| e-texts navigator |
| Wylie |
143b1 ཡེ་ཤེས་ཁོ་ནའི་ཕྱིར། །དངས་སྙིགས་དབྱེར་མེད་ཐིག་ལེའི་དོན། །སོ་སོའི་ཁ་དོག་དབྱིབས་ཚུལ་དང་། །སྤས་པའི་སྐུ་གསུང་ཐུགས་དག་ལ། །དབྱེར་མེད་གསལ་བའི་རིག་པ་ཡིས། །མ་ལུས་བདེ་ཆེན་མངོན་དུ་གསལ། །དེ་ནས་བདེ་བ་ཆེན་པོ་ཉིད། །
143b2 གར་ཐབས་རླུང་གིས་དབང་བསྒྱུར་ནས། །མ་ལུས་བདེ་བའི་རིག་པ་འཆར། །གཙང་དང་འཛེམ་པ་བྲལ་གྱུར་ནས། །བཤུང་བ་ལྔ་དང་འདོད་པ་ལྔ། །ཐིག་ལེ་བཅུད་དང་དངས་མར་བཅས། །ཐིག་ལེ་ཆེན་པོར་འདྲེས་པས་ན། །མི་འགྱུར་འཆི་མེད
143b3 ཚེ་ལ་གནས། །རང་རིག་བདེ་བ་ཆེན་པོ་ཉིད། །ཐོག་མ་ཐ་མ་མེད་པར་གནས། །ཐིག་ལེ་རྒྱུ་བ་རླུང་དང་བཅས། །ཟག་མེད་དངས་མའི་སྙིང་པོར་ཐིམ། །མངོན་ཤེས་ལྔ་ལྡན་ཟག་པ་མེད། །དངས་མའི་སྙིང་པོར་ལམ་མཐར་ཕྱིན། །དེ་ནས་གསང་བ་བཤད
143b4 བྱ་བ། །འཁོར་དང་མྱ་ངན་འདས་པ་དག་།ཐབས་དང་ཤེས་རབ་ཁ་སྦྱོར་བའི། །བདེན་གཉིས་ཉི་ཟླའི་ཁྱད་པར་ལས། །མ་ལུས་ཐམས་ཅད་གསལ་བར་སྣང་། །གང་དུ་ཐབས་དང་བྲལ་བ་ཡི། །གནས་དང་བདེ་སྡུག་བཏང་སྙོམས་དང་། །ལོངས
143b5 སྤྱོད་ཚེ་དང་ཁ་དོག་དང་། །བདག་དང་བདག་གིར་ཞེན་བཅས་པའི། །གཟུགས་དང་སྒྲ་དང་དྲི་དང་རོ། །རེག་དང་དྲན་པ་སྣ་ཚོགས་ཀྱིས། །ཞེན་དང་འཆིང་བའི་རང་བཞིན་གྱིས། །རང་བཞིན་བཞི་ནི་གསལ་བར་འགྱུར། །དེ་ལས་ཐ་མལ་འཁོར་བའི་ལམ། །
143b6 ཐོག་མ་མེད་ནས་ལུས་གནས་པའི། །བདེ་ཆེན་ནམ་མཁའི་སྙིང་པོ་ཉིད། །ལུས་གཉིས་རྩ་བཅུད་མ་ལུས་པ། །ཐབས་དང་ཤེས་རབ་སྐུ་གསུངས་ཐུགས། །སྲིན་བུ་འཁྱུགས་པའི་ཡི་གེ་ལྟར། །དབང་པོ་གཉིས་དང་འབྲེལ་ཏེ་གནས། །
143b7 ཐབས་དང་མན་ངག་ལྡན་པ་ཡིས། །རྒྱལ་རིགས་རྗེའུ་དང་བྲམ་ཟེ་དང་། །དམངས་རིགས་ཚོས་མ་གར་མཁན་མ། །རྡོལ་མ་ཉོ་ཚོང་མ་ཉིད་དང་། །མ་དང་སྒྱུག་མོ་སྲིང་མོ་དང་། །མཐར་སྒེག་ལུས་འཚོང་མ་ལ་སོགས། །དངོས་གྲུབ་སྐྱེ་བའི་ཞིང
143b8 དུ་བཤད། །བཅུ་གཉིས་བཅུ་བཞི་བཅུ་དྲུག་དང་། །བཅཝ་བརྒྱད་བཅུད་ལྡན་རབ་ཡིན་ཏེ། །ཉི་ཤུ་ལ་སོགས་འབྲིང་དུ་བཤད། །རྩ་ལྔ་ཐ་མའི་ཚད་ཡིན་ཏེ། །གཞན་ལ་དངོས་གྲུབ་མེད་པར་གསུངས། །ལས་དང་བྱ་བ་མ་ལུས་པ། །
iiif viewer powered by OpenSeadragon
