| e-texts navigator |
| Wylie |
144b1 གསུང་ཐུགས། །བཅུད་ལྔ་ཞུ་བའི་ཡེ་ཤེས་རོ། །ཐམས་ཅད་རྩེ་གཅིག་དྲན་པ་ཉིད། །དབྱེར་མེད་ཐབས་དང་ཤེས་རབ་སྟེ། །དྲན་པ་གཅིག་ཏུ་མྱོང་བ་ཉིད། །ཐབས་དང་ཤེས་རབ་འབྲེལ་བ་ཡིས། །ས་ཡ་བཅུ་གསུམ་གྲངས་མེད་པའི། །ཐིག་ལེ་བདེ
144b2 བ་ཉིད་སྣང་བ། །རང་རང་མ་འདྲེས་ཐིག་ལེ་ལ། །སྐུ་གསུང་ཐུགས་དང་དྲན་པ་དང་། །ཡེ་ཤེས་ལྔའི་རྒྱས་བཏབ་སྟེ། །མ་ལུས་ཐིག་ལེའི་ཚོགས་སུ་སྣང་། །རང་འབྱུང་བདེ་ཆེན་རིག་པའི་ལྷ། །གཅིག་དང་གྲངས་ལས་འདས་པ་ཡང་། །ཉི་ཟླ་གཉིས
144b3 ཀྱི་གདན་ལ་བཞུགས། །ཁྱབ་པ་ཐིག་ལེའི་གུར་ནང་ནས། །བཞུགས་ནས་བདག་པོ་རྟེན་བདག་ཅན། །རྩ་བཅུད་འབྲེལ་བའི་རྒྱན་དང་བཅས། །ཀ་བ་གསུམ་དང་ཕོ་བྲང་བཞི། །ལྡེ་མིག་གཉིས་ལ་འབྱེད་པ་བཞི། །སྒོ་བཞི་ཕྱེ་བས་གཞལ་ཡས
144b4 ཁང་། །ལྷ་དང་བཅས་པ་མངོན་དུ་འགྱུར། །དགོན་པ་དུར་ཁྲོད་ལྡན་པ་ཡི། །གསང་བའི་འོག་མིན་འབར་བ་ཉིད། །རིམ་པ་ཕྱི་ནང་བར་ལྡན་པར། །ཉི་ཟླ་པད་མའི་གདན་སྟེངས་ནས། །དུས་གསུམ་ཐིག་ལེར་རོ་གཅིག་པའོ། །བདེ་ཆེན་གཉིས་སུ་མེད་པར
144b5 བཞུགས། །ཐབས་དང་ཤེས་རབ་དབྱེར་མེད་པའི། །ཚོམ་བུའི་ཚོགས་ཀྱང་དེ་བཞིན་ཏེ། །ཐུན་མོང་དམ་ཚིག་ཏིང་འཛིན་དང་། །བྱང་ཆུབ་ཤེས་རབ་སྙིང་རྗེ་ལྔ། །གཞན་དུ་ཐབས་དང་ཤེས་རབ་དང་། །སྤྱད་དང་གླུ་གར་རྒྱན་དང་བཅས། །
144b6 མ་སྤངས་རོལ་པར་ལོངས་སྤྱོད་པས། །ཡེ་ཤེས་ཉི་ཟླ་རྒྱུན་འཆར་བ། །རླུང་སེམས་ཡེ་ཤེས་བཅས་པ་ཉིད། །རྒྱུ་བ་མེད་པས་ཟག་པ་བྲལ། །ནམ་མཁའི་མཐར་ཐུག་བར་ཉིད་དུ། །ཟག་མེད་བདེ་བ་རྒྱུན་མི་འཆད། །དེ་ཉིད
144b7 ཚད་མེད་དཀྱིལ་འཁོར་ཏེ། །བདེ་ཆེན་མངོན་དུ་གང་བར་སྣང་། །དེ་དག་ལམ་ལ་ཞུགས་པ་ཡི། །ཕྱི་ནང་གསང་བ་མ་ལུས་པའི། །སྤྱོད་པའི་ཁྱད་པར་ཐམས་ཅད་ཀུན། །འདིར་ནི་རྒྱས་པར་བསྟན་པ་ཡིན། །ཐབས་དང་ཤེས་རབ་ལྡན་གྱུར་པས། །ཕྱི་ནང་གསང་བ
144b8 ལ་སོགས་པ། །སྐབས་ལ་བབ་པའི་རྣལ་འབྱོར་པ། །གང་ཡང་རུང་བས་སྤྱོད་པར་བྱ། །དང་པོ་རྟོགས་ནས་མཐར་ཐུགས་པའི། །ཕྱི་ནང་གསང་བའི་ལམ་སྤྱོད་ལ། །སྤྱད་བྱ་ཡུལ་ཞེས་གང་འདོད་དེ། །ཐམས་ཅད་བླང་དོར་མེད་པར་སྤྱོད། །ཐབས་ཀྱི་ལྟ་སྤྱོད་ཏིང་འཛིན
iiif viewer powered by OpenSeadragon
