| e-texts navigator |
| Wylie |
131b1 སྦྱངས་པ་ཡིས། །དབང་པོ་རབ་ཀྱི་སྤྱོད་ཡུལ་ཡིན། །རྡོ་རྗེ་གསང་བའི་ཐེག་པ་འདི། །ངོ་བོ་ཉིད་དང་བྱིན་བརླབས་དང་། །མཚོན་དང་རྡོ་རྗེར་གྲུབ་པ་སྟེ། །རྡོ་རྗེ་ཐེག་པ་བདེ་བ་ཆེ། །རང་བཞིན་ངན་དང་དམན་པ་དང་། །ཕྱིན་ཅི་ལོག་དང་མི་མོས་དང་། །དབང་དང
131b2 དམ་ཚིག་མེད་པ་ལ། །གསང་ཕྱིར་གསང་བའི་ཐེག་པར་གསུངས། །ཐབས་དང་བྲལ་བའི་སློབ་དཔོན་གྱིས། །སྣོད་དང་བྲལ་བའི་སློབ་མ་ལ། །གསང་བའི་སྙིང་པོ་བསྟན་གྱུར་ན། །བདག་དང་གཞན་ཀུན་སྡུག་བསྔལ་ཞིང་། །
131b3 སྲེག་དང་སྒྲིབས་པར་ཡུན་རིང་གནས། །སྒྱུ་འཕྲུལ་དྲ་བ་རྡོ་རྗེ་མེ་ལོང་གི་རྒྱུད་ཆེན་པོ་ལས་མཚན་གྱི་དོན་གྱི་བཤད་པ་དང་པོའོ།། །། དེ་ནས་གཞན་ཡང་བཤད་བྱ་བ། །ཐུན་མོང་མ་གྱུར་གསང་བའི་དོན། །ཐུན་མོང་མ་ཡིན་འཁོར
131b4 དག་ལ། །ཕྱོགས་བཅུ་རྒྱལ་བ་རྡོ་རྗེ་འཆང་། །དཀྱིལ་འཁོར་མངོན་དུ་ཕྱུང་བ་ཡི། །རྡོ་རྗེ་པད་མ་འབྲེལ་བ་ཡིས། །བྱང་ཆུབ་སེམས་ཀྱིས་དབང་བསྐུར་ནས། །ཐུན་མོང་ཐུན་མོང་མ་ཡིན་པའི། །ཉོན་མོངས་ལྟ་དང་ཤེས་བྱ་རྣམས། །
131b5 སྐད་ཅིག་ཡུད་ལ་བསལ་བྱས་ཏེ། །ཐུན་མོང་ཁྱད་པར་གསང་བ་ཡི། །ལམ་གཉིས་ངེས་པར་སྟོན་པས་ན། །སྟོན་པ་ཞེས་ནི་བརྗོད་པ་ཡིན། །དེ་ཡི་གནས་མཆོག་བཤད་བྱ་བ། །འབྱུང་དང་བཞུགས་དང་རྟེན་པ་དང་། །མཚོན་པ་བྱིན
131b6 གྱིས་བརླབས་ཕྱིར་རོ། །ཐབས་དང་ལམ་གྱི་ཁྱད་པར་གྱིས། །ཀུན་བདག་རྡོ་རྗེ་འཆང་ཆེན་ཉིད། །གཙང་མ་རིག་དག་སྤངས་པ་ཡི། །འོག་མིན་གནས་མཆོག་ཆེན་པོ་དེར། །ཡང་དག་སངས་རྒྱས་དེར་སངས་རྒྱས། །སྐལ་མེད་སྐྱེ
131b7 བོ་གདུལ་བའི་ཕྱིར། །སྤྲུལ་པ་པོ་ནི་འདིར་སངས་རྒྱས། །སངས་རྒྱས་ཀུན་གྱི་བཞུགས་པའི་གནས། །གཙང་མ་རིགས་དག་རྣམ་སྤངས་པ། །འཇིག་རྟེན་ལས་ཀྱིས་མཐར་གྱུར་པ། །འོག་མིན་འབར་བའི་གཞལ་ཡས་ཁང་། །ཕྱོགས་བཅུར
131b8 རྒྱ་ཡོངས་མ་ཆད་པའི། །ཡོན་ཏན་ཁྱད་པར་སྤགས་པ་ན། །གསང་བ་ཡུམ་གྱི་བྷ་ག་ལ། །བཅུ་གསུམ་ས་ཡི་དབང་ཕྱུག་ལྡན། །རྡོ་རྗེ་འཆང་ཆེན་དཔག་མེད་དང་། །ཏིལ་འབྲུའི་ཚུལ་དུ་རབ་ཏུ་བཞུགས། །ཆོས་རྣམས་ཀུན་གྱི་དེ་བཞིན་ཉིད། །ཐོག་མ
iiif viewer powered by OpenSeadragon
