| e-texts navigator |
| Wylie |
152a1 དཔག་ཏུ་མེད་པར་རང་སྣང་བ། །བདེ་བ་ཆེན་པོའི་ཐིག་ལེའི་འོད། །མ་ལུས་དེ་དེར་སྣང་བ་ཉིད། །མ་ལུས་གཉིས་མེད་ཐིག་ལེ་ཡི། །བདེ་བ་ཆེན་པོའི་ཡེ་ཤེས་ལྔ། །དེ་ལས་ཕྱེ་བས་མཚོན་པའི་སྒོ། །ཐུགས་ཀྱི་རང་རྟགས་བསམ་མི་ཁྱབ། །
152a2 བདེ་བ་ཐུགས་ལས་གཞན་མ་ཡིན། །གང་ཕྱིར་དཀྱིལ་འཁོར་འདི་དག་ཀྱང་། །ཐུན་མོངས་གནས་སུ་བསྒོམས་པ་དང་། །མི་ཤིགས་ཐིག་ལེའི་སྙིང་པོ་ལས། །སྐུ་གསུང་ཐུགས་ཉིད་གསལ་བར་བྱ། །དོན་དམ་ཐིག་ལེ་པད་རྩེ་ལ། །རིམ་པ་ཇི་བཞིན
152a3 གསལ་བར་བྱ། །དེ་ནས་གདུག་པ་གདུལ་བའི་ཕྱིར། །འབར་བའི་དཀྱིལ་འཁོར་གསལ་བར་བཤད། །ཆོ་གའི་རིམ་པ་ཇི་བཞིན་གྱིས། །རང་སྙིང་རྒྱུ་ཡི་ས་བོན་ཧཱུ~ཾ། །དག་པས་རིམ་པས་གསལ་བ་ལ། །རང་རྒྱུད་འབྱུང་ལྔ་ཉོན་མོངས་ལྔ། །
152a4 རང་བྱུང་ལྔ་རུ་སྣང་བའི་ཕྱིར། །འབྱུང་བ་ལྔ་ཉིད་བསྒོམ་པར་བྱ། །ེ་ཡ~ཾཿར~ཾ་སུ~ཾ་ཀེང་ར~ཾ། སོ་སོ་ལས་རྣམས་བྱས་ནས་ནི། །ནམ་མཁའ་གྲུ་གསུམ་ཟླ་གམ་རླུང་། །ཁྲག་གི་དཔའ་ཀློང་འཁྲུག་པ་དང་། །གཏི་མུག་རོ་དང་ང་རྒྱལ་རི། །ཞེ་སྡང
152a5 མེ་ཉིད་བསྒོམ་པར་བྱ། །མདོག་ཀྱང་རིམ་པར་ཤེས་བྱ་སྟེ། །ལས་དང་རང་བཞིན་ཤེས་བཞིན་བརྟག་།བྷྲུ~ཾ་ལས་དུར་ཁྲོད་གཞལ་ཡས་ཁང་། །འཁོར་ལོ་རྩིབས་བཞི་ཐོད་ཕྲེང་དང་། །བར་ཁྱམས་གཉིས་ནི་སྒོ་དང་བཅས། །ཐོད་ཕྲེང་སྦྲུལ་གྱི་ཟ
152a6 ར་ཚགས། །ཞིང་གི་གདུང་དང་ཀ་བ་སྟེ། །སྤྲིན་ནག་དུར་ཁྲོད་རྒྱན་དང་བཅས། །ཁྲོ་མོ་བདུད་རྩི་ལྷ་མོ་དང་། །ཐོད་པ་ལྔ་གསུམ་བརྩིག་པ་ཅན། །ཉི་ཟླའི་རྒྱན་ཅན་བསམ་བྱས་ལ། །དྲེགས་པ་གནོད་སྦྱིན་སྲིན་པོ་དང་། །དྲི་ཟ་གཤིན་རྗེ་བཞོན་པར་བཅས། །
152a7 དེ་བཞིན་གསལ་བར་བསྒོམ་པར་བྱ། །སྐུ་གསུང་ཐུགས་ཀྱི་རྡོ་རྗེ་ཡི། །ཆོ་ག་ལས་བྱུང་རིམ་པ་ཡིས། །གཉིས་མེད་གསལ་བས་དེ་བརྟན་ཕྱིར། །དབང་བསྐུར་བྱིན་བརླབས་རིམ་བཞིན་བྱ། །སྦྱོར་བའི་ཐིག་ལེ་འཕྲོས་པ་ཡིས། །གདུག་པ་མ་ལུས་བཏུལ་ནས
152a8 ནི། །རང་རང་རིམ་པ་གསལ་གྱུར་ནས། །ཧཱུ~ཾ་གིས་ཕྱོགས་ཕྱོགས་གདན་ལ་བཞུགས། །ཧ་བརྒྱད་ས་བོན་ལས་བྱུང་བ། །དཀར་མོའི་ཚོགས་དང་རྐུན་མོའི་ཚོགས། །རྨོངས་མོ་དང་ནི་ཐལ་བྱེད་མ། །སྤོས་མོ་དང་ནི་གཏུམ་མོ་དང་། །སྨེ་ཤ་ཅན་དང་མ
iiif viewer powered by OpenSeadragon
