| e-texts navigator |
| Wylie |
143a1 བྱེ་བྲག་བརྒྱད་བཅུ་རྩ་གཉིས་རྩ། །འདུས་པས་སྐུ་གསུང་ཐུགས་ཡིན་ཏེ། །ལྟེ་བ་ཐུར་དུ་འཛག་པའི་རྩ། །རྩ་གསུམ་འདོམ་པའི་བདེ་བའི་གནད། །རྒྱུ་བ་རླུང་ནི་ཐིག་ལེའི་རྟེན། །འགྱེད་ཅིང་འདུད་པ་གཡས་གཡོན་ཏེ། །བཅུ་དྲུག
143a2 འདུས་པའི་སྲོག་རྩེ་གོང་། །རྩ་གསུམ་མགྲིན་པར་འདུས་པ་ནི། །སྒྲ་སྦྱོར་འཁོར་ལོ་ངག་གི་གནད། །དེ་ནས་དངས་མའི་ཐིག་ལེ་ལ། །མ་ལུས་འདུས་པའི་ཚུལ་དུ་གནས། །རིག་པའི་རྩ་ལ་བཅུད་འདུས་པའི། །ཐོགས་མེད་གསལ་བའི་མངོན་ཤེས་འབྱུང་། །
143a3 ཕྱི་རོལ་ཟག་པའི་རྩ་ཉིད་ལ། །བདེ་བ་ཆེན་པོའི་བཅུད་འདུས་པས། །བདེ་ཆེན་ཉམས་ཉིད་སྐྱེ་བར་འགྱུར། །ཆོས་ཉིད་ཐིག་ལེ་མི་གཡོ་བ། །དངས་མ་འདུས་པའི་བཅུད་ཐིམ་པས། །ཡེ་ཤེས་ལྔ་དང་ལྡན་པ་ཡི། །ཟག་མེད་ཡེ་ཤེས་བདེ་བ་ཆེ། །
143a4 ནམ་མཁའི་དབྱིངས་ནི་རྒྱ་ཆེ་བ། །ཐོག་མཐའ་མེད་པར་ཁྱབ་པར་འགྱུར། །འདི་ཉིད་རྟོགས་དང་མ་རྟོགས་ལས། །འཁོར་དང་མྱ་ངན་འདས་པ་ཡི། །སྤྱོད་པ་སྣ་ཚོགས་འབྱུང་བར་འགྱུར། །ཐབས་ཀྱི་ཁྱད་པར་ཕྱག་རྒྱ་ལྔ། །བསྐྱོད་པ་རླུང་དང
143a5 འབར་བ་མེ། །ཐིག་ལེ་ཆུ་དང་འཛིན་པ་ས། །བདེ་ཆེན་ནམ་མཁའི་ཕྱག་རྒྱར་གསལ། །བདེ་བས་བདེ་བའི་དོན་མཐོང་བས། །རྩ་དང་ཐིག་ལེ་རླུང་དག་དང་། །བདེ་བ་རང་རིག་མ་སྐྱེས་པ། །དེ་ཉིད་བདེ་ཆེན་མི་རྟོག་པ། །རང་རྒྱུད་བྲལ་བས
143a6 ཟག་པ་མེད། །རང་རྒྱུད་མེད་པའི་བདེ་བ་ཉིད། །དངས་མའི་ཐིག་ལེས་ཀུན་ཁྱབ་པས། །ཕྱི་ནང་དབང་པོར་བཅས་པ་ཡིས། །བདེ་བ་སྒྱུ་མའི་རང་བཞིན་འཆར། །མ་ལུས་བདེ་བ་ཆེན་པོ་ཉིད། །དེ་ལ་དེ་ཡིས་རྒྱས་བཏབ་པས། །
143a7 བདེ་བ་མི་རྟོག་ལྷན་ཅིག་སྐྱེས། །ཕྱག་རྒྱ་གཅིག་ཏུ་གསལ་བར་གནས། །གང་དུ་འཁོར་ལོ་རྩ་བཅུད་ལྡན། །ས་བོན་ཡི་གེ་བདེ་བ་དང་། ཁམས་ལྔ་ཡེ་ཤེས་རོ་ལྡན་ཞིང་། །སྟོང་དང་བདེ་བའི་ཐིག་ལེ་འདྲེས། །རྟག་ཏུ་དྲན་པར
143a8 གནས་པ་ཉིད། །རེ་རེ་འང་དེ་ལྟར་གནས་པའི་ཕྱིར། །འཁོར་ལོ་རྩ་བཅུད་ཐིག་ལེར་བཅས། །ལྷ་དང་ཡེ་ཤེས་སྐུ་གསུང་ཐུགས། །རང་ལུས་སྣང་བ་སྣོད་བཅུད་ཀུན། །སྤྲོས་བཅས་ཕྱག་རྒྱའི་གྲངས་སུ་གསལ། །བཅུད་ལྔ
iiif viewer powered by OpenSeadragon
