| e-texts navigator |
| Wylie |
135a1 དེ་གྱུར་པས། །གླེང་གཞི་ཞེས་ནི་བསྟན་པ་ཡིན། །དེ་བཞིན་གཤེགས་པ་ཐམས་ཅད་ཀྱི། །དབྱེར་མེད་ཡེ་ཤེས་གཅིག་གི་དང་། །རྡོ་རྗེ་འཆང་ཆེན་ཀུན་བཟང་ལས། །སྣ་ཚོགས་སྐུ་ནི་རྣམ་པར་འཕྲུལ། །དེ་ཚེ་རྒྱལ་བ
135a2 ཐམས་ཅད་ཀྱང་། །ལྷ་ལ་རྡོ་རྗེ་འཛིན་པ་ཉིད། །ལྷ་མིན་སྟོན་པ་ཕྲག་དོག་རྗེ། །མི་ལ་ཐུབ་པའི་དབང་པོ་སྟེ། །བྱོལ་སོང་སྒྲ་ཡིས་འདུལ་མཛད་པ། །ཡི་དགས་དྲག་པོས་གདུང་བ་སེལ། །དམྱལ་བ་སྡུག་བསྔལ་ཆོས་ཀྱི་རྒྱལ། །
135a3 གདུལ་བའི་སྤྲུལ་སྐུ་ངོ་བོར་ཤར། །ལ་ལ་ལྷ་ལས་འཕོ་བ་དང་། །ལ་ལར་ལྷུམས་ཞུགས་བལྟམ་པ་དང་། །དཀའ་ཐུབ་བདུད་བཏུལ་སངས་རྒྱས་ནས། །འཁོར་ལོ་བསྐོར་ཏེ་མྱ་ངན་འདས། །གནས་ལ་ངེས་པ་ཡོད་མིན་ཏེ། །དམྱལ་བ་ཡི
135a4 དགས་བྱོལ་སོང་དང་། །མི་དང་ལྷ་དང་ལྷ་མིན་ཏེ། །སོ་སོའི་གནས་ཏེ་གང་ཡིན་པ། །འགྲོ་བ་འདུལ་ཕྱིར་སྟོན་པའི་གནས། །ལྷ་རྣམས་དང་ནི་མི་རྣམས་དང་། །ལྷ་མིན་ཡི་དགས་དུད་འགྲོ་དང་། །དམྱལ་བ་སོ་སོའི་འགྲོ་རིས་དག་།
135a5 རང་རང་མོས་དང་ལས་དབང་གིས། །འདུལ་ཚུལ་ཐ་དད་དབང་གིས་འཁོད། །རང་རང་མོས་པས་ཕྲད་པའི་ཚེ། །རང་རང་བརྡ་སྐད་ཐ་དད་པས། །རྟོགས་དང་གྲོལ་བར་གང་གྱུར་པ། །རང་རང་ཇི་བཞིན་སྟོན་པའི་དུས། །བསྟན་པའི
135a6 ཐེག་པ་སྣ་ཚོགས་ཏེ། །རང་རང་ཞེན་པ་མཐའ་ཡས་ཕྱིར། །ཚུལ་དང་མོས་པའི་དབང་གིས་ན། །ཐེག་པ་སྣ་ཚོགས་ཚུལ་དུ་སྣང་། །ཐེག་གཅིག་མཉམ་པ་ཉིད་ཀྱི་ཚུལ། །གཉིས་དང་གསུམ་དང་བཞི་དང་ལྔ། །དགུ་དང་བརྒྱད་ཁྲི་ལ་སོགས
135a7 པ། །འགྲོ་བ་འདུལ་བའི་ཚུལ་གྱིས་སྣང་། །སྐུ་དང་གསུང་ཐུགས་ལས་དག་གིས། །འདུལ་དབང་ཐབས་ནི་སྣ་ཚོགས་ཀྱིས། །ཆོས་ཀྱི་འཁོར་ལོ་རབ་ཏུ་བསྐོར། །དེ་ཚེ་འགྲོ་བ་སོ་སོ་ཡང་། །རང་གི་གཞི་རྩ་དོན་རིག་ནས། །རིམ་པ་ལྔ་འམ
135a8 ཐབས་གཅིག་གིས། །རིག་འཛིན་སངས་རྒྱས་ས་ལ་གནས། །རང་རང་ཆ་འཛིན་སྤྲུལ་པའི་ལུས། །སར་གནས་འཁོར་གྱི་དང་པོ་ཡིས། །དེ་དག་ཞུས་པའི་རིམ་གསུངས་པ། །བློ་དང་ཚིག་དང་ཡི་གེར་བསྡུས། །རྒྱུད་ཅེས་བྱ་བ་རྒྱུན་དུ་གྲགས། །སྐུ་དང
iiif viewer powered by OpenSeadragon
