| e-texts navigator |
| Wylie |
128b1 པ་ཉིད། །གང་ཕྱིར་སྤྱི་ཞེས་བྱ་བར་བཤད། །གསང་བ་ཞེས་ནི་ཇི་ལྟ་བུ། །སྙིང་པོའི་དོན་ནི་ཅི་ཡི་ཕྱིར། །དེ་ཁོ་ཉིད་ཅེས་ཇི་ལྟར་བརྗོད། །ངེས་པ་ཞེས་པ་ཅི་ཡི་ཕྱིར། །མཚན་འདི་གང་ཟག་གང་ལ་གསུངས། །མཚན་གྱི་དྲི་བ་དྲིས་པའོ། །
128b2 ཐུན་མོང་ཁྱད་པར་ཚུལ་ཉིད་ཀྱི། །སྟོན་པ་ཞེས་ནི་ཅི་ཡི་ཕྱིར། །གནས་དང་འཁོར་ནི་ཇི་ལྟ་བུ། །དུས་དང་སྡུད་པ་ཇི་ལྟ་བུ། །མི་བསྐྱོད་པ་ནི་ཇི་ལྟར་བྱ། །རྣམ་པར་སྣང་མཛད་ཇི་ལྟར་བརྗོད། །རིན་ཆེན་འབྱུང་ལྡན་གང་གི་ཕྱིར། །སྣང་བ་མཐའ་ཡས
128b3 གང་གི་ཕྱིར། །དོན་ཡོད་གྲུབ་པ་ཇི་ལྟ་བུ། །སྤྱན་དང་ནམ་མཁའི་དབྱིངས་མ་དང་། །གོས་དཀར་མོ་དང་མཱ་མ་ཀཱི། །སྒྲོལ་མ་ཞེས་པ་གང་གི་ཕྱིར། །ས་ཡི་སྙིང་པོ་ཅི་ཡི་ཕྱིར། །ནམ་སྙིང་སྤྱན་རས་གཟིགས་དབང་དང་། །ཕྱག་ན་རྡོ་རྗེ་གང་ཕྱིར་བརྗོད། །
128b4 སྒེག་མོ་ཕྲེང་དང་གླུ་གར་ཅི། །བྱམས་དང་སྒྲིབ་སེལ་ཀུན་བཟང་དང་། །འཇམ་དཔལ་ཞེས་པ་ཅི་ཡི་ཕྱིར། །དུས་བཞི་བདུག་སྤོས་མེ་ཏོག་དང་། །མར་མེ་དྲི་ཆབ་གང་ཕྱིར་བརྗོད། །རྣམ་རྒྱལ་གཤིན་རྗེ་གཤེད་པོ་དང་། །རྟ་མགྲིན་བདུད་རྩི་འཁྱིལ་བ
128b5 ཅི། །ལྕགས་ཀྱུ་ཞགས་པ་ལྕགས་སྒྲོག་དང་། །དྲིལ་བུ་ཞེས་པ་གང་ཕྱིར་བརྗོད། །ཡིད་དང་ཆོས་བཟང་གཉིས་ཀྱི་ཕྱིར། །གཙོ་བོས་བདག་ལ་ངེས་པར་གསུངས། །གང་ཕྱིར་ཐུན་མོང་མ་ཡིན་པའི། །ནང་དང་གསང་བའི་གླེང་གཞི
128b6 ལས། །སྟོན་པ་བསྟན་པ་གནས་དང་འཁོར། །དུས་དང་སྡུད་པ་ཇི་ལྟར་བརྗོད། །གྲགས་པ་ཐུན་མོང་གླེང་གཞི་ལས། །སྟོན་པ་འཁོར་གནས་དུས་ཇི་ལྟར། །བསྟན་པ་སྡུད་པ་ཇི་ལྟ་བུ། །སྐྱེས་བུ་ཆེན་པོས་བཤད་དུ་གསོལ། །འདི་ནི་གླེང
128b7 གཞིའི་དྲི་བ་ཚིགས་སུ་བཅད་པའོ། ། །།ཐུན་མོང་ཐུན་མོང་མ་ཡིན་པའི། །གླེང་བསླང་གཉིས་སུ་ཅི་ཕྱིར་འགྱུར། །གང་གིས་གང་ལ་གླེང་བསླང་ཞིང་། །ཐབས་དང་འབྲས་བུ་ཅི་ཡིན་སྟོན། །ཐུན་མོང་ཐུན་མོང་མ་ཡིན་པའི། །
128b8 སེམས་ལྔ་ཡེ་ཤེས་ལྔ་ཡི་རིམ། །གང་དང་འབྲེལ་བ་བཤད་དུ་གསོལ། །འདི་ནི་གླེང་བསླང་བའི་ཚིགས་སུ་བཅད་པའོ། །སྐྱེས་བུ་ཆེན་པོ་སྟོན་པའི་གཙོ། །སྒྱུ་འཕྲུལ་དྲ་བར་མངའ་བརྙེས་ཤིང་། །ཕུན་སུམ་ཚོགས་པ་ཆོས་ཀྱི་རྗེ། །
iiif viewer powered by OpenSeadragon
