| e-texts navigator |
| Wylie |
135b1 གསུང་དང་ཐུགས་ཀྱི་རྒྱུད། །ལྟ་སྤྱོད་དཀྱིལ་འཁོར་དབང་དམ་དང་། །སྒྲུབ་པ་འཕྲིན་ལས་ལམ་རིམ་ནི། །ཕྱི་དང་ནང་དང་སྦས་པ་སྟེ། །རང་བཞིན་གནས་དང་མངོན་བྱེད་པ། །ཐབས་ཀྱི་རྒྱུད་ནི་གསུམ་དུ་གསུངས། །ཕྱོགས་བཅུ་དུས་བཞི་མངོན་རྫོགས
135b2 པའི། །མདོ་སྡེ་འདུལ་བ་མངོན་པ་དང་། །སྐུ་དང་གསུང་དང་ཐུགས་ཀྱི་རྒྱུད། །བསྐྱེད་རྫོགས་ཐབས་རིམ་གང་བསྟན་པ། །སྒྱུ་འཕྲུལ་དྲ་བར་འདུས་པ་སྟེ། །དེ་ལྟར་གྲགས་པའི་ཆོས་རྣམས་ཀུན། །རྟོག་པའི་ཆོ་ག་ཀུན་བཤད་པའི། །
135b3 རྒྱུད་ཆེན་སྒྱུ་འཕྲུལ་དྲ་བ་སྟེ། །སངས་རྒྱས་ཀུན་གྱི་གསུང་གི་མཆོག་།ཐོག་མ་བར་དང་མཐར་དགེ་བ། །དུས་གསུམ་རྒྱལ་བ་ཀུན་གྱིས་གསུངས། །རྡོ་རྗེ་སེམས་དཔའ་སྒྱུ་འཕྲུལ་དྲ་བ་གསང་བ་མེ་ལོང་གི་རྒྱུད་ཆེན་པོ་ལས་གླེང་གཞི་རྣམ་པར་བཤད
135b4 པའི་ལེའུ་སྟེ་གཉིས་པའོ། ། །། དེ་ནས་གཞན་ཡང་བཤད་བྱ་བ། །གང་ཟག་ཐབས་ནི་ཐུན་མོང་དུ། །བློ་ཡི་ཡུལ་དུ་གང་གྱུར་པ། །དེ་ནི་ཐུན་མོང་ཡུལ་ཉིད་དེ། །གང་ཟག་ཐབས་དང་སྟོན་པ་ཉིད། །དེ་ཡི་སྤྱོད་ཡུལ་མ་གྱུར་ཅིང་། །ཐབས་ཆེན་གསང
135b5 བ་དང་ལྡན་པ། །དེ་ནི་ཐུན་མོང་མ་ཡིན་པའོ། །དེ་ཉིད་སྐྱེ་བོ་འཁོར་གཉིས་དོན། །རྣམ་གཉིས་ཚུལ་དུ་སྣང་བར་མཛད། །ཕུང་པོ་ཁམས་དང་སྐྱེ་མཆེད་ཉིད། །རྒྱལ་བ་ཡབ་ཡུམ་སེམས་དཔའ་དང་། །སེམས་མ་ཉིད་དུ་ལྷུན་གྱིས་གྲུབ། །གསང
135b6 ཡུལ་དབང་པོ་རྣམ་ཤེས་རེག་། མ་ལུས་འཇོམས་ཕྱིར་ཁྲོ་བོ་སྟེ། །རྟག་སོགས་མཚན་མ་ལས་སྐྱེས་ཕྱིར། །ཡུམ་སྟེ་ལས་ཀྱིས་མི་གནས་བཤད། །ཡིད་ཆོས་བཟང་པོ་བཟང་མོ་ཉིད། །ཆགས་སོགས་ཉོན་མོངས་དྲུག་པོ་ཉིད། །ཐུབ་པ
135b7 སྤྲུལ་པ་དྲུག་ཏུ་བཤད། །དེ་ཉིད་ཕྱོགས་བཅུ་དུས་བཞི་ཡི། །ཕུང་པོ་འབྱུང་བ་རྣམ་ཤེས་ཡུལ། །དབང་པོ་དུས་དང་ལུས་ཆོས་བཞི། །མཚན་མ་ཉོན་མོངས་ཡུམ་ཉིད་དེ། །དེ་ཉིད་སེམས་ཕྱིར་མ་སྐྱེས་པས། །ལྷག་པའི་བདེན་གཉིས་འབྲེལ་པ་ལས། །
135b8 བྱང་ཆུབ་སེམས་ལྔ་རྣམ་པར་འཕྲུལ། །དངོས་པོ་སྣང་གྲགས་ཆོས་ཐམས་ཅད། །སྐྱེ་བ་མེད་དང་འགག་མེད་དང་། །གནས་པ་མེད་དང་དམིགས་མེད་དང་། །འགྲོ་འོང་མེད་པ་ཉིད་དུ་སྣང་། །བདག་ཕྱིར་ཡེ་ཤེས་གསལ་སྣང་ཡང་། །གཞན
iiif viewer powered by OpenSeadragon
