| e-texts navigator |
| Wylie |
145a1 གྱིས། །པད་མ་ལ་ནི་འདམ་བཞིན་ནམ། །མུན་སྣང་གསེར་འགྱུར་ཐབས་བཞིན་དུ། །ཐབས་ལ་མཁས་པས་སྤྱད་པར་བྱ། །སྐྱེས་མཆོག་ཐབས་དང་ལྡན་པ་ཡིས། །ཞིང་དང་སྤྱོད་ཡུལ་དག་པ་ལ། །ཆགས་བྲལ་བདེ་བར་གང་སྤྱད་པས། །ནམ་མཁའི་དབྱིང
145a2 ཀྱི་ལོངས་སྤྱོད་ལ། །བདེ་བ་ཆེན་པོར་ལོངས་སྤྱོད་ཅིང་། །ལྷུན་གྱིས་གྲུབ་པའི་བདག་པོར་འགྱུར། །གང་དག་ཐབས་དང་མི་ལྡན་ཞིང་། །དོན་མེད་ལམ་ལ་མ་འབྲེལ་བར། །སྒྲ་དང་ཚིག་ལ་བརྟེན་པ་ཡིས། །གསང་བའི་སྤྱོད་པ་གང་བརྩམས་པ། །གང
145a3 བསྒྲུབས་སྣང་བར་མི་འགྱུར་གྱི། །ནུས་མེད་གཡུལ་དུ་ཞུགས་པ་ལྟར། །བདག་གཞན་གཉིས་ཀ་བརླག་པ་དང་། །མཐོང་བའི་ཆོས་ལ་སྡུག་བསྔལ་ཞིང་། །ངན་འགྲོ་ལོག་པའི་གནས་སུ་འགྱུར། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང
145a4 གི་རྒྱུད་ཆེན་པོ་ལས་སྤྱོད་པ་རྒྱས་པར་བཤད་པའི་ལེའུ་སྟེ་ལྔ་བའོ། ། །། དེ་ནས་གཞན་ཡང་བཤད་བྱ་བ། །རང་བཞིན་ཏིང་འཛིན་གཟུགས་བརྙན་དང་། །ལྷག་གཉིས་ཏིང་འཛིན་གཟུགས་བརྙན་དང་། །བྱང་ཆུབ་སེམས་དང་ཚོགས་ཉིད་ཀྱི། །དཀྱིལ
145a5 འཁོར་དོན་ནི་བཤད་པར་བྱ། །གང་ཕྱིར་དབང་ཡུལ་རྣམ་ཤེས་ཀུན། །གཞན་སྣང་ཐ་དད་མ་ཡིན་པའི། །མ་ལུས་རང་རིག་བྱང་ཆུབ་སེམས། །མ་བཅོས་རང་བཞིན་འོད་གསལ་བ། །མ་ལུས་ཀུན་གྱི་སྙིང་པོ་སྟེ། །ཕྱོགས་བཅུ་འདས་དང་མ
145a6 བྱོན་པའི། །རྒྱལ་བ་རྣམས་ཀྱི་རང་བཞིན་ཡིན། །འཁོར་དང་མྱ་ངན་འདས་པ་ཡི། །ཆོས་རྣམས་མ་ལུས་ཐམས་ཅད་ཀུན། །སྣ་ཚོགས་རང་བཞིན་དབྱེར་མེད་པ། །དེ་ཉིད་རང་བཞིན་ཆོས་སྐུ་ཡིན། །དེ་ཉིད་འཇིག་རྟེན་བརྟན་གཡོ་སྟེ། །ཇི
145a7 ལྟར་སྣང་གྲགས་ཐམས་ཅད་ཀུན། །ངེས་པའི་རང་བཞིན་བཞི་བཅུ་གཉིས། །རང་བཞིན་ལོངས་སྤྱོད་རྫོགས་སྐུར་བཤད། །དེ་ཉིད་ཕྱག་རྒྱ་སྣ་ཚོགས་ཏེ། །ཀུན་དུ་སྐུ་དང་གསུང་དང་ཐུགས། །ཡོན་ཏན་ཕྲིན་ལས་བསམ་ཡས་མཆོག་།རང་བཞིན་སྤྲུལ་སྐུ
145a8 བསམ་མི་ཁྱབ། །ཇི་སྙེད་འགྲོ་བ་མ་ལུས་གྱི། །ལུས་ཅན་སྙིང་ལ་གང་གནས་པའི། །རང་བྱུང་ཟག་མེད་ཡེ་ཤེས་གཟུགས། །མི་ཤིགས་ཐིག་ལེ་བདེ་ཆེན་པོ། །ནམ་མཁའ་ལྟ་བུར་ཀུན་ཁྱབ་པ། །མི་གནས་ཆོས་སྐུ་རང་བཞིན་ཡིན། །དེ་ཉིད་རྩ་བའི
iiif viewer powered by OpenSeadragon
