| e-texts navigator |
| Wylie |
148a1 སེམས་ལྔ་རྫོགས་པའི་སྙིང་པོ་ཉིད། ། བརྗོད་མེད་རང་སྣང་བསྟན་པ་ཉིད། །མ་ལུས་སྐུ་གསུང་ཐུགས་གནས་པ། །འཁྱུད་པའི་གར་གསུམ་བསྡམ་པ་ཡིས། །གནས་དང་འབྱུང་བ་མ་ལུས་པ། །རང་རིག་ཡེ་ཤེས་གཟུགས་སུ་སྣང་། །
148a2 ཐབས་དང་ཤེས་རབ་དབྱེར་མེད་པའི། །བྱང་ཆུབ་སེམས་ཀྱི་ཐིག་ལེ་སྟེ། །རྟེན་དང་བརྟེན་པར་བཅས་པ་ཉིད། །རང་ཉིད་གསལ་བར་བྱིན་བརླབས་ནས། །ཇི་ལྟར་སྣང་སྲིད་ཆོས་ཐམས་ཅད། །ལྷན་ཅིག་སྐྱེས་པའི་ངོ་བོར་གསལ། །མ་ལུས་བདེ་བ་ཆེན་པོའི
148a3 རིགས། །དམ་པའི་སྦྱོར་བ་སྣང་བར་འགྱུར། །འདི་ནི་ཕྱི་ནང་གསང་བ་ཡི། །ཏིང་འཛིན་དཀྱིལ་འཁོར་ཉིད་དུ་བཤད། །གང་ཕྱིར་མཚན་མའི་རྣལ་འབྱོར་བས། །དངོས་དང་དངོས་མེད་རྣམ་སྤངས་པའི། །རང་རིག་སྐྱེ་མེད་དེ་བཞིན་ཉིད། །མ་བཅོས་རང་རིག
148a4 འོད་གསལ་བ། །དེ་བཞིན་ཉིད་དེ་དང་པོར་བསྒོམ། །དེ་ནས་སྙིང་རྗེ་ནམ་མཁའ་ལྟར། །གསལ་ལ་སྟོང་པའི་རྣལ་འབྱོར་བསྒོམ། །ཡང་ན་སྒྱུ་མ་བྲག་ཆ་དང་། །ཆུ་ཟླའི་ཚུལ་དུ་བསྒོམ་པར་བྱ། །དེ་ནས་རང་ཉིད་ཡི་གེ་ཉིད། །གསལ་ལ་བརྟན་ཞིང་གོམས་པ
148a5 ཡིས། །མ་དག་པ་ནི་སྦྱང་བྱས་ཏེ། །དག་པའི་མཁའ་ལྔ་བསམ་པར་བྱ། །ེ་ཡ~ཾ་བ~ཾ་སུ་ལ~ཾ། །ས་ཆུ་མེ་རླུང་ནམ་མཁའ་དག་།རིག་པ་རང་སྣང་ཚུལ་དུ་བསྒོམ། །དེ་དབུས་རིན་ཆེན་ཁང་པ་དག་།མཛེས་པའི་ཚུལ་དང་ལྡན་པ་སྟེ། །རྩིབས་བཞི་འཁོར
148a6 ལོ་ལྟེ་བར་བཅས། །མུ་ཁྱུད་ཟླུམ་པོ་ཐོག་མཐའ་མེད། །གྲུ་ཆད་བློ་འབུར་བར་ཁྱམས་དང་། །སྒོ་བཞི་རྟ་བབས་ཐེམ་སྐས་དང་། །ལྔ་བརྩེག་ཕ་གུ་དྲ་ཕྱེད་དང་། །འདོད་ཡོན་ཀ་བ་ཟ་ར་ཚགས། །མི་སྒྲིབ་གསལ་བའི་རྒྱན་དང་ལྡན། །མི་འཇིག་ལ
148a7 སོགས་ལྔ་དབུས་གདན། །ཉི་ཟླ་པད་མ་ལ་སོགས་པ། །ལྔ་དང་གསུམ་དང་བཞི་གཅིག་གོ། རིམ་པ་འཚམ་པའི་གདན་སྟེངས་སུ། །ས་བོན་ཆོ་ག་ལས་བྱུང་བ། །གཙོ་གཟུངས་མཐིང་ག་རྡོ་རྗེ་འཛིན། །འཁྲིལ་སྦྱོར་འཛུམ་པའི་བྱིན་བརླབས
148a8 ཏེ། །དབང་བསྐུར་ཆོ་ག་ལྔ་ལྡན་པས། །སྦྱོར་བསྐུལ་སྲས་བསྐྱེད་སོ་སོར་དགོད། །ཆོས་དབྱིངས་དཀར་པོ་འཁོར་ལོ་འཛིན། །མཉམ་ཉིད་རིན་ཆེན་སེར་པོ་ལྷོ། །སོར་རྟོག་པད་མ་དམར་པོ་ནུབ། །བྱ་གྲུབ་རལ་གྲི་ལྗང་ཁུ་བྱང་། །བཙུན་མོ་རིགས་འཐུན
iiif viewer powered by OpenSeadragon
