| e-texts navigator |
| Wylie |
148b1 དྲིལ་འཛིན་འཁྱིལ། །འཁོར་ལོའི་རྩིབས་མཚན་ཤར་ལྷོ་ནས། །ས་སྙིང་དཀར་པོ་མྱུ་གུ་འཛིན། །སྒེག་མོ་དུང་མདོག་མེ་ལོང་འཁྲིལ། །ནམ་སྙིང་སྔོན་པོ་རལ་གྲི་འཛིན། །ཕྲེང་འཛིན་མཱ་ལེ་ནམ་མཁའ་མདོག་།སྤྱན་རས་ལེ་བརྒན་པད་མ་དཀར། །གཱི་ཏི
148b2 པི་ཝང་དམར་མོ་མདོག་། རྡོར་འཛིན་ལྗང་གུ་ལས་ཀྱི་རིགས། །ཕྱག་གཉིས་བརྐྱང་ནས་གར་མཛད་ལྗང་། །གྲུ་ཆད་བཞི་ལ་རིམ་པ་བཞིན། །བྱམས་པ་དཀར་སེར་ཀླུ་ཤིང་འཛིན། །སྒྲིབ་སེལ་དམར་སེར་གླེགས་བམ་བསྣམས། །ཀུན་བཟང་དམར
148b3 ལྗང་རིན་ཆེན་སྙེ། །འཇམ་དཔལ་དཀར་ལྗང་ཨུཏ་པལ་བསྣམས། །བཙུན་མོ་རིགས་དང་འཐུན་པ་སྟེ། །སྤོས་དང་མར་མེ་མེ་ཏོག་དྲི། །འཁྲིལ་ཞིང་འདུད་པ་ཚུལ་བཞིན་བཞུགས། །སྒོ་བཞིར་རིམ་པ་ཇི་བཞིན་དུ། །སྟོབས་ཆེན་གཤིན་རྗེ་གཤེད་པོ་དང་། །
148b4 རྟ་མགྲིན་བདུད་རྩི་འཁྱིལ་པ་བཞི། །ལྕགས་ཀྱུ་ཞགས་པ་ལྕག་སྒྲོག་དྲིལ། །མཐིང་ནག་སེར་ནག་དམར་ནག་དང་། །ལྗང་ནག་རྡོ་རྗེ་ཐོད་དབྱུག་དང་། །ཐོད་སྤྲུལ་རྡོ་རྗེ་རྒྱ་གྲམ་དང་། །ཡུམ་ཡང་སོ་སོའི་ཕྱག་མཚན་བཅས། །སྒོ་བཞིར་རྔམ་ཚུལ་འཁྲིལ
148b5 སྦྱོར་བཞུགས། །ཁྱམས་ཀྱི་མདུན་དང་རྒྱབ་ཏུ་ནི། །ཀུན་བཟང་ཡབ་ཡུམ་ནམ་མཁའི་མདོག་།ཕྱག་རྒྱ་མ་ངེས་སྣ་ཚོགས་ཏེ། །མཉམ་བཞག་ཡེ་ཤེས་འཕྲོ་བའི་སྟེང་། །རྡོ་རྗེ་དྲིལ་བུའི་མཚན་པའོ། །ཐུབ་དྲུག་དཀར་སེར་མཐིང་ག་དང་། །དམར
148b6 ནག་སེར་ནག་དུད་ཀ་སྟེ། །ཕྱོགས་བཞི་སྟེང་འོག་ཤར་ནུབ་ཚུལ། །པི་ཝང་གོ་ཆ་སོག་པར་སྒྲོམ། །པོ་ཏི་མེ་ཆུར་ཤེས་པར་བྱ། །མི་བསྐྱོད་བྱེད་པོ་ལ་སོགས་པ། །རྡོ་རྗེ་འཆང་བས་རྣམ་པར་བརྒྱན། །གཞན་དག་རང་རང་གིས་ཡིན་ཏེ། །ཡ་མཱནྟ་ཀྲྀཏ
148b7 རྟག་པའོ། །ཐུབ་དྲུག་ཀུན་བཟང་བརྒྱན་པ་ཉིད། །སྐུ་གསུང་ཐུགས་འབར་བྱིན་བརླབས་ལྡན། །རྡོ་རྗེ་འཕྲོ་འདུ་སྙིང་པོར་ལྡན། །ཆོ་གའི་རིམ་པ་ཤེས་པར་བྱ། །དངས་མ་བཅུད་ལྡན་ཡེ་ཤེས་ཉིད། །མ་བཅོས་དེ་བཞིན་ཉིད་ཡིན་ཏེ། །ཡེ་ཤེས་ནམ་མཁའི
148b8 ངང་དང་འབྲེལ། །ཀུན་ལ་ཁྱབ་པའི་སྙིང་རྗེ་ཡིས། །ཁྱབ་བྱེད་བདེ་བའི་སྙིང་པོ་ཉིད། །ཐ་མལ་རྟོག་པ་གང་དག་ནས། །བདེ་བ་ཆེན་པོར་བྱིན་གྱིས་རློབ། །འབྱུང་ལྔ་དངས་མའི་སྙིང་པོ་ཉིད། །ཐམས་ཅད་འབྱུང་བའི་རྒྱུ་ཡིན་ཏེ། །དྷརྨ་ཙཀྲ་ཆོས་ཀྱི་དབྱིངས། །
iiif viewer powered by OpenSeadragon
