| e-texts navigator |
| Wylie |
87a1 ཤིང་ཕྱོགས་པ་ཀུན་ཉོན་ཅིག་། དེང་འདིར་རྒྱལ་བ་བདུད་རྩི་གསུམ་འཇོག་གིས། །དུག་གསུམ་འཇོམས་པར་འདོད་པ་ཀུན་འདུས་ཤིག་།དེ་སྐད་ཅེས་བསྒྲགས་པས་དམ་པའི་རིགས་ཅན་ལྔ་མ་མ་གཏོགས་འདི་ལྟ་སྟེ། སྔགས
87a2 ཀྱི་བསམ་གཏན་ཆེན་པོའི་ནང་དུ་ཡང་དག་འཇོག་པ་བསྐུལ་བ་ཆེན་པོ་ལང་ཀའི་མངའ་བདག་བློ་གྲོས་ཐབས་ལྡན་ལ་སོགས་པ། ལས་གཞན་ཐམས་ཅད་འདུས་པར་གྱུར་ཏོ། །དེ་ནས་འདུས་པ་དེ་དག་ལ་བཀའ་སྩལ་པ། ཀྱེ་གྲོགས
87a3 པོ་དག་ཤེས་པར་གྱིས་ཤིག་། ཆོས་ཐམས་ཅད་ནི་མི་རྟག་པའོ། །འབྱོར་པ་ཐམས་ཅད་ནི་མཐར་རྒུད་པའོ། །དངོས་པོ་ཐམས་ཅད་ནི་ངེས་པར་འཇིག་པའོ། །གང་ཟག་གི་སྲོག་གི་དབང་པོ་ལ་སྐྱེ་ཤི་ཡོད་པའི་ཕྱིར་ང་ཡོངས
87a4 སུ་མྱ་ངན་ལས་འདའ་བས་སུ་དག་ཐེ་ཚོམ་མ་ཆོད་པ་རྣམས་དྲི་བ་གྱིས་ཤིག་། དེ་སྐད་ཅེས་བཀའ་སྩལ་པ་དང་། འཁོར་དེར་འདུས་པར་གྱུར་པའི་རིག་འཛིན་གྱི་རྒྱལ་པོ་ཀུན་ཛ་ར་ཞེས་བྱ་བ་དེ་རང་གི་སྟན་ལས་ལངས་ཏེ། སེང་གེའི་ལྟ་སྟངས
87a5 ཀྱིས་སྟོན་པའི་ཞལ་དུ་བལྟས་ནས་འདི་སྐད་ཅེས་གསོལ་ཏོ། །ཁྱོད་ནི་ནམ་མཁའི་རང་བཞིན་ཏེ། །འདས་དང་མི་འདའ་ཡོང་མི་མངའ། །འཇིག་རྟེན་པ་ལ་འཐུན་འཇུག་ཏུ། །འདའ་བས་ཡོངས་སུ་འདུལ་བར་དགོངས། །ཁྱོད་ནི་འཇིག
87a6 རྟེན་སྒྲོན་མར་ཤར། །ལྷ་མིའི་འཇིག་རྟེན་ཐམས་ཅད་ཀྱི། །མུན་པའི་དཀྱིལ་འཁོར་ཀུན་བསལ་ནས། །སེམས་ཀྱི་དཀྱིལ་འཁོར་གསལ་མཛད་དེ། །ས་དང་རྣམ་ཐར་ལ་སྤྱད་པས། །བྱང་ཆུབ་ཐོབ་པར་འགྱུར་བ་ཡི། །འདྲེན་པའི་ཐེག་པ་རྣམ
87a7 གསུམ་ལ། །གང་དག་རིམ་པར་བཀོད་ལགས་ན། །མཉམ་པས་བླང་དོར་མེད་སྤྱོད་ཅིང་། །བྱང་ཆུབ་གཞན་ནས་མི་འཚོལ་བའི། །ཐབས་མཆོག་དཔག་གིས་མི་ལང་བའི། །ངེས་པའི་ཐེག་ཆེན་ཡོང་མ་གསུངས། །རྒྱལ་བའི་དགོངས་པ་ཚིག
87a8 གསུམ་པོ། །གདམ་ངག་ལུང་དུ་མ་བཞག་ན། །བློ་ཆུང་མུན་པས་རྨོངས་པ་རྣམས། །ངེས་པའི་བློ་གྲོས་གང་ལ་གཞག་།རྣམ་པར་ཐར་པའི་ཐེག་པ་གསུམ། །གང་བསྡུས་གང་ལ་གང་གིས་བསྡུ། །འཇིག་རྟེན་གསལ་བའི་ཉི་ནུབ་ན། །
iiif viewer powered by OpenSeadragon
