| e-texts navigator |
| Wylie |
158a1 སྒྲ་དང་བྲག་ཆ་ལྟར། །རང་རྒྱུད་མེད་པའི་རིག་པ་ཉིད། །བསམ་པ་མཐའ་ཡས་ཇི་སྙེད་པ། །མ་ལུས་གསུང་གི་དཀྱིལ་འཁོར་ཉིད། །རང་རྒྱུད་བརྟན་པོ་མིན་པར་གནས། །གང་དུ་ནམ་མཁའ་མཐའ་ཀླས་པར། །བསྐལ་པ་མཐའ་ཐུག་མེད་པའི་བར། །
158a2 ནམ་མཁའི་ཆར་དང་ཆུ་བུར་དང་། །སྤྲིན་དང་ཆུ་རླབས་ཕུང་པོ་ལྟར། །ཡེ་ཤེས་བདེ་དང་སྡུག་བསྔལ་དང་། །ངེས་དང་མ་ངེས་དམ་པ་དང་། །དམན་དང་ཆགས་དང་ཆགས་བྲལ་དང་། །ཟིན་དང་ཞེན་དང་མ་ཞེན་དང་། །རྣམ་པ་རྣམ་མེད་བརྟགས་པའི་ཆོས། །
158a3 དྲན་རྟོག་རིག་པ་གང་ཡང་རུང་། །མ་ལུས་རིག་པ་རང་སྣང་བ། །སྔ་མ་དྲན་པའི་རྣམ་པ་འམ། །རྨི་ལམ་སྒྱུ་མའི་ཉམས་མྱོང་ལྟར། །སྣ་ཚོགས་སྣང་ཡང་རང་རྒྱུད་མིན། །གང་ཡང་རང་རྒྱུད་ཀུན་བྲལ་བའི། །མ་ལུས་དཀྱིལ་འཁོར་བཤད་པ་རྣམས། །
158a4 རང་རྒྱུད་མེད་པས་གཟུགས་བརྙན་ཏེ། །ཐབས་དང་ཤེས་རབ་གཉིས་མེད་པའི། །གཟུགས་བརྙན་དཀྱིལ་འཁོར་ལྷུན་གྱིས་གྲུབ། །རང་བྱུང་ཡེ་ཤེས་སྐྱེ་འགག་མེད། །མ་ལུས་མི་ཕྱེད་རྡོ་རྗེའི་གཟུགས། །རྣམ་པ་མཐར་ཐུག་མེད་པ་ཉིད། །
158a5 ཡོན་ཏན་ལྷུན་གྲུབ་རང་སྣང་བས། །དེ་ཡི་བརྙན་མ་རང་བཞིན་འཆར། །མཐའ་བྲལ་རང་བྱུང་དཀྱིལ་འཁོར་ནི། །ཅིར་ཡང་སྣང་ལ་མི་དམིགས་ཕྱིར། །ཡང་དག་བརྟན་པར་མི་གནས་པས། །མ་ལུས་གཟུགས་བརྙན་དཀྱིལ་འཁོར་ཤར། །བདེ
158a6 ཆེན་རང་འབྱུང་ལྷུན་གྲུབ་ཉིད། །ཡོན་ཏན་རྫོགས་པའི་ནོར་བུ་ལྟར། །དཔག་མེད་ཆོས་སུ་སྣང་བའི་ཕྱིར། །བདེ་བ་ཆེན་པོའི་གཟུགས་བརྙན་ཏེ། །སྐྱེ་བོ་དག་དང་མ་དག་པའི། །གདུལ་བྱ་མཐོ་དམན་རིམ་པ་ལ། །རིག་སྤྱད་སྤྲོ་བ་བསྐྱེད
158a7 པའི་ཕྱིར། །དང་པོ་ནས་བཟུང་མཐར་ཐུག་པར། །རང་རང་བསམ་པ་དེ་བཞིན་དུ། །དེ་དག་ངོ་ལ་དེ་ལྟར་སྣང་། །གཟུགས་བརྙན་ཕྱི་ཡི་རིམ་པ་སྟེ། །ཐུན་མོང་ཡུལ་དུ་གྱུར་ཕྱིར་རོ། །མ་ལུས་ཐ་དད་མེད་པ་ཡི། །ཕྱི་ནང་སྣོད་བཅུད་རྫོགས་པའི་ལུས། །བཅུད་ལྡན་བདེ་བ
158a8 མཛད་པའི་གནས། །མི་ཤིགས་ཐིག་ལེ་ཀུན་གྱི་དངོས། །རང་འབྱུང་བདེ་བ་ཆེན་པོའི་གཟུགས། །དངས་སྙིགས་འབྲེལ་བའི་ནུས་མཐུ་ལས། །ཟག་པ་ཡོད་དང་མེད་པ་ཡི། །དངོས་པོ་གཉིས་ཀྱི་ཆོས་སུ་སྣང་། །རྒྱུ་ཡི་ཐིག་ལེའི་རང་བཞིན་ལ། །ནུས་པའི་ཁྱད
iiif viewer powered by OpenSeadragon
