| e-texts navigator |
| Wylie |
151b1 པར་བྱ། །རྒྱལ་བའི་དཀྱིལ་འཁོར་མ་ལུས་བ། །བཞི་བཅུ་རྩ་ལྔར་གནས་པ་ཡི། །ཐུགས་ཀྱི་རང་བཞིན་སྙིང་པོ་ཉིད། །རང་རང་མཚོན་པའི་རྟགས་ཡིན་ཏེ། །རྒྱས་དང་བསྡུས་པ་འང་དེ་བཞིན་དུ། །རྡོ་རྗེ་འཁོར་ལོ་རལ་གྲི་འབར། །དྲིལ་བུ
151b2 པདྨ་རིན་པོ་ཆེ། །རྡོ་རྗེ་འཛིན་པའི་རིམ་བཤད་པའོ། །གཞན་གང་གནས་སུ་རྡོ་རྗེ་ཤེས། །དང་པོ་ཐུགས་དང་གཡོན་འཁྱུད་པའོ། །རིན་ཆེན་མྱུ་གུ་རལ་གྲི་འབར། །པད་མ་དཀར་པོ་རྡོ་རྗེ་ཆེ། །ུཏྤལ་ཀླུ་ཤིང་པོ་ཏི་སྙེ། །གཟུགས་མཛེས་རིན་ཆེན་ཕྲེང་བ་དང་། །
151b3 པི་ཝང་གར་སྒྱུར་པོག་མེ་དང་། །བྱུག་པ་སོ་སོ་རིམ་ཤེས་བྱ། །ནརྀ་མགོ་རྡོ་རྗེ་ཐོད་རྒྱ་གྲམ། །ལྕགས་ཀྱུ་ཞགས་པ་སྥོ་ཊ་ཧོཿ། །འོད་འཕྲོ་མཉམ་བཞག་རྡོ་རྗེ་ཐལ། །ཡེ་ཤེས་རྩེ་ལྔ་ཆོས་ཁམས་དྲིལ། །ཐུགས་ལ་བརྟན་པ་ཉིད་དུ་གསུངས། །
151b4 ཐུབ་ཆེན་ངེས་པར་ཕྱག་གཉིས་ཤེས། །སེག་པར་གོ་མཚོན་པི་ཝང་བརྡབ། །སྒྲོམ་སྟོབ་པོ་ཏི་ཆོས་འཆད་ཚུལ། །མེ་དཔུང་བུམ་པར་ཤེས་པར་བྱ། །གཞན་ཡང་འཐུན་པ་སྐབས་ཀྱིས་བརྟག་།མི་མཐུན་ཁྱད་པར་རྒྱས་པར་བསྟན། །རྡོ་རྗེ
151b5 རིན་ཆེན་པད་མ་དང་། །རྒྱ་གྲམ་དྲིལ་བུ་བརྒྱད་ཤེས་བྱ། །རྡོ་རྗེ་ལྕགས་ཀྱུ་མདའ་སེ་གོལ། །རིན་ཆེན་ཉི་མ་རྒྱལ་མཚན་སོ། །པདྨ་འཁོར་ལོ་རལ་གྲི་ལྕེ། །རྒྱ་གྲམ་ཁུ་ཚུར་གོ་ཆ་མཆེ། །གཞན་ཡང་སྐབས་དང་འཐུན་པ་སྟེ། །རང་རང་དོན་ཉིད་རྩེ་གཅིག་པའི། །
151b6 ཐུགས་ཀྱི་རྟགས་སུ་ཤེས་པར་བྱ། །དངས་མའི་ཡེ་ཤེས་ལྔ་འབར་བས། །གཅོད་དང་མ་ཕྱེད་དགའ་བ་དང་། །མ་གོས་བདེ་བ་བསྐྱེད་པ་ཉིད། །རྣམ་པར་མི་རྟོག་རིམ་པར་ཤེས། །ཡོན་ཏན་བསྐྱེད་དང་ཐ་མལ་གཅོད། །དེ་བཞིན་མ་གོས་ཡེ་ཤེས་ཉིད། །སོ་སོ
151b7 ཡོན་ཏན་ཆ་ལས་བྱུང་། །རང་རང་རྩ་བཅུད་ཐིག་ལེའི་དབྱིབས། །སོ་སོ་ཉིད་ལྟར་རང་གནས་ཏེ། །བདེ་བའི་ཐིག་ལེ་ཉིད་དུ་ཤེས། །རང་བྱུང་དངས་མའི་ཐིག་ལེ་ཉིད། །འབྲེལ་བའི་ཚུལ་གྱིས་ཀུན་སྣང་བ། །ཁུ་བ་རྩའི་དབྱིབས་གཟུགས་ཉིད། །རང་རང་ལས་དང
151b8 རྟོག་པ་དང་། །སྙིང་པོ་ཕྱག་མཚན་དབྱིབས་བཞིན་པས། །བདེ་ཆེན་ཐུགས་སུ་གསལ་བརྟན་པ། །ཐུགས་ཀྱི་དུས་སུ་ཤེས་པར་བྱ། །ཐབས་དང་ཤེས་རབ་གཉིས་མེད་པའི། །ཐིག་ལེ་གསལ་བའི་རང་བཞིན་ལས། །ཐུགས་མཚན་ཆེ་བའི་ཡེ་ཤེས་ཉིད། །
iiif viewer powered by OpenSeadragon
