| e-texts navigator |
| Wylie |
131a1 ནོ། །རྒྱུ་དང་འབྲས་བུ་བཅུད་འདུས་པས། །སྙིང་པོ་ཞེས་ནི་བཤད་པ་ཡིན། །གང་ཕྱིར་ཐམས་ཅད་བྱང་ཆུབ་སེམས། །མཐའ་དབུས་ཡོངས་སུ་མ་ཆད་པ། །དངོས་པོ་གསུམ་གྱིས་ཁྱབ་གྱུར་པ། །ཡོངས་སུ་རྫོགས་པའི་རྒྱུ
131a2 ཡིན་ནོ། །ཐབས་དང་ཤེས་རབ་དབྱེར་མེད་པའི། །དེ་བཞིན་ཉིད་དུ་རྡོ་རྗེས་རིག་།བདག་དང་གཞན་དོན་ནུས་པ་རྫོགས། །འབྲས་བུའི་དེ་ཁོ་ན་ཉིད་དོ། །གང་ཕྱིར་དངོས་གཉིས་ཐ་དད་པར། །ལོག་པར་བརྟགས་པའི་སྣང་བ་རྣམས། །མུན་ལ
131a3 སྣང་དང་གསེར་འགྱུར་ལྟར། །རོ་གཅིག་ཐབས་ཀྱིས་དེ་ཁོ་ན། །དེ་ཕྱིར་དེ་ཁོ་ན་ཞེས་བརྗོད། །དངོས་པོ་སྣ་ཚོགས་དབྱེར་མེད་པའི། །ཐ་དད་དོན་མིན་དོན་གཅིག་མིན། །དེ་ཉིད་གསང་བའི་ངེས་པ་ནི། །གཞི་དང་ལམ་དང་ངོ་བོ་དང་། །ངེས་པས་ངེས
131a4 པ་གསུམ་དུ་བསྟན། །གང་དུ་ཐེག་པ་བཞི་གསུངས་པ། །འགྲོ་བ་འདྲེན་ཕྱིར་མ་ངེས་པ། །རོ་གཅིག་ཐེག་པར་ངེས་གནས་པ། །ངེས་པའི་ཐེག་པ་བླ་ན་མེད། །རང་བཞིན་མ་བཅོས་རང་བྱུང་ལས། །བྱ་བྱེད་ངང་གིས་བྲལ་བ་ཡི། །སྣ་ཚོགས་སྒྱུ་མའི
131a5 དཀྱིལ་འཁོར་འཕྲུལ། །རང་སྣང་སྒྱུ་འཕྲུལ་དྲ་བའོ། །རང་བཞིན་མཐའ་དབུས་མེད་པ་ལས། །རྒྱུ་རྐྱེན་ལས་ཀྱིས་སོ་སོར་འཁྲུལ། །དེ་ཉིད་བྱང་ཆུབ་སེམས་ཉིད་དེ། །མཐའ་དབུས་མེད་པར་མཉམ་པར་གནས། །དེ་ལྟར་སོ་སོར་སྣང་བའི་རྒྱུད། །
131a6 ནམ་མཁའ་དང་རིས་ཕྱེ་བ་ལྟར། །རྒྱུད་ཆེན་སྒྱུ་འཕྲུལ་དྲ་བ་ཡི། །ལམ་གཉིས་འབྲེལ་པར་མངོན་བསྒོམས་པས། །ཐབས་དང་ཤེས་རབ་དབྱེར་མེད་པའི། །བདེ་ཆེན་ཐིག་ལེ་མངོན་སྣང་བ། །འཇུག་དང་གྲོལ་བའི་ལམ་ཉིད་དེ། །སྒྱུ་འཕྲུལ
131a7 དྲ་བའི་ལམ་དུ་བརྗོད། །རང་བཞིན་ཡོངས་ཀྱིས་ཁྱབ་པ་ཡིས། །དངོས་དབང་ཐབས་ཀྱིས་འབྲེལ་པ་ཡིས། །རིམ་པ་ཇི་བཞིན་སྟོབས་གྱུར་པས། །ཁྱད་པར་ཐབས་ཀྱི་སྒྱུ་འཕྲུལ་ཡིན། །ཐོག་མ་མེད་པའི་རྡོ་རྗེ་སེམས། །ཆོས་ཀུན་རང་གི
131a8 ངོ་བོ་ཉིད། །ཟབ་མོ་བསྟན་པ་སྤྱི་ཡི་ལུང་། །ཐབས་དང་ཤེས་རབ་དབྱེར་མེད་པའི། །རྟོག་པའི་ཆོ་ག་རྒྱས་པའི་རྒྱུད། །བསྐལ་པ་གྲངས་མེད་སྔོན་རོལ་ནས། །ཤེས་རབ་སྦྱངས་དང་སྙིང་རྗེ་ལྡན། །དད་དང་བརྩོན་འགྲུས་དམ་ཚིག་དང་། །ཆོ་གས་དག་པར
iiif viewer powered by OpenSeadragon
