| e-texts navigator |
| Wylie |
144a1 ཆོ་གའི་སྦྱོར་བ་རབ་ཏུ་བརྩམ། །གནས་པ་འབྱུང་བའི་བཅུད་བཞི་ལ། །འབྱུང་བཞི་གསལ་རྐྱེན་གང་ཕྲད་པས། །ཉི་ཟླ་འདྲེས་པའི་གར་ཐབས་ལས། །ལྷན་ཅིག་སྐྱེས་པ་གསུམ་གཅིག་ལས། །ཉམས་སུ་ཡེ་ཤེས་ལྔ་ཤར་བ། །
144a2 མ་ལུས་བདེ་བ་ཆེན་པོར་འགྱུར། །གནས་བཞི་རྩ་བཅུད་ཐིག་ལེ་ལས། །ཐབས་དང་ཤེས་རབ་གཉིས་མེད་པའི། །ཕྱག་རྒྱ་བཞིར་ལྡན་མཉམ་སྦྱོར་བས། །དངས་སྙིགས་རླུང་གིས་ངོས་བཟུང་ནས། །དངོས་པོ་ལྷན་ཅིག་སྐྱེས་པ་དག་།
144a3 བདག་པོ་གདུང་ཅན་སྦྱར་བ་ཡི། །འཕྲོ་འདུ་བཏང་དང་བཟུང་བ་དང་། །བཟློག་པས་ཉི་ཟླ་དབྱེར་མེད་མྱོང་། །དང་པོ་འཇུག་པ་ལ་སོགས་ནས། །རྡོ་རྗེ་འཆང་ཆེན་གསང་བདག་པར། །ལམ་ལྔ་སེམས་ལྔ་མཐར་ཕྱིན་པས། །སྟོབས་ཀྱི་ཁྱད་པར
144a4 གསལ་བར་འགྱུར། །ཐབས་དང་ཤེས་རབ་གཉིས་མེད་པའི། །འོག་མིན་ནམ་མཁའི་ཤར་སྒོ་ནས། །ཉི་ཟླ་དུས་གཅིག་ཤར་བ་ལ། །དུས་ཚོད་གཟའ་ཡིས་གང་བཟུང་བ། །ཉིན་མཚན་མེད་པའི་ཡེ་ཤེས་ཉིད། །འཕེན་པ་རླུང་གི་སྦྱོར་བས
144a5 འབྱུང་། །རྣལ་འབྱོར་རིག་པས་སྣང་བ་ཡི། །ཁྱབ་པ་ནམ་མཁའི་འཇིག་རྟེན་ན། །བདེ་ཆེན་མཛེས་པའི་མེ་ཏོག་ལ། །བཅུད་ཀྱིས་ཁྱད་པར་གང་གནས་པ། །ཐབས་དང་ཤེས་རབ་འབྲེལ་བ་ཡི། །ཤེས་དང་བྱུ་རུའི་བུང་བསྡུས་ནས། །རྣལ་འབྱོར
144a6 བཅུད་ཀྱིས་རྒྱས་འགྱུར་ནས། །བཅུ་གསུམ་ས་ལ་ལྷུན་གྱིས་གྲུབ། །འཁྱུད་པའི་གར་ཐབས་ལས་བྱུང་བའི། །བདེ་བ་ཆེན་པོ་མི་རྟོག་པ། །སྐད་ཅིག་ཆ་ལས་བྱུང་བ་ཡི། །ཟག་མེད་ཡེ་ཤེས་སྙིང་པོ་སྟེ། །མ་ལུས་དངས་མའི་བློ་སྣང་བ། །ཞེན་བྲལ
144a7 སྟོང་རྟོག་མི་གནས་པ། །དངོས་པོ་ལྷན་ཅིག་སྐྱེས་པ་སྟེ། །མ་ལུས་ཁྱབ་པར་གནས་པ་ཡིན། །འདུ་ཤེས་ཟད་པའི་རང་བཞིན་ཏེ། །སྐྱེ་དང་འགྲིབ་པའི་ཐིག་ལེ་ཉིད། །བཅཝ་ལྔ་རྫོགས་པའི་ཐ་མ་ཉིད། །སྦྱོར་བ་ཀུན་ཟད་སྟོང་པའི་ངང་། །དེ་ཉིད་བྱིན་བརླབས
144a8 ལས་གྱུར་པ། །ཕྱོགས་དུས་སྣོད་བཅུད་ངོ་བོ་ཉིད། །ཐིག་ལེ་རྡུལ་བྲལ་ཞེན་པ་མེད། །སྒྱུ་མ་གཟུགས་བརྙན་བྲག་ཆ་སོགས། །མ་ལུས་བདེ་ཆེན་རང་བཞིན་དུ། །ཐུན་མོང་དྲན་རྟོག་རང་འགགས་ནས། །བདེ་ཆེན་སྒྱུ་མ་མངོན་སུམ་སྣང་། །བདེ་བ་ཆེན་པོའི་སྐུ
iiif viewer powered by OpenSeadragon
