| e-texts navigator |
| Wylie |
130a1 གང་དག་རྟོག་པའི་རྒྱལ་པོ་སྟེ། །སྒྱུ་འཕྲུལ་དྲ་བ་བླ་ན་མེད། །ཀུན་ལས་འབྲས་བུ་ཐུགས་ཆུད་པ། །ཆོ་ག་རྒྱས་པར་བཤད་པའི་རྒྱུད། །སྐལ་ངན་རྣམས་ཀྱིས་མ་རྟོགས་པའི། །གསང་བ་གསང་ཆེན་མདོ་སྡེ་དང་། །འདུལ་བ་ཆོས་ཀྱི་ཕུང་པོ་དག་།ནམ་མཁའ་མཐའ་ཐུག
130a2 བཤད་པ་ཀུན། །གསང་བའི་སྙིང་པོ་ལས་འཕྲོས་པས། །ཇི་སྙེད་བསྐྱེད་དང་རྫོགས་པའི་ལམ། །མ་ལུས་ཀུན་གྱི་སྙིང་པོ་འདི། །ཐེག་པ་དམན་དང་མ་སྦྱངས་དང་། །རིགས་ཆད་དབང་དང་མན་ངག་བྲལ། །ཇི་ལྟར་བལྟས་ཀྱང་མི་སྣང་བ། །སྐྱེས་བུ་མཆོག་གི་སྤྱོད་ཡུལ
130a3 བས། །རྡུལ་སྙེད་སྦྱངས་པའི་གང་ཟག་ལ། །གསང་ཕྱིར་གསང་བའི་ཐབས་དག་གིས། །དངོས་གྲུབ་མཐའ་ཡས་གྲུབ་ཕྱིར་བསྟན། །ཕྱི་ནང་སྣོད་བཅུད་མ་ལུས་པའི། །རྟེན་དང་བརྟེན་པར་བཅས་པའི་ཆོས། །ཇི་ལྟར་གྲགས་དང་གྲགས་གྱུར
130a4 པའི། །ཐམས་ཅད་མ་ལུས་རྒྱུ་གཅིག་ཀྱང་། །རྐྱེན་སྟོབས་ནུས་པ་སོ་སོར་སྣང་། །ཁྱད་པར་རིམ་པར་གང་གནས་པ། །རང་བཞིན་གདུལ་བྱ་བདེར་གཤེགས་དང་། །འཁྲུལ་པའི་དབང་གིས་སོ་སོར་སྣང་། །མ་བཅོས་ངང་ལ་ཐ་དད་མེད། །
130a5 རང་སྣང་ལས་ཀྱིས་ཐ་དད་པའི། །བྱེ་བྲག་རྣམ་པར་བསྟན་པ་ཀུན། །དེ་བཞིན་ཉིད་ལ་དགོད་བྱའི་ཕྱིར། །རྒྱལ་མཆོག་བདེ་ཆེན་ཡོངས་གང་བས། །དྲི་བའི་དོན་འདི་ལུང་བསྟན་ཅིང་། །ཐབས་དང་ཤེས་རབ་འབྲེལ་གྱུར་པའི། །གསང་བའི
130a6 དོན་ལ་དགོད་དུ་གསོལ། །སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གི་རྒྱུད་ལས་དྲི་བ་རྩ་བའི་རྒྱུད་ཅེས་བྱ་བ་བཤད་པ་རྟོག་པའི་རྒྱལ་པོ་རྫོགས་སྷོ།། །། དེ་ནས་གསང་བདག་རྡོ་རྗེ་འཆང་། །སྐྱེས་བུ་མཚན་དཔེ་རབ་ལྡན་ཅིང་། །
130a7 དཔག་མེད་རྒྱལ་བས་རབ་བསྐོར་ཞིང་། །རང་འབྱུང་དག་པའི་གཞལ་ཡས་ན། །ཐབས་དང་ཤེས་རབ་འཁྲིལ་སྦྱོར་ཞིང་། །ཀུན་ཀྱང་དེ་དང་འཐུན་པ་སྟེ། །འཛུམ་ཞིང་སྟེག་པས་སོས་འདེབས་ཤིང་། །དགྱེས་པའི་ཚུལ་གྱིས་བཀའ་སྩལ་པ། །
130a8 དཔག་མེད་རྒྱལ་བས་གསུངས་པ་དང་། །གསུང་དང་གསུང་འགྱུར་ཐུགས་ཀྱི་རྒྱུད། །ཐོག་མ་བར་དང་མཐར་དགེ་བ། །ཐབས་དང་ཤེས་རབ་དབྱེར་མེད་པའི། །ཆོ་ག་རྒྱས་པར་དྲིས་པའི་མཆོག་།ཉོན་ཅིག་ད་ནི་སེམས་དཔའ་བཤད། །
iiif viewer powered by OpenSeadragon
