| e-texts navigator |
| Wylie |
142a1 ཡོ་བྱད་ལྔ་ལྡན་ཐོགས་མེད་བར། །ཆོ་གའི་རིམ་པ་ཇི་བཞིན་བརྩམ། །བྲོ་གླུ་གར་དང་ཏིང་འཛིན་བཅས། །བར་ཆད་མེད་པར་བསྒྲུབ་པར་བྱ། །གལ་ཏེ་འདོད་པ་མ་རྫོགས་པར། །སྒྱུ་མའི་ལུས་དེ་མ་བརྟན་ན། །ཡིད་ཀྱིས་རྡོ་རྗེ་གསུམ
142a2 གསལ་ལས། །རྣམ་པར་སྨིན་པའི་རིག་འཛིན་དེ། །ཕྱིན་ཅད་འཇིགས་བྲལ་ཁྱུང་བཞིན་ནོ། །དེ་བས་འབྲེལ་བའི་སྤྱོད་ལྡན་ན། །དབང་སྒྱུར་ཟག་མེད་ས་ཐོབ་སྟེ། །བརྒྱ་དང་སྟོང་སོགས་འཇིག་བྲལ་ཞིང་། །གླིང་དང་འཇིག་རྟེན་བརྒྱ་སྟོང་དུ། །
142a3 འདུལ་བའི་ཆོ་འཕྲུལ་མཐའ་ཡས་སྣང་། །འཇིག་པ་མེད་ཅིང་མི་ལྡོག་ས། །དཔའ་བོ་རྫོགས་པའི་རྣལ་འབྱོར་པས། །གཞན་དོན་སྤྱོད་པའི་ཁྱད་པར་དག་།འདུལ་བའི་དབང་ནི་སྣ་ཚོགས་ཀྱིས། །རྣམ་པར་བརྩེ་བ་སྣ་ཚོགས་སྤྲོ། །འདི་ནི
142a4 རྒྱལ་བ་ཐམས་ཅད་ཀྱི། །ཤེས་རབ་ཕྱི་ཡི་སྤྱོད་པ་སྟེ། །ཆོ་ག་རྒྱས་པར་བསྟན་པ་ཡིན། །དེ་ནས་གཞན་ཡང་བཤད་བྱ་བ། །ནང་དུ་འཇུག་པའི་རིམ་པ་ཡི། །སྤྱོད་པའི་ཁྱད་པར་ཆོ་ག་དག་།དེ་ནས་རིམ་པ་འདི་དག་བཤད། །
142a5 ལུས་ཅན་འགྲོ་བ་ཐམས་ཅད་ལ། །ཙཀྲ་བཞི་དང་སྐུ་གསུང་ཐུགས། །སྤོར་དང་འབར་མ་འཁྱིལ་བ་དང་། །འབྲེལ་དང་མ་འབྲེལ་ཁུག་པ་དང་། །འཛིན་དང་འཛག་དང་གནས་པ་དང་། །དེ་བཞིན་ཁྱབ་དང་འཁྲུལ་བའི་རྩ། །གང་དུ་རྒྱུ་དང་གནས་འཛིན་པས། །
142a6 རྩ་ཞེས་དེ་ལ་མངོན་བཤད་དེ། །དེ་དག་རྒྱུ་དང་ལམ་འབྲས་དང་། །ཐབས་དང་ཤེས་རབ་གཉིས་མེད་པས། །བདེ་བ་ཆེན་པོ་སྐྱེད་པར་བྱེད། །གོང་དང་འོག་གི་རང་བཞིན་ལས། །སྤྱི་དང་ཁྱད་པར་ཁ་སྦྱོར་འབྱུང་། །ས་བོན་ཁྱབ་བྱེད་འཁོར་ལོ་ཡིས། །ཐམས་ཅད་ཁྱབ་ཅིང་འཛག་པའི་རྩ། །
142a7 དངས་སྙིགས་རླུང་དང་འབྲེལ་བ་ཡིས། །གང་དེ་ཕོ་མོའི་བཅུད་རྐྱེན་གྱིས། །ཟག་དང་ཟག་མེད་བདེ་བ་སྐྱེད། །ལུས་ཀུན་ཁྱབ་པར་གནས་པ་ཉིད། །དངས་མ་ཐུར་གྱི་རླུང་དང་འགྲོགས། །གང་ན་སྒྲ་སྦྱོར་འཁོར་ལོ་ཅན། །དེས་ཀྱང་ཀུན་ཁྱབ་རྒྱུ་བ་ཅན། །འཁྲུལ་ཞིང
142a8 འཁོར་བས་འཁོར་ལོ་སྟེ། །གསུང་གི་འཁོར་ལོ་ངག་གི་རྟེན། །རྫོགས་དང་མ་རྫོགས་གང་མི་གསལ། །སྒྲ་སྦྱོར་དག་དང་མ་དག་གྱུར། །བདེ་དང་སྙན་དང་མི་སྙེན་དང་། །བྱ་དང་དྲི་ཟ་བུང་བ་དང་། །ཆགས་པའི་སྒྲ་ནི་སྣ་ཚོགས་བྱེད། །མདོག་དམར་ལུས་ཁྱབ་ཀླུ་ལ
iiif viewer powered by OpenSeadragon
