| e-texts navigator |
| Wylie |
92a1 ཇི་ལྟར་ནམ་མཁའ་ཞིག་འགྱུར་ན། །དེ་ཚེ་མྱ་ངན་འདའ་བར་འགྱུར། །གང་དག་གདུག་པ་མ་རུངས་པ། །བདག་མེད་སྟོང་པའི་སྟོབས་ཀྱིས་འདུལ། །རང་བཞིན་འོད་གསལ་སྤྲོས་བྲལ་བའི། །བསྟན་པ་རྒྱ་མཚོ་འང་དེ་ཉིད་པས། །རང་འབྱུང་སེང
92a2 གེ་རྩལ་ཅན་གྱིས། །ཀུན་དུ་འབར་ཞིང་སྣང་བར་བྱེད། །བསླབ་པ་ལྷག་པའི་སེམས་ཉིད་པས། །བསྒྲུབ་པ་ཀུན་གྱི་མཆོག་འདི་ནི། །ས་རབ་སྣང་བ་ཕྱིས་འབྱུང་བའི། །འགྲོ་བ་ལུས་ཀྱི་སེམས་དཔའ་འཛིན། །མཐའ་ཐུག་མེད
92a3 པའི་སེམས་ཅན་རྣམས། །བྱང་ཆུབ་སྙིང་པོར་ཡེ་གནས་པས། །དེ་བཞིན་ཉིད་དུ་རྒྱུད་ངེས་ཕྱིར། །ཀུན་ཀྱང་མི་སློབ་དེ་ལུང་སྟོན། །སེམས་ཉིད་ཡོད་དང་མེད་དོ་ཞེས། །བྱིས་པ་རྣམས་ནི་རྩོད་པར་བྱེད། །མཁས་པ་ཡེ་ནས་རྩོད་དང་བྲལ། །
92a4 ཡོད་མེད་རྟོག་པའི་ཚིག་མི་བརྗོད། །ང་ཡི་གསང་སྔགས་གསང་བ་འདི། །སངས་རྒྱས་ཀུན་གྱི་གསང་ཡིན་ཕྱིར། །གང་མི་དཔོགས་པར་གཞན་དཔགས་པས། །གསང་བར་སྒྲ་གཅིག་ཐ་དད་འབྱུང་། །དམ་པ་རྣམས་ཀྱི་གསང་ལུང་འདི། །
92a5 གང་དག་མི་ཤེས་རྨོངས་འཕྱར་བས། །དུག་དང་བདུད་རྩིར་རྗེ་བས་ནི། །ཕུད་བྱེད་གཉིས་ག་སྲེག་པར་འགྱུར། །ཀུན་གསལ་མེ་ལོང་འོད་པོ་ཆེ། །མ་འདྲེས་ཡོངས་རྫོགས་སྟོན་པ་དེ། །མཁའ་ལྟར་འཕོ་འགྱུར་མེད་པས་ན། །འཚོ་བ་འང་གློག
92a6 འགྱུ་སྤྲིན་བཞིན་མེད། །བྱང་ཆུབ་སྙིང་པོ་ཡོད་ཀྱི་བར། །དེ་སྲིད་བསྟན་པ་གནས་པ་ཡིན། །ཐོག་མ་ཐ་མ་མེད་པ་ནས། །བྱུང་བས་སྔ་ཕྱི་ཡོད་མ་ཡིན། །དང་པོ་མེད་ལས་བྱུང་བརྗོད་པས། །ཐ་མ་འང་བརྗོད་བྲལ་མེད་པར་འགྱུར། །
92a7 གདུང་འཛིན་ཐོག་མ་འང་དེ་བཞིན་ཉིད། །ཐ་མ་འང་དེ་ལས་གཞན་མི་འགྱུར། །འདི་ནས་དེ་བཞིན་ཉིད་འདིར་གཤེགས། །བདལ་ཁྱབ་ཆེན་པོའི་ཞིང་ན་བཞུགས། །སེམས་ཀྱི་དཀྱིལ་འཁོར་འོད་གསལ་བ། །དེ་བཞིན་ཉིད་དུ་རྣམ་པར
92a8 སྣང་། །བྱིས་པའི་ཆེད་དུ་ཆོ་འཕྲུལ་ཞིག་།མེ་ཏོག་བཀོད་པའི་འཇིག་རྟེན་ན། །མ་གྲགས་པ་ཞེས་བྱ་བར་སྣང་། །སྣང་བ་འང་ཉིད་ན་སྣང་བ་མེད། །དེ་བཞིན་ཞིང་ཁམས་གང་དག་ཏུ། །སྤྲུལ་པའི་སངས་རྒྱས་སྣང་མཛད་པ། །སྒྱུ་མའི
iiif viewer powered by OpenSeadragon
