| e-texts navigator |
| Wylie |
138b1 གང་ཕྱིར་བྱེད་པའི་རྒྱུ་བཞི་དག་།མཉེས་དང་དག་པས་བདེ་བྱའི་ཕྱིར། །ལས་དང་དཀའ་ཐུབ་དྲག་ཤུལ་གྱིས། །གྲོལ་ཞིང་ཐར་བར་འདོད་པར་སྣང་། །བདེ་བཞི་བཅུ་དྲུག་ཐ་དད་ལམ། ཁམས་གསུམ་མཐོང་བསྒོམ་སོང་ཚུལ་གྱིས། །རང་དོན
138b2 ཟག་པ་ཀུན་བྲལ་ནས། །ཆར་དོན་ཐར་པ་མྱ་ངན་འདས། །རྐྱེན་རྟོགས་བག་ཆགས་སད་པ་ཡིས། །འབྱུང་མེད་བཅུ་གཉིས་རང་བརྟགས་ནས། །མ་རིག་འཁྲུལ་འཁོར་རྒྱུ་འབྲས་ཟད། །ཡིད་བཞིན་བདེ་བ་མཆོག་གི་ས། །ཐ་དད་མེད་པའི
138b3 རིག་པའི་སེམས། །བདེན་བརྫུན་ཁྱད་པར་ཅིར་བལྟས་པ། །གསལ་ལ་མི་རྟོག་སྙིང་པོ་ཉིད། །བདག་གཞན་ནུས་པའི་སྟོབས་སུ་སྣང་། །ཆོས་རྣམས་སྒྱུ་མ་མིག་ཡོར་དང་། །བྲག་ཆ་ཆུ་ཟླ་འདྲ་བ་ཡི། །དེ་ཉིད་མཐའ་དབུས་བྲལ་བ་ནི། །
138b4 བདེན་གཉིས་འབྲེལ་པ་དབུ་མའི་ཚུལ། །རྡོ་རྗེ་དམ་པ་གསུམ་བཀོད་དེ། །དངོས་པོ་སྒྱུ་མ་ལས་གྲོལ་ནས། །དག་པའི་རྟེན་འབྲེལ་ལ་བརྟེན་ནས། །ཡེ་ཤེས་སྒྱུ་མ་མངོན་སུམ་ཤར། །གང་ཕྱིར་ལས་དང་བྱ་བ་དང་། །ཁྲུས་དང་གཙང་སྦྲ
138b5 ལ་བརྟེན་ནས། །སྔགས་དང་ཕྱག་རྒྱའི་མཐུ་སྟོབས་ཀྱིས། །སྒོ་གསུམ་རྡོ་རྗེ་འཛིན་པའི་ས། །དེ་དག་ལས་འཐུན་ཁྱད་པར་ཉིད། །དེ་ཁོ་ན་ཉིད་བཞི་རྟོགས་ནས། །ལས་དང་ཏིང་འཛིན་འབྲེལ་གོམས་པས། །རྡོ་རྗེ་འཆང་བའི་ས
138b6 ལ་གནས། །ཏིང་འཛིན་རིག་པ་གཙོར་བྱས་ནས། །སྔགས་དང་ཕྱག་རྒྱ་བསམ་པ་ཡིས། །ཆ་ལུགས་ཇི་བཞིན་མངོན་སྒྱུར་ཏེ། །གོམས་པས་བདག་གཞན་དོན་གྲུབ་པའོ། །ཐབས་དང་གྲོལ་བའི་ཁྱད་པར་གྱིས། །དབང་པོ་ཡུལ
138b7 དང་རྣམ་ཤེས་དང་། །སྣང་སྲིད་ཕྱི་ནང་སྣོད་བཅུད་ཀྱི། །སྤྱོད་ཡུལ་ཇི་ལྟར་འགྱུར་བ་ཀུན། །ཐབས་དང་ཤེས་རབ་དབྱེར་མེད་པའི། །གསང་བའི་ཐབས་ཀྱིས་རྒྱས་བཏབ་པས། །མ་ལུས་རྡོ་རྗེ་ཉིད་དུ་འགྱུར། །སྣང་སྲིད་དཔའ་བོ་ཐབས་ཆེན་དེ། །རང་བཞིན
138b8 དབྱེར་མེད་དག་པ་ཡི། །སྣ་ཚོགས་འཕྲུལ་པ་རང་སྣང་བས། །མ་ལུས་གཉིས་མེད་ཡེ་ཤེས་ཡིན། །ཐབས་དང་ཤེས་རབ་གཉིས་མེད་པའི། །ཐབས་དང་རིག་པ་གང་ཟིན་པ། །གཞན་གྱིས་དོར་བའི་འཁོར་བའི་ཆོས། །ཡེ་ཤེས་བདུད་རྩིའི་ངོ་བོར་འགྱུར། །
iiif viewer powered by OpenSeadragon
