| e-texts navigator |
| Wylie |
132b1 སྒོ་བཞིར་ཤར། །ཐབས་མང་བསམ་གྱིས་མི་ཁྱབ་པས། །ལམ་བརྒྱད་རིམ་པར་བགྲོད་པ་ཡིས། །འབྲས་བུ་ཡོན་ཏན་ཀུན་རྫོགས་པས། །རྟ་བབས་རྒྱུ་འབྲས་བཅུ་དྲུག་བསྟན། །ཞེན་དང་སྤོང་བའི་ལམ་བྲལ་བས། །འདོད་ཡོན་ཡེ་ཤེས་ལྔ་རོལ་སྟེ། །བདག་མཆོད
132b2 ཀུན་མཉེས་ལས་བྱུང་བས། །འདོད་ཡོན་ལྷ་མོས་འཁྲིགས་པར་བསྟན། །ཐབས་དང་ཤེས་རབ་ལྡན་པ་ཡིས། །མ་ཆགས་ཐབས་དང་ལྡན་པ་དང་། །ཆེ་བའི་ཡོན་ཏན་ལྷུན་རྫོགས་པས། །ཉི་ཟླ་པད་མ་རིན་པོ་ཆེ། །ལས་དང་ཐུགས་རྗེ་སྨོན་ལམ་གྱིས། །
132b3 བྱང་ཆུབ་སེམས་དཔའ་མཐུ་བོ་ཆེ། །སྨོན་ལམ་དབང་གིས་དེ་དག་ཏུ། །ཐོས་པ་རྒྱ་མཚོ་བསག་ཕྱིར་གནས། །དེ་ཚེ་དུས་ཀྱི་ཐ་བྲལ་ཡང་། །ངོ་བོ་དུས་བཞི་མཉམ་པའི་དུས། །དུས་ཀྱི་མཐའ་ལ་མངོན་རྟོགས་པས། །ཐུན་མོང་མིན་པའི་དུས་སུ་བསྟན། །
132b4 དེ་ཚེ་ཕྱོགས་བཅུ་རྒྱལ་བ་ཡིས། །བསྐལ་པ་བྱེ་བར་ལུང་བསྟན་པ། །འདུལ་བའི་དུས་བབ་གསང་བའི་བདག་།ལག་ན་རྡོ་རྗེས་བསྡུ་བ་མཛད། །དུས་གསུམ་རྒྱལ་བས་བྱིན་བརླབས་ཕྱིར། །འཁོར་གྱི་ནང་ན་སྐལ་མཆོག་ལྡན། །གསང་བའི
132b5 རྡོ་རྗེ་འཆང་བསྡུས་ནས། །འདུལ་བའི་འཁོར་ལོ་བསྟན་པར་མཛད། །འདས་དང་མ་བྱོན་ད་ལྟར་གྱི། །སྐུ་གསུམ་སྐུ་གསུང་ཐུགས་ངེས་པའི། །དེ་བཞིན་ཉིད་དུ་ཐབས་གང་གིས། །གཤེགས་ཤིང་གཤེགས་དང་གཤེགས་གྱུར་པའི། །ཐར་པ
132b6 གསུམ་དང་ཡེ་ཤེས་དང་། །ཕ་རོལ་ཕྱིན་པ་དྲུག་ལྡན་པ། །ཞིང་ཁམས་ཡོན་ཏན་བསམ་མི་ཁྱབ། །བྱེ་བྲག་བརྒྱད་བཅུ་ཀུན་འདུས་པའི། །རྒྱལ་བ་རྒྱ་མཚོ་ཀུན་གྱི་མཚན། །གང་ཕྱིར་རྡོ་རྗེ་ཐུགས་ཆུད་པས། །ལས་དང་སྤྱོད་པ་དཀའ་ཐུབ་དང་། །སྲིད་པའི
132b7 རི་བོས་མི་བསྐྱོད་པས། །དེ་ནི་མི་བསྐྱོད་མཆོག་ཏུ་གསུངས། །ཐབས་དང་ཤེས་རབ་འབྲེལ་བ་ཡིས། །ཇི་སྙེད་སྐུ་གསུང་ཐུགས་སྣང་བ། །མོས་དང་ཐབས་ཀྱི་ཁྱད་པར་གྱིས། །སྣ་བར་སྣང་ཕྱིར་སྣང་མཛད་མཆོག་།རྒྱལ་བ་ཀུན་གྱི་ཡོན་ཏན་ནི། །ཚོགས་རྣམས་འདུས
132b8 པའི་ངོ་བོ་སྟེ། །ཡོན་ཏན་རིན་ཆེན་ལྟར་འབྱུང་བས། །རིན་ཆེན་འབྱུང་བར་གསུངས་པ་ཡིན། །དཔག་ཏུ་མེད་པའི་གསུང་གི་སྒོ། །དབང་པོ་ཐབས་ཀྱི་བྱེ་བྲག་གིས། །དོན་རྟགས་གསུང་དང་ཡི་གེའི་སྒོ། །མཐའ་ཡས་སྣང་ཕྱིར་མཐའ་ཡས་མཆོག་།དཔག་མེད་ཐུགས་རྗེ
iiif viewer powered by OpenSeadragon
