| e-texts navigator |
| Wylie |
84a1 པར་བྱེད་པ་ཡིན། །སྡུག་བསྔལ་རྒྱ་མཚོ་གཅོད་པར་བྱེད་པ་ཡིན། །སྙིང་པོ་དོན་ལ་གོམས་པར་བྱེད་པ་ཡིན། །ཀྱེ་ངས་ནི་མ་རིག་པ་ཡི་དམིགས་བསལ་ནས། །སྐྱེ་མེད་བྱང་ཆུབ་སེམས་ནི
84a2 མངོན་བསྟན་ན། །སྐལ་ལྡན་རྣལ་འབྱོར་མིག་དང་ལྡན་པ་དག་།བྱ་བ་མེད་པར་རང་བཞིན་གྲོལ་བར་འགྱུར། །ཐེག་པའི་ཡང་སྙིང་བཀའ་ཡི་རྫོགས་ཆེན་འདི། །མན་ངག་སྙིང་པོ་ལུང་དང་བསྟན་རྣམས་ཀྱིས། །
84a3 རང་བཞིན་བདེ་བར་གནས་ན་གསལ་བར་འགྲུབ། །མ་བཅོས་མི་འགྱུར་འཇུག་ཅིང་རྩོལ་བ་མེད། །ཀྱེ་ང་ནི་སྟོན་པ་ཀུན་བྱེད་རྒྱལ་པོ་སྟེ། །ཐེག་པའི་རྩ་བ་ཆོས་ཀྱི་སྙིང་པོའི་ལུང་། །སྐུ་གསུམ་སྟོན་པས་མ་གསུངས
84a4 རྒྱ་ཆེ་བ། །སྐྱེ་བ་མེད་པར་སྟོན་པའི་སེམས་རྒྱུད་འདི། །དུས་གསུམ་རྒྱལ་བས་སྔོན་ཆད་མ་གསུངས་ཏེ། །ཕྱི་མ་མི་གསུང་ད་ལྟར་སྟོན་མི་མཛད། །ཀུན་བྱེད་རྒྱལ་པོས་འཕོ་འགྱུར་མི་མངའ་བས། །སྔ་པར་གསུངས
84a5 ཤིང་ཕྱིས་ཀྱང་གསུང་འགྱུར་ལ། །ད་ལྟར་བྱུང་བར་གསུངས་པས་སྐལ་ལྡན་ལ། །ངེས་པར་བསྟན་པས་འབད་མེད་གྲོལ་བའི་ལུང་། །མདོ་ལུང་མངོན་དུ་བསྟན་པའི་བཀའ་རྒྱུད་འདི། །མི་འཕེལ་མི་ནུབ་སྙིང་པོ
84a6 འཛིན་པ་ལ། །ཀུན་བྱེད་རྒྱལ་པོ་ངེས་པར་ཁྱོད་ལ་གཏད། ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་མཚན་གྱི་རྣམ་གྲངས་བསྟན་པའི་ལེའུ་སྟེ་བརྒྱད་བཅུ་རྩ་བཞི་པའོ།། །།
84a7 བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལྟ་བ་ནམ་མཁའ་ལྟར་མཐའ་དབུས་མེད་པའི་རྒྱུད་ནམ་མཁའི་སྙིང་པོ་མཆོག་གི་དོན་གསང་བ་མཆོག་གི་མདོ་ལུང་བརྒྱད་བཅུ་རྩ་བཞི་པ་རྫོགས་སོ།། །།
84a8 རྒྱ་གར་གྱི་མཁན་པོ་དཔལ་གྱི་སེང་གེ་མགོན་པོ་དང་དགེ་སློང་བཻ་རོ་ཙ་ནས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།
iiif viewer powered by OpenSeadragon
