| e-texts navigator |
| Wylie |
141b1 བསྒོམས་པ་དོན་མེད་དེ། །སྐྱོན་བྲལ་གསལ་བརྟན་འདྲིས་པ་ཡིས། །གང་བསྒོམས་གསལ་པར་མངོན་དུ་འགྱུར། །ཐ་མལ་ཞེན་རྟོག་ཟློག་པ་དང་། །ལམ་གྱི་འབྲེལ་བར་བྱ་བ་དང་། །དངོས་གྲུབ་འབྲས་ལ་མྱུར་འཇུག་པས། །རྟགས་ཀྱི་ལྷ་ནི་བསྒོམ
141b2 པར་བྱ། །དེ་ལྟར་བརྟན་འགྱུར་གསལ་བ་ལ། །བདག་གཞན་ཕྱི་ནང་མ་ལུས་པའི། །སྒོ་གསུམ་སྐུ་གསུང་ཐུགས་གསལ་བས། །ཐུན་མོང་སྤྱོད་པ་རྣམ་བཅད་ལ། །སྒོ་གསུམ་མཉམ་བཞག་རྗེས་ཐོབ་མེད། །གང་གིས་དེ་ལྟར་གསལ་བྱའི
141b3 ཕྱིར། །ཕྱོགས་གཅིག་སྤྱོད་པ་བརྩམ་པར་བྱ། །དེ་ནས་རྩ་བ་གོམས་པ་དང་། །བསླབ་བྱ་ཁྱད་པར་མཐར་ཕྱིན་ལྟར། །གང་དེ་རིམ་པར་བརྟན་འཕེལ་ཕྱིར། །ཡན་ལག་སྤྲོས་པ་རྣམ་པར་བསྒོམ། །ལྷག་པ་བཅུ་གཅིག་དགུར་ལྡན་པའི། །
141b4 གཅིག་ལས་རྒྱས་བསྡུས་ཕྱེ་བ་ཡིས། །འཁོར་ལོའི་རྩ་བ་ལྷ་དག་ཀྱང་། །ཡབ་ཡུམ་གནས་དགོད་གསལ་བར་བསྒོམ། །དེ་དག་ལྷག་པའི་ལྷ་དགུ་དག་།ཡན་ལག་ཚུལ་དུ་སྤྲོས་ཏེ་བསྒོམ། །འདུལ་བ་གཉིས་ཀྱི་རང་བཞིན་གྱིས། །མཛེས་པའི་ཚུལ
141b5 དང་གདུག་པ་འདུལ། །ལྷ་དང་ཞལ་ཕྱག་དབུ་གྲངས་ཀྱང་། །རྩ་བ་ཡན་ལག་སྤྲོས་ཚུལ་གྱིས། །དཀྱིལ་འཁོར་གྲངས་དང་གང་སྦྱར་བའི། །རིམ་པར་སྤྲོས་ཤིང་བསྒོམ་པར་བྱ། །གྲངས་དང་གྲངས་མེད་ཚུལ་དག་གིས། །དཔག་ཚད་རྒྱད་གྲགས
141b6 མཁའ་དབྱིངས་སུ། །ཞི་དང་ཁྲོ་ལ་སོགས་པ་ཡི། །སངས་རྒྱས་སྤྲིན་ཚོགས་སྣ་ཚོགས་བསྒོམ། །དང་པོའི་བར་དང་ཐ་མའི་བར། །རིག་པའི་ཏིང་འཛིན་གསལ་བརྟན་ནས། །སྐུ་གསུང་ཐུགས་དང་ལྡན་པ་ཡི། །ཚོམ་བུ་རིམ་པར་བསྒོམ
141b7 པར་བྱ། །དགོན་པའི་རིམ་པ་འམ་ནག་ཚལ་དང་། །ཆུ་འགྲམ་རི་རྩེ་དུར་ཁྲོད་དང་། །སྐྱོན་བྲལ་ཡོན་ཏན་རྫོགས་པ་སྟེ། །དགྲ་དང་ཕྱོགས་མཚམས་སྐྱོན་མེད་པའི། །བརྟག་པའི་རིམ་པ་ལྡན་པ་ཡིས། །ཤེས་དང་འཐད་པའི་ས་ཕྱོགས་སུ། །
141b8 གཞལ་ཡས་རིམ་རྩེགས་མཛེས་ལྡན་པ། །རྒྱན་དང་བཅས་པ་ལྡན་བྱས་ལ། །ཏིང་འཛིན་མཉམ་པའི་ཤེས་རབ་ཐབས། །མི་ལྡན་གོང་མའི་འོད་ཀྱིས་སྦྱང་། །བདག་དང་གཞན་གྱི་ནུས་པ་ཡིས། །མཉམ་ནས་ཚོགས་ལ་འཇུག་པར་བྱ། །
iiif viewer powered by OpenSeadragon
