| e-texts navigator |
| Wylie |
84b1 @#། །རྒྱ་གར་སྐད་དུ། སརྦ་ཏ་ཐཱ་ག་ཏ་ཙིཏྟ་ཛྙཱ་ན་གུ་ཧྱ་ཨཪྠ་གརྦྷ་བྱཱུ་ཧ་བཛྲ་ཏནྟྲ། སིདྡྷི་ཡོ་ག་ཨཱ་ག་མ་ས་མཱ་ཛ་སརྦ་བིདྱཱ་སཱུ་ཏྲ་མ་ཧཱ་ཡཱ་ན་ཨ་བྷི་ས་མ་ཡ་དྷརྨཱ་པརྱ་ཡ་བི་བྱཱུ་ཧ་ནཱ་མ་སཱུ་ཏྲ~ཾ། བྲུ་ཞའི་སྐད་དུ། ཧོ་ན་པ་ན་རིལ་ཏིལ་པི་བུ་བི་ཏི་ལ་ཏི་ཏ
84b2 སིང་འུན་འུབ་ཧང་པང་རིལ་འུབ་པི་སུ་བང་རི་ཞེ་ཧལ་པའི་མ་ཀྱང་ཀུའི་དང་རོང་ཏི། བོད་སྐད་དུ། དེ་བཞིན་གཤེགས་པ་ཐམས་ཅད་ཀྱི་ཐུགས་གསང་བའི་ཡེ་ཤེས་དོན་གྱི་སྙིང་པོ་རྡོ་རྗེ་བཀོད་པའི་རྒྱུད་རྣལ་འབྱོར་གྲུབ་པའི་ལུང་ཀུན་འདུས་རིག
84b3 པའི་མདོ་ཐེག་པ་ཆེན་པོ་མངོན་པར་རྟོགས་པ་ཆོས་ཀྱི་རྣམ་གྲངས་རྣམ་པར་བཀོད་པ་ཞེས་བྱ་བའི་མདོ། ། བམ་པོ་དང་པོ་སྟེ་ཐོག་མར་ཟུག་པ། བཅོམ་ལྡན་འདས་དཔལ་སྒྲོལ་བྱེད་ཐུགས་རྗེའི་རྒྱལ་པོ་ཤིན་དུ་རྣམ
84b4 པར་གྲོལ་བ་ཉིད་ལ་ཕྱག་འཚལ་ལོ། །འདི་སྐད་བགྲོ་བ་བདག་གིས་ཐོས་པ་དུས་གཅིག་ན། དེ་བཞིན་གཤེགས་པ་ཐམས་ཅད་གྱི་བཅོམ་ལྡན་འདས་གསང་བ་པའི་བདག་པོ་རྡོ་རྗེ་འཛིན་ཆེན་པོ་ཇི་སྐད་དུ་རྣམ་པར་བགྲོ
84b5 བ་ཨའི་སྐྱེས་བུ་སྨྲ་བའི་སེང་གེ་དེ་འདི་ལྟར་སངས་རྒྱས་ཀྱི་ཞིང་བསམ་གྱིས་མི་ཁྱབ་པ་ན་འཁོད་ཅིང་སེམས་ཅན་གྱི་རིས་ཐ་དད་པ་ན་བཞུགས་ཏེ་བསམ་གྱིས་མི་ཁྱབ་པ་བསམ་དུ་མེད་པའི་ཆོས་དཔག་ཏུ་མེད་པའི་རྒྱལ་བ་ཀུན་གྱིས
84b6 བསྔགས་པའི་འདུ་འབྲལ་མེད་པའི་གཟུངས། ཐམས་ཅད་རིག་པ་གསང་སྔགས་ཀྱི་ངོ་བོ་ཇི་སྙེད་པའི་ཇི་བཞིན་པ། ཆོས་ཐམས་ཅད་ཀྱི་མེ་ལོང་དེ་ཉིད་མི་འགལ་བར་ཉན་ཅིང་མ་ནོར་བར་སྟོན་ཏེ་རྣམ་པར་འགྲོ་བ
84b7 ནི། འདི་ལྟ་སྟེ། སངས་རྒྱས་མི་བསྐྱོད་པའི་ཞིང་ཁམས་མངོན་པར་དགའ་བ་ཞེས་བྱ་བ་རྡོ་རྗེ་འོད་ཟེར་གྱིས་རྣམ་པར་བརྒྱན་པ་ན། རྡོ་རྗེ་ཕུང་པོའི་རི་བོ་ལ་སྐྱེས་བུ་ཆེན་པོ་སེམས་དཔའ་རྡོ་རྗེ་ཞེས་བྱ་བར་བྱང་ཆུབ་སེམས་དཔའ
84b8 བྱེ་བ་ཕྲག་ས་ཡའི་འཁོར་དང་བཅས་ཏེ། སེམས་ཀྱི་དཀྱིལ་འཁོར་འོད་གསལ་བ་གསང་སྔགས་ཀྱི་ངོ་བོ་དེ་ཉིད་རང་གི་སྟོན་པ་ལ་ཉན་ཅིང་རང་གི་ཉེན་འཁོར་ལ་དེ་བཞིན་སྟོན་ཏེ། ཡོངས་སུ་འདས་ཀྱང་དེ་བཞིན་ཉིད་དུ་བསྙད་པའི
iiif viewer powered by OpenSeadragon
