| e-texts navigator |
| Wylie |
133a1 མཛད་པ་ཡི། །འགྲོ་འོང་མེད་པའི་ཐུགས་རྗེ་ཡིས། །འགྲོ་བ་སྐྱོབ་པའི་དོན་མཛད་པས། །དོན་གྲུབ་ཅེས་ནི་རྣམ་པར་བསྟན། །རིག་པའི་རྒྱལ་པོ་འདི་དག་ཀྱང་། །ཐ་མལ་ལྔ་ཉིད་གནས་དག་ཅིང་། །དེ་ལས་ཐབས་དེས་མངོན་བྱས་པས། །
133a2 དེར་དབང་སྒྱུར་ཏེ་ཉིད་སྣང་བ། །རྒྱལ་པོ་ཉིད་དུ་བརྗོད་པ་ཡིན། །སྟེང་འོག་གཉིས་ལས་མངོན་གྱུར་པའི། །སྦྱོར་དང་འཇུ་འདུལ་རླུང་གི་རིམ། །གང་དེ་ཐབས་ལས་མངོན་གྱུར་པའི། །བདེ་བའི་གཟུགས་དང་ཚོར་བ་དང་། འདུ་ཤེས་དང་ནི་འདུ་བྱེད་དང་། །རྣམ
133a3 ཤེས་ཟག་མེད་བདེ་བའི་རོས། །དབང་སྒྱུར་ཡེ་ཤེས་རྒྱལ་པོར་བཤད། །གང་ཕྱིར་སྣང་དང་བསྒོམས་དང་བྲིས། །ཕྱག་རྒྱ་རྩ་བཅུད་ཐིག་ལེའི་མདོག་།དཀར་དང་དམར་དང་སེར་བ་དང་། །སྔོ་དང་ལྗང་དང་རིམས་ལྡན་པའོ། །རྒྱལ་བ་ཀུན་གྱི་བདེ་སྐྱེད་ཅིང་། །
133a4 སྤྱོད་དང་དེ་ལས་འབྱུང་བའི་ཡུམ། །ཐམས་ཅད་དེ་ལས་སྐྱེད་པ་ལྔ། །ཐ་མལ་ཞེན་པ་དག་པ་དང་། །དབང་སྒྱུར་རྒྱལ་མོ་ལྔ་རང་བཞིན། །སྲ་དང་གཤེར་དང་དྲོད་དང་བསྐྱོད། །ནམ་མཁའི་ཁམས་ཀྱིས་གང་ཕྱེ་བ། །སྟེང་འོག་ཐབས་ལས་མངོན་གྱུར་པ། །
133a5 ཡུལ་དང་ཤེས་རབ་དབྱེར་མེད་ཅིང་། །ཐུགས་རྗེས་ཤེས་རབ་འབྲེལ་པ་ཡིས། །འཁོར་བ་དང་ནི་མྱ་ངན་འདས། །གཉིས་མེད་གཟིགས་པ་སྤྱན་གྱི་མཆོག་།ཟག་མེད་སྟོང་པའི་ཀློང་ཆེན་གྱིས། །སྐྱེད་དང་སྡུད་དང་གནས་པའི་ཕྱིར། །མཐའ་དབུས
133a6 བྲལ་བའི་དེ་བཞིན་ཉིད། །ནམ་མཁའི་དབྱིངས་ཞེས་གང་བརྗོད་པའོ། །ཐུན་མོང་ཐུན་མོང་མ་ཡིན་པའི། །ལས་དང་ལྟ་བ་ཉོན་མོངས་དང་། །ཤེས་བྱའི་དྲི་མ་མཐའ་ཡས་པ། །རྟོགས་པས་སྦྱོང་ཞིང་སྲེག་པས་ན། །གོས་དཀར་མ་རུ་བརྗོད་པ་ཡིན། །
133a7 གང་ཕྱིར་ལས་དང་ཏིང་འཛིན་དང་། །ཡེ་ཤེས་ཐུགས་རྗེ་བར་མེད་ཆུས། །གང་དག་འཁྲུད་དང་ཚིམ་བྱེད་པས། །ཆུ་ནི་མཱ་མ་ཀཱི་རུ་བཤད། །གང་ཕྱིར་རྟོགས་དང་ཐབས་དག་དང་། །ཏིང་འཛིན་ཐབས་ཀྱི་རླུང་ངག་གིས། །བགྲོད་པ་མེད་པའི་ཞིང་ཁམས
133a8 སུ། །སྒྲོལ་བས་སྒྲོལ་མ་ཉིད་དུ་བཤད། །སྙིང་པོ་རང་བྱུང་ཡེ་ཤེས་ཉིད། །ཀུན་བརྟེན་གནས་དང་ཁྱབ་པའི་ཕྱིར། །བྱང་ཆུབ་སེམས་ཀྱི་རང་བཞིན་ལ། །ས་ཡི་སྙིང་པོར་བརྗོད་པ་ཡིན། །རང་བྱུང་སྙིང་པོ་བྱང་ཆུབ་སེམས། །ནམ་མཁའ
iiif viewer powered by OpenSeadragon
