| e-texts navigator |
| Wylie |
160a1 དཀྱིལ་འཁོར་ཕྱི་ནང་བཤད་པ་བཞིན། །ཚད་ནི་རྗེས་སུ་འཐུན་པ་སྟེ། །ཐུགས་ཀྱི་དཀྱིལ་འཁོར་དམ་པ་སྟེ། །ཡང་ན་སོར་བཞི་ཚད་དུ་སྟེ། །ཡང་ན་འཛུབ་གང་ཚད་དུ་བྱ། །ཡང་ན་ལུས་གང་ཚད་དུ་སྟེ། །ཡང་ན་ལུས་ནི་གསུམ་བཞི་ཉིད། །ཡང་ན
160a2 བཅཝ་བརྒྱད་ཉིད་དུ་འམ། །ཉི་ཤུ་ལྔ་ཡི་ཚད་དུ་བྱ། །ཡང་ན་རྒྱང་གྲགས་དཔག་ཚད་དེ། །རང་གི་རིག་པ་རྗེས་འཐུན་པར། །ནམ་མཁའི་དབྱིངས་དང་མཉམ་པའི་ཚད། །ཚད་དང་ལྡན་པའི་དཀྱིལ་འཁོར་ཏེ། །ཡིད་འོང་བྱུག་བདུག་ཉི་ཤུ་ལྔས། །
160a3 མཛེས་ཤིང་ལེགས་པར་བྱས་ནས་ནི། །གང་དང་འབྲེལ་བའི་ཆོ་ག་བརྩམ། །གཞན་དུ་ལོངས་སྤྱོད་མ་བྱས་པའི། །རས་བལ་དུར་ཁྲོད་རྒྱུ་ལས་བྱས། །གསར་ཞིང་གྲིམས་ལ་འཇུར་མདུད་མེད། །བྱིན་བརླབས་ལྔ་དང་སྐུ་གསུང་ཐུགས། །
160a4 ཐིམ་པས་ཡེ་ཤེས་ཐིག་སྐུད་དེ། །རིག་པས་ཐིག་ནི་གདབ་པར་བྱ། །ཐབས་དང་ཤེས་རབ་གཉིས་མེད་པའི། །གསང་བའི་འཕྲོ་འདུ་དེ་བཞིན་ནོ། །དཀྱིལ་འཁོར་ཡིད་འོང་ཕོ་བྲང་ས། །མ་ནོར་གསལ་བས་ཐིག་ཏུ་བཤད། །གང་གིས
160a5 གང་མཚོན་དེ་བཞིན་ཏེ། ཁ་དོག་ལྔ་དང་ཕུང་པོ་དང་། ཁམས་དང་སྐྱེ་མཆེད་རྣམ་ཤེས་སོགས། །ཡེ་ཤེས་དཀྱིལ་འཁོར་མཚོན་ཕྱིར་རོ། །རྟོགས་པས་འཁོར་བའི་རྒྱ་དྲལ་ཕྱིར། །ཚོན་ཞེས་ཀྱང་ནི་བརྗོད་པ་ཉིད། །མ་མཐོང་རྨོངས
160a6 ལ་སྟོན་ཕྱིར་ཚོན། ཁ་དོག་ཉི་ཤུ་རྩ་ལྔ་འམ། །ལྔའི་ཚོན་གྱིས་བྲི་བར་བྱ། །གསེར་དང་དངུལ་དང་བཻ་དུརྱཱ། །པད་མ་ཨིནྡྲ་ནཱི་ལ་ཉིད། །རིན་ཆེན་ལྔ་དང་ལྡན་པ་ཡིས། །མཁས་པས་འབྱོར་ལྡན་ཅི་བདེར་བྲི། །ཡང་ན་འབྲས་དང་སཱ་ལུ
160a7 ལ། །ཁ་དོག་བསྒྱུར་བས་དེ་བཞིན་ནོ། །དམན་དང་འབྱོར་པ་ཆུང་བ་ཡིས། །འབྱུང་ཁུངས་ལྔ་ཡིས་བྲི་བར་བྱ། །ཐབས་དང་ཤེས་རབ་གཉིས་མེད་པའི། །རྒྱལ་བ་བཅུ་ཉིད་ཐིམ་པ་ཡིས། །ཡེ་ཤེས་རིན་ཆེན་ཕྱི་ནང་མེད། །དག་པའི
160a8 ངོ་བོར་བལྟ་བར་བྱ། །ོཾ་ཨ~ཾ་ཧཱུ~ཾ་སྭཱ་ཧཱ། །སརྦ་པཉྩ་རད་ན་ས་མ་ཡེ་ཧཱུ~ཾ། འབྲུ་བཅུ་སྤུང་ཞིང་འབུན་པ་ཡི། །སྔགས་དང་ཕྱག་རྒྱས་བྱིན་གྱིས་བརླབ། །ཞི་པའི་དཀྱིལ་འཁོར་མ་ལུས་ལ། །ཡེ་ཤེས་རིན་ཆེན་བརྩིག་པ་སྟེ། །དྲ་བ་དྲ
iiif viewer powered by OpenSeadragon
