| e-texts navigator |
| Wylie |
129b1 འབྲས་བུ་རིམ་པ་བཤད་དུ་གསོལ། །འདི་ནི་འཇུག་པའི་ཆོ་ག་དུ། །ལས་ཀྱི་རིམ་པ་ཇི་ལྟ་བུ། །རྡོ་རྗེ་སེམས་དཔའ་བདེ་ཆེན་པོ། །སྒྱུ་འཕྲུལ་དྲ་བ་མངོན་རྫོགས་པའི། །ཐབས་དང་ཤེས་རབ་གཉིས་མེད་པས། །བདག་གི་ཐེ་ཚོམ་བསལ་དུ
129b2 གསོལ། །འདི་ནི་དབང་གི་དོན་མཐའ་དག་ལ་དྲི་བ་དྲིས་པའོ། །གང་ལ་གང་གིས་བརྟེན་པ་ཡི། །དམ་ཚིག་ཅེས་པ་ཅི་ཡི་ཕྱིར། །རྩ་བ་དམ་ཚིག་དུ་ཞིག་བསྟན། །གང་ཕྱིར་རྩ་བར་བརྗོད་པར་བྱ། །ཡན་ལག་དུ་ཞིག་བསྟན་པ་གསུངས། །
129b3 འདི་དག་ལམ་དང་བསྙེན་བསྒྲུབ་དང་། །གང་ཟག་གང་དོན་ཇི་ལྟར་འབྲེལ། །བསྲུངས་དང་འདས་པའི་སྐྱོན་ཡོན་ཅི། །ཕྱི་ནང་གསང་བའི་ཇི་ལྟར་གསུངས། །ལྟ་དང་སྤྱོད་དང་སྒྲུབ་པ་དང་། །ཤེས་བྱ་ཏིང་འཛིན་དམ་ཚིག་ཏུ། །གྲུབ་དང་མི་སྤོང་བསྲུང
129b4 ཅི་ཞིག་། རྒྱལ་མཆོག་སྐྱེས་བུས་བཤད་དུ་གསོལ། །ཐུན་མོང་ཐུན་མོང་མ་ཡིན་པའི། །མཆོད་དང་མཆོག་གྱུར་མ་ཡིན་པའི། །བསྒྲུབ་པའི་ཁྱད་པར་ཇི་ལྟ་བུ། །གང་གིས་གང་དུ་ཇི་ལྟར་བསྒྲུབ། །དགུག་དང་བཅིང་དང་གསོ་དང་བསད། །
129b5 དབྱེ་དང་བསྐྲད་དང་ཕམ་རྒྱལ་ཅི། །གཏེར་དང་མིག་རྣོན་རྐང་མགྱོགས་དང་། །རིག་འཛིན་གོ་འཕང་ཇི་ལྟར་སྒྲུབ། །རྒྱལ་བ་མཆོག་གིས་བཤད་དུ་གསོལ། །འདི་སྒྲུབ་པའི་དྲི་བ་དྲིས་པའོ། །ཕྲིན་ལས་རིམ་པ་གང་ཅི་ཞིག་།གང་གིས
129b6 གང་དུ་བརྩམ་པར་བྱ། །ཐབ་དང་རྫས་དང་ཕུར་བུ་ཅི། །ཏིང་འཛིན་འདུག་སྟངས་ཧོམ་ཁུང་ཅི། །གདུལ་བྱ་རིམ་པ་གང་ཅི་ཞིག་།ཁྱད་པར་རིམ་པ་ཇི་ལྟར་བཤད། །འབྲས་བུ་ཡོན་ཏན་ཇི་ལྟར་འགྱུར། །གསུངས་ཤིག་གསུངས་ཤིག་རྒྱལ
129b7 མཆོག་གཙོ། །ཐེ་ཚོམ་ལེགས་པར་ཆོད་པར་མཛོད། །འདི་ནི་འཕྲིན་ལས་ཀྱི་དྲི་བ་དྲིས་པའོ། །རྨད་བྱུང་སྐྱེས་བུ་གང་ཞིག་གིས། །དང་པོ་ལམ་ཚུལ་ཇི་ལྟ་བུ། །ཕྱི་ནང་གསང་བའི་ལམ་ཅི་ཕྱིར། །སྟོང་པའི་རྣལ་འབྱོར་སྙིང་རྗེ་ཆེ། །ཕྱག
129b8 རྒྱ་ཅིག་དང་སྤྲོས་བཅས་ཅི། །རྣམ་སྨིན་དབང་སྒྱུར་ཕྱག་རྒྱ་དང་། །ལྷུན་གྱིས་གྲུབ་པའི་མཚན་ཉིད་ཅི། །མཐར་ཕྱིན་རྣམ་པ་དུ་ཞིག་གསུངས། །ཕྱི་ནང་གསང་བ་མཐར་ཕྱིན་པའི། །འབྲས་བུ་བདག་གཞན་དོན་ཉིད་ཅི། །ཉི་ཤུ་རྩ་ལྔའི་དོན་ཅི་ལྟར། །
iiif viewer powered by OpenSeadragon
