| e-texts navigator |
| Wylie |
132a1 ཐ་མ་དབུས་མེད་པའི། །རང་བཞིན་དོན་གྱི་འོག་མིན་ནི། །རྒྱལ་བ་ཀུན་གྱི་ཕོ་བྲང་ཕྱིར། །འདས་དང་ད་ལྟར་མ་བྱོན་པའི། །རྒྱལ་བ་ཀུན་གྱི་བསྟེན་པའི་གནས། །དེ་དག་ཉེ་བར་མཚོན་པ་ཡི། །ཡིད་དང་མཚན་མ་ལས་གྱུར་པའི། །སྒོམས
132a2 དང་བྲིས་དང་བྱས་ལ་སོགས། །དེ་དང་འདྲ་བའི་གཞལ་ཡས་ཁང་། །རྒྱལ་བ་སྔགས་དང་བྱིན་བརླབས་ཀྱིས། །དེར་གནས་དོན་ཕྱིར་མཚོན་པའི་གནས། །ཐུན་མོང་ཐུན་མོང་མ་ཡིན་པའི། །བསོད་ནམས་ཡེ་ཤེས་ཁྱད་པར་ཅན། །བསགས་པ་སྣ
132a3 ཚོགས་ལས་བྱུང་བའི། །རྫོགས་ལོངས་སྤྱོད་པ་ཆེན་པོ་ནི། །གཙང་མ་རིས་དག་སྤངས་པ་ཡི། །འོག་མིན་ཆེན་པོའི་གནས་མཆོག་ན། །རིགས་བདག་ཕྱག་རྒྱ་ལྷུན་གྲུབ་སྐུ། །གཅིག་དང་དུ་མ་རྣམ་སྤངས་པ། །སངས་རྒྱས་ཀུན་གྱི་སྤྱི་གཟུགས
132a4 ཏེ། །གདོད་ནས་ཐེག་མཆོག་མཛོད་ཉིད་ཕྱིར། །སྒྲིབ་པ་མཐའ་སྤངས་གདུལ་བྱ་ལ། །སྐད་ཅིག་གཅིག་གིས་སྤང་བར་མཛད། །ཆོས་རྣམས་སྣ་ཚོགས་ཇི་སྙེད་པ། །དངོས་པོ་ཐ་དད་མེད་ཕྱིར་ཟླུམ། །ཁྱབ་པར་སྤགས་དང་ཚད་མེད་དང་། །ཡེ་ཤེས
132a5 བཞི་ཕྱིར་འཁོར་ལོ་བསྟན། །ཆོས་དབྱིངས་འདུ་འབྲལ་མེད་པའི་ཕྱིར། །མུ་ཁྱུད་ཟླུམ་པོར་ཀུན་ནས་བསྐོར། །སྐུ་གསུང་ཐུགས་དང་བྱིན་བརླབས་དང་། །ཐུགས་རྗེས་མ་ཁྱབ་མེད་པའི་ཕྱིར། །ཡོན་ཏན་རྒྱས་པའི་དབྱིངས་སུ་བསྟན། །རང་འབྱུང
132a6 ཡེ་ཤེས་མཐའ་བྲལ་བས། །ཕྱོགས་བཅུར་འགྲོ་འོང་མི་གནས་པའི། །ཚད་དང་བྲལ་བའི་སེམས་ཀྱི་ཕྱིར། །གཞི་རྩ་ཚད་མེད་འཁོར་ལོར་བསྟན། །གདོད་ནས་བྱིན་བརླབས་ངོ་བོའི་ཕྱིར། །མ་བསགས་ལྷུན་རྫོགས་མཛོད་ཉིད་དེ། །འགྲོ་བ་རེ་འདོད
132a7 སྐོང་བའི་ཕྱིར། །རིན་ཆེན་འབར་བའི་གཞལ་ཡས་ཁང་། །སྣ་ཚོགས་དངོས་དང་དངོས་མེད་པའི། །ཆོས་ཀུན་ངོ་བོར་རང་གནས་ཏེ། །བདག་གཞན་གཟུང་འཛིན་བྲལ་བའི་ཕྱིར། །ཕྱི་དང་ནང་བྲལ་སྒྲིབ་པ་མེད། །ཐུན་མོང་ལ་བརྟེན་ཐབས་ཀྱི་འབྲས། །
132a8 ཡེ་ཤེས་ཐབས་ཀྱིས་འཕགས་པ་ཉིད། །གདུལ་བྱའི་བློ་ལ་མངོན་སྣང་བས། །བློ་འབུར་བཞི་ནི་ལྷག་པར་མཛེས། །ཐུན་མོང་ཐུན་མོང་མ་ཡིན་པའི། །གདུལ་བྱའི་རིམ་པ་མཐོ་དམན་ཀུན། །སྟོང་སྨོན་མཚན་མེད་འོད་གསལ་འཇུག་།དེ་ཕྱིར་ཡེ་ཤེས
iiif viewer powered by OpenSeadragon
