལ་འཁོར་ལ། །ཡབ་ཡུམ་བཅཝ་བརྒྱད་གནས་པར་བྱ། །བཅུ་གཉིས་བཅུ་དྲུག་དཀྱིལ་འཁོར་ལ། །བཞི་བཅུ་གཉིས
162a4 དང་ལྡན་པར་བྱ། །ཉི་ཤུ་འམ་ཉི་ཤུ་རྩ་ལྔ་ལ། །རྒྱས་པའི་ཆོ་ག་རིམ་པར་དགོད། །འདི་དག་ལུགས་དང་འབུར་དང་བཟོ། །བྲི་དང་བསྒོམ་པ་དག་ཀྱང་རུང་། །འདི་ནི་ཕྱིའི་དཀྱིལ་འཁོར་རོ། །ཟབ་མོའི་དབང་གི་དཀྱིལ་འཁོར་ནི། །ཐུན་མོང་ཐུན་མོང་མ་ཡིན་པའི། །
162a5 སོར་བཞི་འཛུབ་གང་ལ་བརྟེན་ཏེ། །ཕྱི་རོལ་རྣམ་པའི་རྗེས་འབྲང་མིན། །མཐོང་དང་བརྟན་དང་གོམས་པ་ནི། །རིམ་པ་བཞིན་དུ་གསལ་བས་འབྱུང་། །བརྒྱུད་པ་ལམ་གྱི་རིམ་པ་ཡིས། །མཐར་ཕྱིན་ཉམས་སུ་མྱོང་བར་འགྱུར། །དབང་བསྐུར་ཐབས་ཀྱི
162a6 རིམ་པ་ཡིས། །བྱིན་བརླབས་མན་ངག་ཡིད་ཆེས་བྱ། །འདི་ནི་དབང་གི་དཀྱིལ་འཁོར་ཏེ། །དེ་བཞིན་གནས་སྐབས་གཞན་དུ་ཡང་། །ཐུན་མོང་ཚོགས་ལ་སྦྱར་བའི་ཕྱིར། །འབྱུང་ལྔ་རྒྱུ་དང་བདག་ཉིད་དང་། །མཁའ་དག་བྱིན་བརླབས་སོ་སོར
162a7 གདོན། །རང་གི་ཆོ་གའི་སྦྱོར་བ་ཡིས། །ཇི་ལྟར་བརྩམས་པ་འགྲུབ་པར་འགྱུར། །བསོད་ནམས་ཚོགས་ཞེས་བྱ་བར་བཤད། །གཞན་ཡང་སྟོབས་ལྡན་རྣལ་འབྱོར་པས། །གང་འདོད་མངོན་དུ་བསྒྲུབ་པའི་ཕྱིར། །འཆི་མེད་ཚེའི
162a8 དཀྱིལ་འཁོར་དང་། །མཚན་མ་པྲའི་དཀྱིལ་འཁོར་དང་། །དུག་འཇོམས་བདུད་རྩིའི་དཀྱིལ་འཁོར་དང་། །ཆོ་འཕྲུལ་རོ་ལངས་ལ་སོགས་པ། །གང་བསྒྲུབ་དོན་ཕྱིར་གང་བཤད་པ། །དེ་ཉིད་བསྒྲུབ་པའི་དཀྱིལ་འཁོར་རོ། །ལས་བཞི་ལྷའི
iiif viewer powered by OpenSeadragon
