| e-texts navigator |
| Wylie |
140b1 མི་དང་ལྷ་ལས་ཐར་པ་མེད། །དཔེར་ན་དུག་དང་ལྡན་པ་ལ། །ཐབས་ཀྱི་ཁྱད་པར་ཇི་བཞིན་དུ། །རྟོགས་པའི་ཁྱད་པར་ཇི་བཞིན་དུ། །བདེ་དང་སྡུག་བསྔལ་སྣ་ཚོགས་རྒྱུན། །རང་བཞིན་གཉིས་མེད་དག་པ་ལས། །བརྟགས་པའི་བྱེ་བྲག་ཁྱད་པར་གྱིས། །
140b2 མི་མཐུན་བདེ་སྡུག་སྣ་ཚོགས་མྱོང་། །མ་བཅོས་དབྱིངས་ལས་གཡོས་པ་མེད། །གང་དག་མཐུན་མོང་ངོ་དག་ལས། །ལས་དང་བྱ་བའི་སྒོ་ནས་ནི། །སྤྱད་དང་སྤྱོད་དང་སྤྱོད་འགྱུར་ཕྱིར། །འདི་སྐད་སྤྱོད་པས་སྤྱོད་པར་གསུངས། །རང་བཞིན་རྒྱལ་བའི་སྤྱོད
140b3 པ་ཡིས། །ཆུ་དང་རླབས་ལྟར་ཁྱབ་གྱུར་ཀྱང་། །སྤོང་ལེན་བྱ་བ་སྣ་ཚོགས་ལས། །སྤྱོད་པ་ཐབས་ཀྱིས་ཟིན་པ་མེད། །གང་ཕྱིར་ཐབས་དང་ཤེས་རབ་དང་། །སྒྲ་དང་རྟོགས་པ་སྣ་ཚོགས་ཀྱིས། །ཐུན་མོང་ཡུལ་དུ་མ་གྱུར་པ། །ཐུན་མོང་མ་ཡིན
140b4 ཐབས་སྤྱོད་དེ། །ལ་ལར་ཐུན་མོང་ཉིད་དུ་སྟེ། །ཐར་པ་དང་ནི་མ་ཐར་པ། །ཀུན་ཏུ་རྒྱུ་དང་མུ་སྟེགས་དང་། །བུད་མེད་དང་ནི་མ་རབས་དང་། །རྒྱལ་པོ་དཔའ་བོ་དཀའ་ཐུབ་ཅན། །བྱིས་པ་ལ་སོགས་ཐ་དད་དེ། །ལ་ལར་དགོད་དང་དྲག་པོ་དང་། །གཤེ་དང
140b5 འཇིགས་དང་ཞི་བ་དང་། །ལ་ལར་དེ་བཞིན་ཆགས་ཆེན་པ། །གཡོ་སྒྱུ་སྤྱོད་དང་གཡེམ་པར་སྟོན། །ཞི་དང་སྐུ་དང་ཕྲག་དོག་སྤྱོད། །འདོད་དང་ལོངས་སྤྱོད་གཟིར་བ་དང་། །གླུ་བྲོ་གར་དང་འཇོ་སྒེག་དང་། །དེ་བཞིན་འཇིགས་དང་སྡིགས་པ་དང་། །མ་རུངས
140b6 པ་དང་རྣམ་པར་འཚེ། །ཞིང་ཁམས་རྫུ་འཕྲུལ་སྤྱོད་པ་དང་། །ངོ་མཚར་ཆོ་འཕྲུལ་དུ་མ་དག་།གང་དང་གང་གིས་མཛད་པ་དག་།སྐྱེ་བོ་མ་ལུས་འདུལ་པའི་ཕྱིར། །མཛད་པ་མཐའ་ཡས་རྣམ་པར་སྟོན། །ཞི་ལ་ཚངས་དང་ཁྲོ་ལ་ཁྲོ། །ཐར་པ་ན
140b7 ཆུང་མཛེས་དང་རོལ། །གདུང་དང་རྨོངས་དང་སྡུག་བསྔལ་བ། །རང་རང་དེད་དཔོན་མཐའ་ཡས་པའི། །སྐུ་ཡི་རོལ་པ་མཐའ་ཡས་སྟོན། །བྱིན་གྱིས་བརླབས་དང་རང་སྣང་དང་། །བརྡའ་དང་རིག་པ་ཏིང་འཛིན་དང་། །ཚིག་ཏུ་ཆགས་སྡང་རྨོངས་པ་དང་། །
140b8 ཤིན་ཏུ་རྒྱལ་དང་ཕྲག་དོག་དང་། །འཇམ་དང་དལ་དང་སྙན་མི་སྙན། །རྩུབ་དང་དྲག་དང་སྦོམ་ཕྲ་དང་། །རིང་ཐུང་རོལ་མོ་ལྷ་ཀླུ་དང་། །མི་དང་མི་མིན་འབྱུང་པོའི་སྒྲ། །ཁྱིམ་བདག་དབང་ཆེན་ལེགས་དཔོན་དང་། །ཆགས་ཅན་གཏུམ་པོ་ལ་སོགས་པའི། །
iiif viewer powered by OpenSeadragon
