| e-texts navigator |
| Wylie |
150b1 གང་དུ་མི་ཕྱེད་རྡོ་རྗེར་གསལ། །དུག་ལྔ་ཡེ་ཤེས་བསྐྱེད་པ་དང་། །བཙུན་མོ་དགའ་བདེའི་ངོ་བོར་བརྗོད། ཁམས་ལྔ་འདུས་པའི་ཡེ་ཤེས་ཉིད། །རང་འབྱུང་ཡེ་ཤེས་བདེ་བའི་ཐུགས། །རྣམ་ཤེས་བཞིར་བཅས་ཐིག་ལེ་ཉིད། །ཐུགས་ཀྱི་སེམས་དཔའ་ཉིད་དུ
150b2 བཤད། །དེ་ཡིས་གང་ལ་དབང་སྒྱུར་བའི། །ཡུལ་བཞི་ཐིག་ལེ་བདེ་བའི་བཅུད། །སྒྱུ་མའི་བདེ་བར་གང་འཆར་བ། །ཡུལ་བཞི་རིམ་པར་བཤད་པ་སྟེ། །དབང་སྒྱུར་གཉིས་མེད་གང་ཡིན་པས། །ཡབ་ཡུམ་འབྲེལ་བའི་ངོ་བོར་བཤད། །རྩ་བཅུད་ཐིག
150b3 ལེར་བཅས་པའི་རྟེན། །སོ་སོའི་ནུས་པར་བཅས་པ་ཉིད། །གང་ལ་དེ་དབང་དེ་ཡི་ཕྱིར། །འདི་ནི་ཕྱི་ཡི་རིམ་པར་བཤད། །གང་དེ་ཁམས་ལྔའི་བདེ་བ་ཡིས། །མཉེས་དང་ཐིག་ལེ་བཀོད་པ་དང་། །ནམ་མཁའི་ཡེ་ཤེས་གསལ་བ་དང་། །དེ་ཉིད་ཁྱབ་པའི་རང
150b4 བཞིན་ཏེ། །ཟག་མེད་བདེ་བའི་རང་བཞིན་གྱིས། །ཕྱོགས་བཅུའི་ཞིང་ཁམས་མཉེས་པར་མཛད། །དགུག་དང་བཅིང་དང་མཉེས་དང་གསལ། །ཐབས་ལམ་བཅུད་དུ་འབྲེལ་བར་གསུངས། །གང་དེ་ཐབས་ཆེན་གསལ་བྱས་པས། །ལུས་ཀྱི
150b5 ཆོས་བཞི་རྟག་ཆད་སྤངས། །བདེ་བའི་ཐིག་ལེ་རང་སྣང་བ། །མ་ལུས་འཇོམས་ལ་ཁྲོ་བོའོ། །བཅུད་ལས་འདས་པའི་ཧཱུ~ཾ་གསུམ་ཉིད། །བྱེད་པ་བྲལ་བའི་ངོ་བོ་ཉིད། །ཡུལ་གསུམ་བྲལ་བས་ཆོས་ཀྱི་དབྱིངས། །མ་ལུས་རྣམ་དག་ཀུན་ཏུ་བཟང་། །དངས
150b6 སྙིགས་སྙིང་པོར་འབྲེལ་པ་ཡིས། །ཉོན་མོངས་ས་བོན་དྲུག་བཅས་པས། །ཐིག་ལེས་བཏུལ་ནས་བསྟན་པ་འཆང་། །སྤྲུལ་པའི་སྐུ་རུ་བཤད་པ་ཡིན། །ཀུན་ཀྱང་ཡེ་ཤེས་ལྔ་ཡི་རོ། །ཁྱབ་པར་གནས་པས་རྒྱས་བཏབ་ཅིང་། །སྣང་སྲིད་བདེ་ཆེན་སྐུ་གསུང
150b7 ཐུགས། །དྲན་པ་རྟག་ཏུ་གསལ་བཟུང་བའོ། །དེ་ནས་གཞན་ཡང་བཤད་པར་བྱ། །གསང་རྩེ་སྣ་ཚོགས་འདུས་པའི་དབུས། །ཕྱི་ནང་རིམ་པའི་དབུ་རྩེ་ཅན། །ངོ་བོ་བྱིན་བརླབས་འཕགས་པ་སྟེ། །ཡོན་ཏན་བྱིན་བརླབས་ཀུན་གྱི་གནས། །གསང་བའི་པདྨའི་རང་བཞིན
150b8 དུ། །རྡོ་རྗེ་གཉིས་མེད་ཐིག་ལེར་བལྟ། །ཉི་ཟླ་ཟིལ་བའི་ཐིག་ལེ་ཉིད། །ཕན་ཚུན་འདྲེས་པ་རླུང་གིས་ཕྱེ། །གསང་བའི་ཁམས་ལྔས་ཡེ་ཤེས་རོལ། །སྙིགས་མའི་ཕུང་པོ་ལྔ་དག་ནས། །དངས་མ་ལྔ་ཡི་རང་བཞིན་གསལ། །རྒྱལ་པོ་དེ་བཞིན་གཤེགས་པར་གསལ། །
iiif viewer powered by OpenSeadragon
