| e-texts navigator |
| Wylie |
141a1 སྣ་ཚོགས་རོལ་པ་མཐའ་ཡས་པ། །དག་དང་མ་དག་ཚུལ་གྱིས་ནི། །གསུང་གི་རོལ་པ་མཐའ་ཡས་སྣང་། །ལ་ལར་བྱམས་དང་སྡང་བ་དང་། །གཡེང་དང་མི་གཡེང་རྨོངས་དང་རི། །སྡུད་དང་མི་སྡུད་ཡལ་བ་དང་། །གྲོལ་དང་མ་གྲོལ
141a2 རྣོ་རྟུལ་དང་། །མ་རིག་ཡེ་ཤེས་ལ་སོགས་པ། །ཐུགས་ཀྱི་རོལ་པ་མཐའ་ཡས་པ། །ཐམས་ཅད་མཁྱེན་པའི་ཚུལ་གྱིས་སྣང་། །མཐའ་ཡས་དབྱེར་མེད་དམ་པ་ཉིད། །ལུང་དང་རིགས་པ་མན་ངག་གིས། །ཚད་མ་དག་གིས་གང་བཅལ་བ། །
141a3 ཤེས་བྱ་ཁོང་དུ་ཆུད་པར་འགྱུར། །དེ་ནས་ཆོས་རྣམས་མ་ལུས་པ། །བདག་གཞན་ཕྱི་ནང་དབྱེར་མེད་པའི། །ཐམས་ཅད་མཁྱེན་པའི་ཚུལ་གྱིས་སྣང་། །མཐའ་ཡས་དབྱེར་མེད་དམ་པ་ཉིད། །དྲན་དང་ཤེས་བཞིན་བརྟན་པོ་ཡིས། །དུས་གསུམ་རྒྱ་མཚོ
141a4 གཏིང་ལྟ་བུར། །མི་གཡོ་གསལ་བའི་ངང་གྱུར་ནས། །སྒོ་གསུམ་མཉམ་པར་སྦྱོར་བ་ཡིས། །དང་པོ་རྟོགས་པའི་སྤྱོད་པ་སྟེ། །དེ་བཞིན་ཉིད་ལ་གསལ་བརྟན་ཏེ། །སྟོང་པ་ཤེས་རབ་སྤྱོད་པར་བཤད། །དེ་ནས་ཕྱོགས་བཅུ་མ་ལུས་པ། །རང་བྱུང
141a5 བྱང་ཆུབ་སེམས་ཉིད་ཕྱིར། །གང་སྣང་རང་རྒྱུད་དངོས་མེད་དེ། །སྒྱུ་མ་མིག་ཡོར་བྲག་ཆ་དང་། །སྨིག་རྒྱུ་ཆུ་བུར་ལ་སོགས་པ། །གོང་མའི་སྟོབས་དང་འདི་ཉིད་སྟོབས། །མཉམ་པར་སྦྱོར་བས་བསྒོམ་པར་བྱ། །གང་ལ་མ་བལྟས་མངོན་བྱས་དང་། །ཏིང
141a6 འཛིན་རིམ་པ་གཉིས་མེད་པས། །ཀུན་ལ་སྙིང་རྗེའི་སྤྱོད་པ་དག་།དམ་པ་འདི་ནི་སྤྱད་པར་བྱ། །རང་བཞིན་ཆེད་དུ་དམིགས་པ་དང་། །ཁྱབ་དང་ཤུགས་ལས་གང་བྱུང་བའི། །སྙིང་རྗེའི་སྤྱོད་པར་རྣམ་པར་སྤྱད། །དེ་ནས་སྒྱུ་མ་ལྟ་བུ་ཉིད། །རང་ཉིད་ཕྱོགས
141a7 མེད་སྣང་བ་ཡིས། །ཅིར་ཡང་བསྒྱུར་དུ་རུང་བའི་ཕྱིར། །རིག་པ་དབུ་མར་གང་གསལ་བ། །ཉི་ཟླ་བརྩེགས་པའི་གདན་དུ་འབར། །ས་བོན་གང་ལས་ཐབས་ཆོ་གས། །འཕྲོ་འདུ་ཞུ་ནས་མངོན་གྱུར་པ། །རྡོ་རྗེ་གསུམ་གྱི་ངོ་བོར་སྣང་། །དེ་ཉིད
141a8 གཅིག་དང་ལྔ་གསུམ་གྱིས། །བརྟན་འབར་མཛེས་པར་གསལ་གྱུར་ཏེ། །མདུན་དང་གཞན་དུ་སྐབས་དག་སྦྱོར། །གཅིག་དང་ངེས་མེད་རིམ་པ་དང་། །འཁོར་ལོ་ཞེས་བྱ་བཞི་རུ་གྱུར། །གང་གིས་གང་དེ་མ་བརྟེན་པར། །འཕྲོ་འདུ
iiif viewer powered by OpenSeadragon
