| e-texts navigator |
| Wylie |
147b1 མཚན་མེད་ལ་སོགས་གང་ཡང་མིན། །དངོས་དང་དངོས་མེད་ལས་འདས་པའི། །དེ་བཞིན་ཉིད་དབྱིངས་ཡེ་ཤེས་ཏེ། །རིག་པ་སྐྱེ་བ་མེད་པའི་ངང་། །འདི་ཉིད་གསལ་བར་བསྒོམ་པར་བྱ། །ོཾ་དྷརྨ་དྷཱ་ཏུ་སྭ་བྷཱ་བ་ཨཱཏྨ་ཀོུ྅ཧ~ཾ། སྐྱེས་དང་མ་སྐྱེས་ལ་སོགས་པའི། །
147b2 ཐ་སྙད་མིང་ལ་མི་གནས་ཤིང་། །བློ་ཡི་སྦྱོར་བ་ལས་འདས་པས། །འདི་ནི་དེ་བཞིན་ཉིད་ཅེས་བཤད། །འདི་ལ་རིམ་པ་མེད་པ་སྟེ། །སྐྱེས་བུ་མཆོག་གི་ཡུལ་དུ་གསུངས། །མ་ལུས་རང་རིག་རྡོ་རྗེ་ཉིད། །ཁྱབ་པའི་ཚུལ་གྱིས་ནམ་མཁའ་སྟེ། །
147b3 རྣམ་དག་རང་བཞིན་འོད་གསལ་བ། །དམ་པའི་ཏིང་འཛིན་ཆེན་པོ་ཉིད། །གང་གིས་མ་ལུས་མངོན་གསལ་ནས། །ཕྱི་ནང་ཆོས་རྣམས་ཐམས་ཅད་ཀུན། །གོམས་ནས་སྤྲོས་མེད་དེ་བཞིན་ཉིད། །དེ་དག་ཏིང་འཛིན་ཐུན་མོང་ཉིད། །མི་ཤིགས
147b4 ཐིག་ལེ་དངས་མའི་བདག་། བཞི་འདུས་ལྔ་བདག་གཉིས་སུ་མེད། །རྩ་བཅུད་ཐིག་ལེར་བཅས་པ་ཉིད། །ཐབས་དང་བཅས་པའི་ཏིང་འཛིན་གྱིས། །ཡེ་ཤེས་ལྔ་ཡི་རོ་དང་བཅས། །བདེ་ཆེན་སྐྱེ་བ་མེད་པའི་དོན། །ཟག་མེད་ཁྱབ་པ་མངོན་དུ་སྨིན། །
147b5 ཡེ་ཤེས་ནས་མཁའི་གཟུགས་ཅན་ཉིད། །ཕྱི་ནང་མེད་པའི་རང་བྱུང་སྟེ། །གསལ་དང་བདེ་བའི་རང་བཞིན་ཅན། །ཐབས་དང་ཐིག་ལེས་དབང་བསྒྱུར་ནས། །ལུས་ཅན་ཀུན་ལ་གསལ་བར་སྐྱེ། །གནས་བཞི་འབྱུང་བའི་དངས་མ་ཉིད། །རྟེན་ཅན་བརྟེན
147b6 པར་བཅས་པ་ཉིད། །རང་འབྱུང་ཐིག་ལེ་བདེ་བ་ཉིད། །ཕྱོགས་ཆ་མེད་པར་གསལ་ཁྱབ་པས། །བདེ་བ་ཆེན་པོའི་ལུས་སུ་འགྱུར། །རང་བྱུང་སྙིང་པོ་དངས་མའི་ལུས། །འབྱུང་བ་ཟག་མེད་སྙིང་པོར་ཐིམ། །ཐིག་ལེ་སྤྲོས་པ་མེད་པ་སྟེ། །ཐམས
147b7 ཅད་མ་ལུས་ཁྱབ་པར་སྣང་། །རང་ལུས་རྩ་བཅུད་ཕྱི་ནང་ཀུན། །སྙིགས་མ་དངས་མར་སྨིན་བྱས་ཏེ། །དངས་མ་ཡེ་ཤེས་སྙིང་པོར་གསལ། །དེ་ཉིད་རྒྱུ་བ་མེད་པ་ཡི། །རང་འབྱུང་ཐིག་ལེ་སྤྲོས་པ་མེད། །དངས་མ་ཟག་མེད་སྟོབས་ལས་སྣང་། །
147b8 གང་ཕྱིར་སྐྱེས་དང་སྤྲུལ་པ་དང་། །བརྟགས་པའི་གཟུངས་མ་ལས་བྱུང་བ། །དབང་པོ་གཉིས་ནི་བསྲུབས་པ་ལས། །སྐད་ཅིག་བཅུ་དྲུག་མཐའ་ཡི་ཚེ། །ཉི་ཟླ་འདྲེས་པའི་གར་ཐབས་ལས། །དངོས་པོ་ལྷན་ཅིག་སྐྱེས་པ་གསལ། །
iiif viewer powered by OpenSeadragon
