| e-texts navigator |
| Wylie |
136b1 ཀུན་ཀྱང་སེམས་ལྔར་སྣང་བ་སྟེ། །ཐབས་ལས་བྱུང་བའི་ཐིག་ལེ་དང་། །ཤེས་རབ་གསང་བའི་ཐིག་ལེ་དང་། །གཉིས་མེད་བདེ་བ་ལས་བྱུང་བ། །སེམས་ལྔ་རིམ་པར་སྣང་བར་འགྱུར། །ཐབས་དང་ཤེས་རབ་མཉམ་སྦྱོར་ཞིང་། །སྐུ་དང་གསུང་ཐུགས་ལས
136b2 བྱུང་བ། །བྱེ་བྲག་བརྒྱད་བཅུ་ཀུན་འདུས་པ། །དཀྱིལ་འཁོར་བཞི་བཅུ་རྩ་གཉིས་ཏེ། །སྐུ་གསུང་ཐུགས་དང་ཡེ་ཤེས་ལྔས། །ཐབས་དང་རང་བཞིན་འབྲེལ་བ་ཡིས། །འགྲོ་བ་ཀུན་ལ་རྒྱས་བཏབ་པའོ། །སྣོད་བཅུད་བདེ་བའི་རང་བཞིན་གྱིས། །མ་ལུས་ལྷན་ཅིག་སྐྱེས་པར་གནས། །
136b3 གཡོ་ལྡང་སྨོན་འཇུག་གནས་མཐར་ཕྱིན། །སྐྱེ་བའི་གཞི་དང་ཐབས་དག་དང་། །སྐྱེས་ནས་མཐར་ཕྱིན་ཡེ་ཤེས་ལྔ། །སངས་རྒྱས་ཀུན་གྱི་རང་བཞིན་ཉིད། །ཇི་ལྟ་བ་བཞིན་རྣམ་པར་གནས། །འགྲོ་བ་མོས་པའི་ཁྱད་པར་གྱིས། །གཟུགས་དང་ཁ
136b4 དོག་སྔགས་དང་འོད། །དཀྱིལ་འཁོར་ལ་སོགས་སོ་སོར་གནས། །གང་ཟག་བློ་དང་འཚམ་པར་བསྟན། །རྟེན་དང་བརྟེན་ཅན་ལས་བྱུང་བའི། །རང་བྱུང་བདེ་ཆེན་མེ་རྟོག་པ། །ལུས་མེད་ལུས་ལ་གནས་པ་ཡི། །ཁྱབ་པ་གཉིས་མེད་གང
136b5 བའི་ཚུལ། །གང་ཕྱིར་ཟག་མེད་བདེ་བ་ཡི། །ཏིང་འཛིན་བདེ་བ་ཁྱད་པར་ཅན། །རང་བཞིན་བརྟགས་དང་སྣང་བ་དང་། །བྱིན་རློབ་ནུས་པའི་ལྷ་ཡིས་ནི། །ཕྱི་ནང་སྣོད་བཅུད་སྐུ་གསུང་ཐུགས། །མ་ལུས་སྦྱོར་བ་གསུམ་ལས་བྱུང་། །རྩ་དང
136b6 རླུང་དང་ཐིག་ལེ་དག་། རིམ་པར་བསྟེན་དང་སྦྱོར་བ་དང་། །འཕེན་དང་སྡུད་པ་རླུང་གིས་ཏེ། །དངས་མར་ཡེ་ཤེས་རླུང་གིས་འཇུག་།སྟེང་དང་འོག་ལས་བྱུང་བ་ཡི། །བདེ་བའི་ཐིག་ལེ་རིམ་པ་དག་།དངས་སྙིགས་རླུང་གི་ཁྱད་པར་གྱིས། །
136b7 ཇི་ལྟར་འདོད་པའི་འབྲས་བུ་ཉིད། །རྐྱེན་གྱིས་ནུས་པ་ཕྲད་པ་ལྟར། །རྒྱུ་གཅིག་ནུས་པ་སོ་སོར་སྣང་། །འཇིག་རྟེན་འདས་དང་འཇིག་རྟེན་པའི། །ལམ་ནི་རྩ་དང་ཐིག་ལེ་དང་། །རླུང་ནི་ཕྱི་ནང་དངས་སྙིགས་དང་། །ལམ་དང་རྒྱུ་བའི་ཚུལ་ལས་བྱུང་། །
136b8 གང་ཕྱིར་མེད་དང་ནུས་པ་མེད། །སྟོངས་དང་ལོག་པའི་ནུས་མཐུ་ཡིས། །རང་ལུས་འཇིག་དང་སྡུག་བསྔལ་ཞིང་། །དབང་པོ་མ་ཚང་དམན་པར་གྱུར། །གང་ཕྱིར་ཐུན་མོང་ཐུན་མོང་མིན། །སེམས་ལྔ་ཡེ་ཤེས་ལྔ་བསྟན་པ། །རང་བཞིན
iiif viewer powered by OpenSeadragon
