| e-texts navigator |
| Wylie |
137b1 མ་བསགས་ལྷུན་གྱིས་གྲུབ་པའི་སྐུ། །སྣ་ཚོགས་ཀུན་དང་དབྱེར་མེད་པའི། །ཀུན་ལ་ཡིད་བཞིན་འཐུན་པར་སྣང་། །ཀུན་ཀྱང་རང་འབྱུང་བྱང་ཆུབ་སེམས། །བདེན་པ་དབྱེར་མེད་དོན་དུ་སྣང་། །གང་ཕྱིར་ནམ་མཁའི་རང་བཞིན་ལྟར། །གང་ལ་དེ་ལྟར
137b2 སྣང་བ་ལས། །ཡང་དག་གཅིག་ཏུ་གཟུང་དུ་མེད། །མ་བཅོས་རང་འབྱུང་ཞི་བ་ཉིད། །རྣམ་པར་དག་པའི་སྙིང་པོ་སྟེ། །འཁོར་བ་ཉིད་ན་མྱ་ངན་འདས། །རྣམ་པར་དག་པའི་དབྱིངས་སུ་མཁྱེན། །སྒྲོ་དང་སྐུར་བ་ཀུན་བྲལ་བའི། །ཐམས་ཅད་རང་སྣང
137b3 སྙིང་པོ་ལས། །སྣ་ཚོགས་མ་ལུས་རྣམ་པར་འཕྲུལ། །དངོས་དང་དངོས་པོ་མེད་མིན་ཞིང་། །གང་ལ་དེ་ཉིད་ཡུལ་འདས་པ། །ནམ་མཁའ་ལྟ་བུར་དཔག་མེད་པ། །ཕྱོགས་རིས་མཐའ་དབུས་རྒྱ་དཔག་མེད། །གང་གིས་གང་ལ་ཁྱབ་པ་ལྟར། །
137b4 མཁའ་སོགས་རྡུལ་བྲལ་འབྱུང་བའི་བཅུད། །ཟག་པ་མེད་པའི་སྙིང་པོ་ཉིད། །ལུས་ཅན་ཀུན་གྱི་དབང་པོ་དང་། །དངས་མར་འབྲེལ་བར་གང་སྣང་ཡང་། །མཐོང་བ་ལོག་པའི་སྟོབས་ཀྱིས་སྒྱུར། །བདག་གཞན་མེད་པའི་རང་སྣང་ཡིན། །མ་ལུས
137b5 ཐམས་ཅད་དབྱེར་མེད་པའི། །ཐབས་དང་ཤེས་རབ་བཅུད་ལྔའི་རྒྱུན། །ལོངས་སྤྱོད་ཐབས་སུ་བཅས་པ་ཉིད། །འགྲོ་བ་ཀུན་ལ་ཁྱབ་པར་གནས། །གང་ཡང་ཐབས་དང་ཤེས་རབ་ཀྱི། །སྒྱུ་འཕྲུལ་དྲ་བའི་རང་བཞིན་ཉིད། །རང་བཞིན་དབྱེར་མེད
137b6 བྱང་ཆུབ་སེམས། །བདེ་བ་ཆེན་པོའི་ངོ་བོ་ཉིད། །འདས་དང་ད་ལྟར་མ་བྱོན་གྱི། །རྒྱལ་བ་རིག་འཛིན་མཐའ་ཡས་དང་། །མ་ལུས་ཀུན་གྱིས་རྟོགས་བྱ་བ། །ཕྱོགས་མེད་ཁྱབ་པའི་ངོ་བོར་གནས། །གང་སྣང་མ་ལུས་དེ་བཞིན་ཉིད། །
137b7 མ་བཅོས་མ་བྱས་ཞི་བ་སྟེ། །གཅིག་དང་དུ་མ་ལས་འདས་པ། །སངས་རྒྱས་ཀུན་གྱི་རང་བཞིན་ཉིད། །མཐའ་བྲལ་ནམ་མཁའི་རང་བཞིན་ལྟར། །མ་ལུས་གནས་པ་དེ་དག་ཀྱང་། །རྟོགས་པའི་ཁྱད་པར་དབང་པོ་ཡི། །མཐོང་ཚུལ་དག་དང་མ
137b8 དག་གིས། །རང་བཞིན་ཡུལ་དང་མ་གྱུར་པས། །ཕྱི་ནང་གསང་བ་ལ་སོགས་པའི། །དབང་དང་མན་ངག་འབྲེལ་བ་ཡིས། །དེ་ཉིད་མཐོང་རྟོགས་དོན་ཕྱིར་བཤད། །གང་ཕྱིར་རྡོ་རྗེ་སློབ་དཔོན་ཉིད། །ཡོན་ཏན་ཡོངས་རྫོགས་ནུས་པ་ཅན། །དད་དང
iiif viewer powered by OpenSeadragon
